}{}{ سيرة الشاعر /بندر بن سرور ،،، ( متنبي عتيبه)
السلام عليكم ورحمة الله وبركاته
ديوان الشاعر الكبير بندر بن سرور العتيبي ( اسطورالشاعر بندر بن سرور ) وقد اطلق عليه
( متنبي عتيبه )
هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغره وربما السبندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي
قال بيت له عندما اتاه احد الدائنين يطالبه بماله
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
الدين واجد و الوظايف تعيسة =والعسكرية خلت الراس شايب
[/poem]
( الله من عين طرقها صواديف)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
الله من عين طرقها صواديف=عميت ويبسن بالعروق الصخافي
شفت الوزا بالعين من عرض ماشيف= شفته وغيري من فطن له وشافي
وقت تغير فيه حتى العواصيف= جا في عواصيف الرياح أختلافي
شره قناطير وخيره مقاطيف =يفطن له اللي يرضع الديد غافي
كم واحد جاله زمانه على الكيف=واغترته نفسه يبا الجود وافي
يطلع مطاليع العلا بالسواليف=بين العذارى عد روحه سنافي
يفرح بهرج بالقفى يكره الضيف=قتات والقتات بالنار هافي
يعلق قصيره علقة النار بالليف=عي ولد عي زنوده ضعافي
ان رخصت الحذوه توفي عن الحيف= وان غليت الحذوه مشى اللاش حافي
يرقد ويلحق والدينه تخاليف= دايم ومرقد ميت النار دافي
هو مادرى ان الجود يبغى تكاليف= سهر الليالي مقبلات مقافي
يبغى يدين للعطايا مغاريف=ويبغى رجول ماتمل الوقافي
والصبر بنحور السنين الشواحيف=اللي قساها مثل حد الرهافي
مايقدرون الجود سود الأطاريف= مشاركة بيض النسا باللحافي
يقدر عليه اللي حكم نجد بالسيف= واودع مباغيض القبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموع مراديف= نو تحدر ماه والجو صافي
يشدي لواقيط الزبيدي بعد ريف= ومما كسى البيدا تفيد الضعافي
[/poem]
(سر ياقلم)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
سر ياقلم مالي على الصبر طاقه= صبري تعدى الحد ماعاد ينطاق
أكتب لمثلي قصته واشتياقه =في خطك الواضح على بيض الأوراق
قصة حزين صافي الحر ذاقه=انا بذكره ماصله خاطري ضاق
باقو به الأصحاب والوقت باقه= وصار الضحيه بين باير وبواق
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه=الوقت لو يصفى لك ايام دراق
لاشك يامن معك عقل ولباقه = بنصحك كان انك للأمثال تشتاق
صادق رجال يعرفون الصداقه=يقفون صفك يوم يبسات الأرياق
ومن يرغب فراقك فعجل فراقه=جاز الذي يجزيك أفراق بفراق
يقوله اللي جاير الوقت عاقه=ولازال في غيبوبة الهم مافاق
حظه على اقشر شي للنفس ساقه=بقبور الاحياء ينتظر يوم الأطلاق
[/poem]
(الشاور غشاني)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
من بلاد الشام جينا بالمكينه=فوق فرت ماتخثع بالطماني
يحتدي مثل الجمل تسمع رطينه =مع طمان القاع مثل الثعلباني
والشفير من المدارس مطلعينه= عيدهي يجدعه جدع الحصاني
قذلة الطربوش ناطلها يمينه=عن ظلام الليل شب الكهرباني
ماتجيه يسار رجله شوف عينه=غير يسر الطاركي باليماني
يوم قال له الخوي عاشت يمينه= شد رجله للكمك واحد وثاني
يالله انك تنصره من نصر دينه=ان عطى له مع غبا والا بياني
قلت يالمطنوخ انا عيني حزينه=عن شراب اللف ابيه وعنك كاني
قد رمى بالكيس قدمي قال وينه=دوك مابالجيب عن شي لهاني
يقصد الكبريت معي منه عينه=قد منا تلت غراميل متاني
قلت ثالث قال يالله لاتهينه=قلت خامس قال قير يطلب نقل ثاني
قالت واحد والكمك ظام المكينه=قال لي من يرحم القاسي لياني
قلت والله يرحمونه صانعينه=قد زعلت من اللهيب اللي غشاني
قال ماتاثق بذمه مقننينه=عن مشاور غير عرفي قد كفاني
قاطع عرقين مدري وين وينه =قد وصلت الأرض واسمع صوت ثاني
يوم يرفع موخره قو المكينه =يرتخي صدره وانا الشاور غشاني
قلت دوك اللف خابو شاربينه=غطني عن شوف شي قد غشاني
قال عن وقلت بأيا لحينه =قال قل ناسي خوي مانساني
قلت عاش الشيخ واللي ناجبينه= عادة الطيب اليا جا الجد عاني
[/poem]
(صدر وردوف)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يابنت ياللي عمرها صدر وردوف=بيض محاجرها وحلو نباها
ودي بشوفك مير يوم اقصر الشوف= عيني بعد هاك الرمد قل ماها
