مجاراتي للقصيده المشهوره
هناك قصيده مشهوره قالو انها لشخص يدعى يتيم القصيم والله العالم ماندري لمن .. لكن نشرت في منتدى واثارتني فرديت عليها ..
يقول يتيم القصيم:
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[]قلت الوداع وجاوبـت دمعـة العيـن =تجـرح بساتيـن الخـدود النديـه
واغضت وشفت بعينهـا الحزن حزنيـن=وصاحت على الفرقا انـا مـو قويـه
وجاوبتها ارجـوك تكفيـن تكفيـن=والله دمعك يشعـل النار فـيّـه
وقالـت تعاهدني عـهـاد المحبـيـن=الله يخـون اللـي يخـون بخويّـه
قلـت ابشري واللـي خلقـك لاتظنيـن=حرااااام ماغيرك عشقـت آدمـيـه
وقصّت شعرها قلت انـا وش تسويـن=قالـت ابـي مـن غرتي لـك هديـه
ونادتنـي الغربه علـى الهـم والبيـن=احسّـب الأيـااااام روحـه وجيّـه
وفي كـل ليله ترتسـم بيـن رمشيـن=خيالهابيـن الـرمـوش الشقـيـه
غربة سنه فـي ذمتـي غربـة سنيـن=متى علـى الله يلتقـي الحـي حيـه
خلاص هانت مابقـى غيـر يومـيـن=خـلااااااااص قفّت غربـةٍ جرهديـه
ورجعت شوقي في خفوقي براكيـن=ورجعـت انـا كلـي لها جاذبـيـه
وسألت ما ردّوا وانا اصيح هي وين=وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن=قالـوا توفـت غافلتـهـا المنـيـه
وفـي غرغرتها ماذكرت غيرحرفيـن=تشهـدت بسـمـك شـفـاه البنـيـه
وتزاحمـت فـي داخلي ألـف سكـيـن=والحزن يطويـنـي ثمانيـن طـيّـه
صدمه وجابتنـي علىالارض نصفـيـن=وشلـون راحـت دون ذنـب وخطيـه
تكفون دلـونـي علىالقبر هالحـيـن=مـاعـااااد فيـنـي للصبر مقـدريـه
ووقفـت اطالـع قبرها بيـن نصبـيـن=وجلست اضـم اغلـى النصايـب عليّـه
واصيح وش بك يا غلا مـا ترديـن=اشتقـت همس إشفاهك النرجسـيـه
وش فيك جيت من السفر مـا تهليـن=ماهي بلك عـاده ولا انتـي رديـه
وحاولت في لحظة جنون اجـرح الديـن=وازيـح تـربـة قبرهـا فـي يـديّـه
وبالغصب شالوني حشـا تقـل مسكيـن=واصـرخ بهم والله والله حـيّـه
اقفت وتاهـت بـي جميع العنـاويـن=والحـزن يلعب داخلـي سامـريـه
ورجعت لـدروب الشقـا قبـل عاميـن=مدري مـن اللـي صـار فينـا ضحيـه[/poem]][/]
.................................................. ...............
واقوله صح لسانك على هالرائعه بحق حزينه جدا جدا جدا وهي ما اثارتني فعلاً
وانا اقول
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[]ابدا بذكر الله وســـيـــد الــنــبـيين=رسـولنا الشافع لكل البريّه
ويافكر هات من الجزال المزايين=حنّا هل الجزلات والنار حيه
وياذيب صوتك سامعه فالضلاعين=اسمع قنيب الذيب يقنب عليه
احزنتني وانا ترا خلق من طــيـن=وقامت على راسي تخابط يديّه
قصيدتن تكتب بدم البرييّن=يبكيلها ليل ٍ وشمس ٍ وفـــيــّه
موت ٍ بعد غربه وعيش المساكين=والصدمه اللي كنها قرص حيه
اشوى من اللي قد غدره المحبين= ياليتهم ماتو على طيب نيـــه
ماتو بعد شقو من القلب شبريــن= والميسم الحامي ونار ٍ لظيّه
اقلها ما قد هجرك اريش العيـــن=الموت فالهجران قدره شويّه
ولا السموم اللي تشل الشراييـــن=ماجاك منها شي لو هو بليّه
الناس ماتت بانتفاضة فلسطيــــن=العلم موت القلب والروح حيّه
ياللي هبدت الصدر وابكيت لك عين=عليك من بعض السوايا خطيه
صوم وتصدّق والتحق بالمصلين=لــعـــلـــّـهـا تدفع بحسناك سيّه
واختامها صلو على ناشر الدين=رســـولنا الشافع وخير البريه[/poem]][/]
الجدير بالذكر ان هذه القصيده مر لها اكثر من عامين وللاسف سرقت ولكن تبقى علامة جودة جزيل المعاني مختومه على كل حرف فيها
وسلامتكم
المشاركة الأصلية كتبت بواسطة ظميان غدير
مواقع النشر (المفضلة)