بسم الله الرحمن الرحيم
شاعر متمكن له الحضور بتميز فريد من شعراء الساحه
اللذين يبهرنا بريق مواهبهم الشعرية الفذه-
من شعراء الزين واللذين لغيابهم تأثير بليغ
رفاع العضياني شاعر مبدع بحق
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليت الشقا تطويه الايام يانوف=وينزاح همً بين الأضلاع خافي
عوج الحنايا صمتها يشعل الجوف=والشوق نارً والقصائد مطافي
لامطمحي شهره ..ولا مقصدي خوف=ولاهمني قول العقول السخافي
أجُمع الافكار .. وألوفها لوف=وأترجم الخافي لمعنى القوافي
وإليا إدلهم الليل ثم عدت ماشوف=يبدا العنا عندي .. واشيل اللحافي
اقرب المهجور وأبني على الطوف= قيفان من راسي تبيح الخوافي
وأشعل من افكاري قناديل وحروف=واطرق بحوراً مالحقها خلافي
حالي كذا يانوف والبال مكسوف=مثل العزاء لاحل وقت الزفافي
مابين هم وليل واحزان وظروف=هذه حياتي كلها وإعتكافي
شفت القزح قدام عيني له طيوف=وذكرت طيفك والمطر له نفافي
لحظه مصافح : تجمع كفوف وكفوف=ولحظه مفارق : ودعت باختلافي
وانا طموحي عشق من حبها سيوف=بنت الشيوخ اهل السيوف الرهافي
أحبها حب المكافيف للشوف=حبً لجا بين الضلوع النحافي
واحبها حب المعازيب لضيوف=حبً يصحي نوم من كان غافي
يالحظه : تجمع مواليف بصدوف=ياغايه : تلمس شفاها شفافي
متى على الله يسمح الوقت وتـروف=ويصبح جهد شوقي عليها عوافي
واللي يعاتبني عن الحب ملقوف=اسمه كذا .. واعلنت فيه اعترافي[/poem]
مواقع النشر (المفضلة)