أبي رايكم ,,,,.....
هذي بيتين ابي انقلها لكم أبي رايكم فيها
حيل الله اقوى يالعيون الشقيه
ويش بيدي غير السهر والقصايد
أشوف حبي ميت في يديه
واصوغ له ابيات شعري قلايد
قالو توفت وافتها المنيه
واصحى ترى الي مات ماهو بعايد
الموت حق وخل نفسك قويه
ياما بها الدنيا تشوف النكايد
قلت العنا شي ما أقدر عليه
والحزن صارعندي سلم وعوايد
ماتت وذكراها على البال حيه
ودموع عيني لا طرتها شدايد
حبيتها والحب ماهو خطيه
عشقتها عشق على العشق زايد
وافراقها للقلب من غير نيه
وانا اشهد ان فراق الاحباب كايد
عفت الهوى عفت اليالي الهنيه
عفت الغزل حتى منام الوسايد
كل اليالي عقبها سرمديه
وإلا الفرح في دنيتي شي بايد
والقلب ميت من ممات الوفيه
مايشحنه حب البنات الجدايد
>>>>>>>>>:189[1]:
رد مع اقتباس
مواقع النشر (المفضلة)