+[ .. يآ ليتكـ بس تفقدني كثر مآ أفقدكـ وأشتآق .. ]+

**вéит чǿủŝīf** · 09-11-2008, 04:49 PM

مررحبآآآ ،

،‘

ماقول ان الصدر ضايق أقول الكون فيني ضاق
ماقول أن غيبتك صعبه أقول البعـد ينهينـي

أنا يا مزعل قلبـي عليـك وماطريـت فـراق
أشيل بخاطري [ يمكن ] وارضى لـو تراضينـي

ياليتك بس تفقدني كثـر ما أفقـدك واشتـاق
قسـم بالله مايطـري علـى بالـك تخلينـي

بعيني انت هالدنيا وومن غيـرك لعينـي لاق
كثير وماملوا عيني وقلبـك بـس يكفيني

فراق ! وكنت أبي منّك تعوّض هالصبر بعنـاق
عشانك بعت هالعالم وجيـت اليـوم تنفينـي

حبيبي حلت الفرقـا وبعثـرت بجفـاك أوراق
عزاي بغيبتك صوره علـى بعـدك تواسينـي

أنا غصب علي أرضى ببعدك وأكتم الأشـواق
وأكابر رغم حرماني وأداري دمعتـي بعينـي

حبيبي والجفا سجني وقربك من سماي إعتاق
بكثر عيوبي بعينك فقدتـك وينك ووينـي !

حبيبي حس في حزني ترى دنيـاي ماتنطـاق
أهونهـا ولا هانـت كبيـره صدمتـي فينـي

وش اللي يصير بالدنيا لو إنك جيتنـي مشتـاق
وش اللي تخسره يعني إذا فكـرت ترضينـي

من الآخر ترى بعدك عطاني هالزمان [ طراق ]
لأني كنت احسـب إنـك تمـوت وماتخلينـي

،‘

أعذب تحآيآي

:25ar:

**ذرب المعاني** · 09-11-2008, 04:51 PM

تملكين ذائقه جميلة جداَ

منقول رائع

ماقول ان الصدر ضايق
أقول الكون فيني ضاق
ماقول أن غيبتك صعبه
أقول البعـد ينهينـي

صح كلك وصح السان شاعرها

دمتِ مميزة

**مالي مثيل** · 09-11-2008, 06:03 PM

صح لساااااااانك

ياعينــي على الذووق

رائعه القصيده$222

**فاصل ونواصل** · 09-11-2008, 08:41 PM

حروف تناثرت لتنتج من الجمال صوراٌ ومعاني ..

"طيبتي " دائما جميله وكريمه باختياراتك .. شكراٌ لك
....

فراق ! وكنت أبي منّك تعوّض هالصبر بعنـاق
عشانك بعت هالعالم وجيـت اليـوم تنفينـي

**شوق الأمل** · 10-11-2008, 07:56 AM

السلام عليكم ورحمة الله وبركاته

صح لسان شاعرها وسلمت يمناك وربي يسعدك

الله يعطيك العافية أختي الغالية طيوبه على القصيدة الرائعة جدا .. فشكرا لكِ

دمتِ بحفظ الله ورعايته $222