( ام صالح ) > شموخ انثى > لعيناك زمونه

[شموخ أنثى]

جريش ، مرقوق ، حنيني ، مطازيز ، قرصان ، قرص جمر ، مراصيع ...الخ
< تعلمكم انه سنعه
اليوم بالذات حسيت اني ام بدرزن بزران ..متسينعه ومصلحه جريش . .
وتخليدآ لمقوله مابين الحاضر والماضي زينت معه رز صيني << باللهي يجتمعن
مع سلطه تلحس ايدينك وراه..
يقولون اسمه (حميض) < تراه موب الشجره ذيك
عاد خابرتكم تقطر تسبودكم تبون الطريقه .
.وانا كريمه وانتم تستاهلون
المقادير:
جريش ابو خيشه بيضاء ..
يمدحونه يقولون يزين بسررعه < ابد ماشبيتي عليه من الظهر im22
2 مكعب ماجي
بصل مفروم
ربع كاس سمن اللي مرسوم عليه بقره < اجل اللي مرسوم عليه قرد im22
كاسين حليب بودره
شوي ملح..بهارات ام محمد < يحول بذمه تقول المقادير ..
الطريقه :
يغلي الماء ويضاف اليه الجريش بعد غسله ..
بعد مايتشرب الجريش الماء يضاف له الحليب المغلي مع الماجي
ويترك على نار هادئه بعد اضافة البصل المحموس بالسمن ..
وللتزيين:بصل محموس بسمن او زبده ..
بعد الحمس يضاف له معجون طماطم وقليل بهارات ( مسمنه) << هذي بعد من ام محمد



/

\


ومن قاع السعوديه الى قمه الصين قاع قمه قاع قمه <يحول مهبل به الفيزياء


المقادير:
رز
فلفل رومي ملون (احمر -اصفر - اخضر) اشاره
صويا حلوه
خل ابيض
صدور دجاج
جزر
ملح - بهارات - زنجبيل
ثوم - بصل
الطريقه:
يقطع الدجاج قطع طوليه ..
ثم يحمس مع الثوم وقليل من الزنجبيل والملح بدون اضافه زيت..
اذا استوا الدجاج نصف استوا يضاف له الـ (الفلاافل الملونه )
والجزر بعد تقطيعها طولي (طول الاصبع)..
بعد ان يتسبك الجميع يضاف مايقارب اربع ملااعق من الصويا والخل .
.ويترك عشر دقائق تقريا
يسلق الرز ..ويضاف اليه الجزر المبشور بعد حمسه بقليل من الزيت لأعطائه نكهه لذيذه
طريقه التقديم:
يغرف الارز بأناء مقعر ويرص
ليأخذ شكل الاناء الذي يحتويه << الى الحين لاعبن بحسبته الفيزياء
ثم يقلب في صحن التقديم
ويتسكب خلطه الدجاج الى جانبه كما في الشكل التالي




ونرجع للسعوديه ..مع سلطه حميض
المقادير
بصل - ثوم - زبع بياله زيت زيتون
أ- علبتين شطه صغيره
كاس ونص كاتشب
فنجال خل
ملعقه سماق
ملعقتين سكر
ملعقه خردل
ملعقه ملح
ربع كاس ماء
ب-علبه مخلل خيار صغير
علبه بليلآ
فاصوليا حمراء
2 طماط
2 فلفل رومي
الطريقه :
يفرم البصل والثوم ثم يحمس مع الزيت
.وبعد مايحمس يضاف اليها مقادير (أ) بعد خلطها ..
ثم توضع بالثلاجه لمده نصف ساعه ..
ثم تخلط مقادير (ب) وتضاف الى الخلطه السابقه بعد مرور نصف ساعه ..
ثم توضع بالثلااجه الى حين وقت التقديم



وبالعافيه على بطونكم $222

[ღرٍيمية آلـjjjـرٍقيةღ]

. .

صبآح الوردآت : ) $222

شوقتيني أتعلم الطبخ تهقين أصير شتورهـ مثلك لو اتعلمه ؟
موضوع مرتب وسردك لـ المقآدير ممتع
مأقول غير يـ حظ إللي بتكونين من نصيبهـ :* ,
تستآهلين النجمآت ..
عوآفي عسوُلـَــه :24ar: ,

ريميــَــه ,,

[alzen57184]

ماشاء الله

وش هالزين شموووخه

ليتك جارتي

انا ادوووخ عند الجريش حتى اهلي اذا كلمتهم ما يعلموني ان غداهم جريش علشان ما اصكهم بعين

شموخه تبين ارسلك طريقة اروبيان الصيني

اخاف اطلع مو سنعه قدام شغلس المزيون

الف شكر على هيك وصفااات شهيه ام صالح:)

[!..أنفاس الفجر..~]

صبااح الخيرااات ...
حيالله السنعه ام صلوحي >>>im22
والله طبخاات تفتح النفس ...ياويلي يالجريش..
فديتك متى نفرح فيك بس ياشمووخه ....
و5نجماات من ريمية ياليت نسخه للابداعات بعد >>براا..
تسلم هالاياادي بالعافيه على قلوبكم انتم لك :25ar:
وداعاً للحب

[..°«¸نورمينا ¸»° ..]

ماشاء الله عليك شموخ اتريك طباخة وانا مدري
تسلم ايدك على الطبخات الرووعة اللي تفتح النفس

$222$222