تشيل العبايه وتسوق السياره وتطق حنك مع هذا وذاك...{

[كلي لخلي]

بسم الله الرحمن الرحيم..


كتبت الموضوع بالعاميه عشان نشيل شويه من الكلافه ونتكلم بطلاقه..

طبعاا حصل لي موقف اليوم مع وحده من البنات..

البنت متزوجه تقريباً من سنتين واهي صغيره بالعمر ..

دخلنا في معمه معها ونقاش طويل ..

كانت تقول أن شاء الله بس ااخلص ثالث ثانوي بروح مع زوجي نعيش بالخارج..

بختصار اهلها وين بالرياض واهي بالخارج اوكيه حلو..
بس اهي تقول اذا سافرت ماراح ارجع اذا يبوني يجوني..
<<هذا اول شي خلاني انصدم منها وماصدق انو في ناس كذا..

بعدين سالتها وش الحكمه يعني بعثه ولا ايش قالت لا بس خلاص نبي نكون أحيــاء!!!!
قلت يعني كيف قالت بالسعوديه احنا ميتين مو عايشين..


معقوله احنا كذا ..
طبعا قلت لها وشي الحياه بنظرك ..
قالت كازينو .. بحر .. اشيل العبايه.. اسوق سياره..
!!!!!!!!!!!!!!!!!!!!!!!!!
بجد انا هينا طارت بوهتي من حكيها يعني معقوله تكون نظرتها كذا وانها بالسعوديه ميته ..

يعني احنا ولله الحمد عايشين احلى عيشه ..

تقول طلعتك لسوق وتخفيك بالعبايه يعجبك..

بجد انا حسيت الشيب طلع براسي ..

يعني معقوله احنا نتخفى بالعبايه قلت لها انو العبايه ستر واحنا مقتنعين فيهاولو مو مقتنعين كان رفضنا هالشي..

بس انتِ تركيبه ثانيه يعني اذا طموحك تشلين عبايه وبحر ووكازينو وتسوقين سياره .. تــافه مع احترامي لها طبعا..

انا هينا بسأل بجد..

يعني معقوله في ناس لهددرجه تفكيرهم سطحي ..

وطموحهم وصل انها تشيل العبايه وتسوق السياره وتطق حنك مع هذا وذاك..

وفي رجال يشجعون زوجاتهم على هالشي ؟؟!!!!!

يعني معقوله الرجال صار ديوث لهدرجه ..
يقنع زوجته بفكره العيشه براا .. وكيف راح تكون ..
واقنعها اقناع طفولي !!!!

انا موضد العيشه برا اذا كانت لهدف معين بس هذي هدفاها تافه..


طبعا احتدينا معها بنقاش .. وللاسف انها مؤمنه بالحكي الي قالته ومقتنعه فيه مرره ..

بالعكس اهي تقول انتو ميتين عيشو شفو الناس كيف عايشه..

..

هينا بجد انا ماستوعبت .. انا مو عايشه الحين معقوله شيل العبايه عيشه..

اهي اخذت منطق انو العبايه عاده مو للعباده ..
!!!!!!!!!!!!!!!!!!!!!!!!!!!

يمكن أنا غلط ..!

ويمكن أهـي غلط..!

ويمكن كلنـا غلط..!

انا كتبت هالموضوع عشان تناقشوني فيه ..

ابيكم أنتـــم تقولون وشي العيشه الي صح بنظركم..

.....

اكتفي بالي قلته..

وانتظر ارائــكم..

بقلمي..$222

كلي لخلي..

[ذرب المعاني]

اقول هذي تروح لطبيب نفساني وتعالج من الي هي فيه

ومن كلامك شكلها توها مراهقه ما تفهم الحياة

ولا تزور اقرب علماني عشان يساعدها في الهروب من البيت

ويقوم لها محامي يسجن ابوها ومها عشان تعيش بحرية

من مرقص الى مرقص

وقرب واحد تنط بسيت سيارته

تخلف غريب وعجيب

[أميـ الورد ـرة]

من كلامك وانها ماخلصت الثانوي
اتوقع انها صغيرة ومراهقة
و مندفعة بحياتها
و تفكيرها هذا دائما نتيجة لشيئين
اما انفتاح و علمانية مفرطة
او تحجر و انغلاق حاد ولد انفجار
تحتاج توجيه و تنبيه من اشخاص واعين
وباين ان زوجها مطاوعها واهلها بعد

الله يهديها و تفهم

[..°«¸نورمينا ¸»° ..]

العتب مو عليها على اللي مربيها وعلى زوجها
ولو عندها رجال صح ماطاوعوها وايدوا كلامها
واشك اذا كان زوجها رجال :)
الله لايبلانا

[ʼn 3 м]

من كلامك وانها ماخلصت الثانوي
اتوقع انها صغيرة ومراهقة
و مندفعة بحياتها
و تفكيرها هذا دائما نتيجة لشيئين
اما انفتاح و علمانية مفرطة
او تحجر و انغلاق حاد ولد انفجار
تحتاج توجيه و تنبيه من اشخاص واعين
وباين ان زوجها مطاوعها واهلها بعد

الله يهديها و تفهم

نفس الكلام .

وايضافه الزوج يحتاج لاعاده توجيه وتربيه من جديد ع الرجوله !!

* لان الي اشووفه دبرته في يد زوجته على شي غلط !!

تسلمين ولاهنتي :25ar: