{ سوتها فيني .. جريـــر .. }

**ذكريآت الأمس** · 22-11-2008, 09:26 PM

السلام عليكم ورحمة الله وبركاته

مساء الزهر لقلوبكم ..

اسمحولي استفسار بسيط .. و مشكلة كبيرة بالنسبة لي .!

حكمة ربي قدرت اني انضرب على راسي واشتري لاب توب من جرير
و جرير طبعاً سلموني الجهاز و مسكوني الباب من غير سي دي
و أنا على طول و من غير مقدمات أخذت الجهاز اركب له نسخة معربة
و قلت له قبل كل شي انسخ لي النسخة الأصلية على سي دي
فـ أخينا قال فاهم و راح انسخها لك و تلاقينها على الـ d

لكن و لسوء حظي .. النسخة اللي ركبها طلعت ماهي أصلية
و نسخ كل حاجة ماعدا نسخ الويندوز الأصلي يعني بالعربي طيرها علي

و أنا الآن تورطت بنسخته اللي لاعبه فيني ..
كل شي فيها ايرور و ربي ماني عارفه اشتغل عليه.

فـ سؤالي الآن ..
هل أقدر ابدل النسخة العربيةاللي على الجهاز الآن بنسخة عربية أصلية
من غير ما ارجعه للفيستا الانجليزي الأساسي ؟
يعني من غير ما اشتري ويندوز فيستا انجليزي جديد ؟

أو بصيغة أخرى ..
اقدر احول من فيستا عربي إلى عربي من غير ما ارجعه للانجليزي
لأني فقدت النسخة الأصلية اللي مع الجهاز ؟

ياليت تساعدوني و اكون جد شاكرة لكم .

**حيران في عالم النسيان** · 22-11-2008, 09:45 PM

وعليك السلام ورحمة الله وبركاته

طيب إذا هي على البرامج اغلب البرامج اللي تجي مع الاجهزهـ غير اصليه

ماعدا الجهاز إذا اشتريتيه من نفس الشركه

وعلى حسب ماسمعت ان جرير الاجهزهـ اللي معروضه عندهم ان جميع ماكان فيها

اصلي من برامج حتى الوندز

لكن الحين الله يعينك على انك تشترين سي دي من نفس الشركه إذا تبين الضمان انه اصلي

لأن اغلب المحلات كلها ماهيب اصليه

ومن ناحيت التحويل عربي او من فيستا اتوقع ان مافيها شي

لاني مرهـ فرمت جهازي وقلت للمبرمج ابي فيستا قال احسن لك الاكس بي اخف على الجهاز

وان شاء الله تلقين من يرد وهو افهم مني

**ذكريآت الأمس** · 22-11-2008, 10:05 PM

هلابك اخوي حيران
مو هذي هي المشكلة .. أن النسخة كانت أصلية و كل شي أوكي
و أنا رحت ضيعتها مع هذا اللي ورطني
ويا ليت المشكلة ما تعدت البرامج
و ربي احس الجهاز صاير شكل من غير مضمون

مشكور اخوي ويا هلابك

**merci** · 22-11-2008, 10:51 PM

تيب جربي كلمي الوكيل تبع نفس جهآزك..
إذا توشيبآ جهازك كلمي العليآن وإستفسري إذا عندهم ويندوز أصلي لـ جهآزك..
أو روحي لـ نفس جرير كلميهم..

**ذكريآت الأمس** · 22-11-2008, 11:07 PM

هلابك جنون حلم

ايه جهازي توشيبا .. و رحت لجرير و سألتهم .. عندهم نسخة أصلية .
لكن أنا اسأل .. إذا اقدر احول النسخة الحالية إلى نسخة عربية ثانية
من غير ما ارجعه للفيستا الانجليزي الاصلي .

لأن بصراحة حرام اشتريها و أنا بالاساس ماراح استفيد منها
لأني راح اغيرها على طول لنسخة معربة .

ويا هلابك يا الغالية