السلام عليكم ورحمة الله وبركاته
اقدم لكم هذي القصيدهـ التراثيه التي كثير من الناس يرددونها وانا اولهم
الصراحه غنا لها كم من فنان لكن احترت من اجيب لكم منهم
لأن كل فنان يحرف من عندهـ يجيب البيت الاول الاخير والاخير الاول فأحترت من الصادق من الكذاب
انا بحثت
في اكثر من موقع عشان اطابق القصيدهـ شفت اغلبها كذا
لكن انا سمعتها بصوت محمد عبدهـ وخالد عبد الرحمن وبشير حمد كلهم مختلفين عن بعض
مدري عاد من الصح والخطا
[poem=font="simplified arabic,6,white,bold,normal" bkcolor="chocolate" bkimage="" border="double,9,sienna" type=2 line=0 align=center use=ex num="0,black"]
سلمولى على اللي سم حالى فراقه=حسبي الله على اللى حال بينى وبينه
قايدالريم تاخذني عليه الشفاقه=ليتنى دب دهرى محبسن في يمينه
اه واقلبى اللى راح مني سراقه=تل عرق الموده وا نقطع في يدينه
بالهوى طاح مابالراس عقب الحماقه=اتشهد واسمى لاخزرني بعينه
والردايف تشيل الثوب عن حجل ساقه=مثل برق تكاشف لا كشف عن جبينه
زاميات نهوده يوم زرراشباقه=مثل خوخ مخدد توهم قاطفينه
لاذكرت الليالى اللى مضت والصداقه=عود القلب يرجف مثل رجف المكينه
عقب ماهو نديمى صار شوفه اشفاقه=الله اقوى على اللى عشر واربع سنينه
اشتهى عشرتى واناعشقته عشاقه=في زمان مضى واليوم وينى ووينه [/poem]
لتنويه
البيت الثاني الشطر الثاني منه
اختلفو فيه ناس كثير ولا ندري عن الشطر الصحيح فيه من كتبه كذا
وفيه من بدله ب ليتني طول عمري خاتمن في يدينه وفيه من قال ليتني طول عمري دبلةٍ في يمينه
وفيه من
اخذ البيت اللي اللي يقول
لاذكرت الليالي اللي مضت والصداقه ،،، تل عرق المودهـ وقطعه في يدينه في الاغاني صار
الشطر االاول هذا في الشطر الثاني من البيت الثاني
البيت الثاني او الثالث
الصراحه تلخبطت انا فيها يعني ما ادري
عن صحتها كذا
شاعرها بورسلي
تحيتي لكم
حيران
مواقع النشر (المفضلة)