سويت لي يابنت بالعين معروف=بأسباب رجل بعدتها خطاها
والا ترى قلبي ليا اصطك بالجوف=اومى بحالي لين تابس عصاها
[/poem]
( لاتجربونه)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياهل الونيت اللي يبي مشتل البيب= مادق صدره بالخطوط الغزيره
يوم يتخثع مع محير الأداعيب=يشدي تخثع جادل في حريره
لاتجربونه مايبي الفرت تجريب=قد جربه بالبيت الأبيض خبيره
عدوه لابن حزام سيد اللواعيب=لعاب زينات البيوت العسيره
ثم قل لقاعد مانبي منه تدريب= الوقت دربنا على كل سيره
لو كل من قاد السبب يعلم الغيب=ياما كرهت النفس من باب خيره
ان قفت الأيام ماها مغاريب=واليا اقبلت يازين صافي غديره
قل له رميت الكيس بين الشواريب=واليوم ادوج مالقيت اتعميره
[/poem]
(لاتسقط شرفها)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
الله من شي بحالي نحفها= من مالجى بالقلب حالي نحيفه
من كثر ماتكتم تزايد تلفها= بين كداها بالعروق الصخيفه
كم واحد له حاجة ماصرفها=يصد عن صرافها لايضيفه
يخاف لايقضب نديم طرفها=قلبه صدى واطراف جسمه نظيفه
والله خلق بيد الذلول وعسفها= للي يبي المنهاج مثل القطيفه
والفضل للي مدها ماقصفها=وانهج من الدار المحل للمريفه
وانصحك ياللي غرته ماعرفها=شيب تشيب مايحول رديفه
رديفها يركض ويركز هدفها=وقت يقص العظم من حد سيفه
وان جتبك الدنيا وجابك صدفها= لاتعتزي بأهل النفوس الضعيفه
وأنصحك نفسك لاتسقط شرفها = ترى بعض بيض المجالس مجيفه
[/poem]
(خبيث التجاره)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
لاوالله الا طولن بالوقوفي=عيا يحملهن خبيث التجاره
بفلوسنا ياعبيد ماش معروفي=متى نجي ياعبيد مع خشم صاره
ياركب من فوق صاف البلوفي=مقعد امبير الزيت نيم الحراره
فراق مابين القلوب الولوفي=فرت كما وبل السحايب غباره
[/poem]
وهذي قصيدة مدح في الشيخ المغفور له بإذن الله / زايد آل نهيان
(شيب الفلاحي)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
بديت ذكر اللي بسط سبع بوتاد=واللي رفع سبع بليا عمدها
والكار للي صار غيث للأجواد=لاقبلها صارت ولا من بعدها
زايد على كل العرب بالوفاء زاد=ساق المراجل لين وقف عددها
حلحيل حلو مر زراع حصاد=كبد يداويها وكبد لهدها
ولي عجوز من ورى شط بغداد =سمت على شيب الفلاحي ولدها
تبغاه يطلع مثل زايد ولا فاد=ماكل من هاز الطويله صعدها
ياشيخ انا جيتك على غير ميعاد= من خوف روحي لايجيها وعدها
[/poem]
(صنايع يهود)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
الا يانديبي فوق دوج عليه شراع=ماقال انفخ التشريق جاء في مواصيره
ليا هبت العليا وقام العجاج وراع=يهيظك مع السكه تزاوغ معاصيره
صنايع يهود لايبدل ولا ينباع=يقربك من دار ويبعدك عن ديره
بعد ماطلعوه مشيك مايبي المرجاع= سمع من وراه الفوج غنت مواطيره
ليا دق سلفه قام صوته يرج القاع=ماجاه المعاون يشتغل في مساميره
عطاه اثنين وداس بلأبنص وفاع=رزيمه رعد مزن تهلع دناقيره
خرط له بثالث عقب نشه بعزم وزاع=شتله برابع مايضيع تغاييره
ليا شال عزمه ريحه آمن مارتاع=مسك مع يمين الخط ويلد لأنبيره
نص جو سمنه مايبطنج مع الأرواع=منصيه شيخ ماتبطل جزازيره
على سلم جده مايشاور ضعيف الناع= يدلك بفعله كاثرات دواويره
[/poem]
(حج الجمل)
كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وكثير ماهجاء السديري وناس غيرهـ كانو من افراد القبيله كان لسانه سم على الشعار رحمة الله عليه
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
انا ليامني نويت افتل البيت =فتلت والشعار ما ينقضونه
بينت راسي للمغني وغنيت=وين انت ياللي مرمسات ديونه
حج الجمل ياهل المثايل وحجيت=والناس راس العبد مايقطعونه
دوك السويتش وشغل الفرت يابخيت= وارد حفيز وكاملات فنونه
[/poem]
(عجل على المسجد)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياكثر يافيحان صبر صبرناه=امس الشهر عديت باقي اسبوعه
لاتغبط اللي صار زوده بدنياه=يتبع هوى نفسه وغير طبوعه
مخطي طريق الحق غاد بعمياه=يجمع وصخ مال زوال نفوعه
اغبط تقي صار زوده بتقواه=عبد لصوت العبد يرخي سموعه
يفرح بصوت منادي الحق ناداه= عجل على المسجد بطيْ ركوعه
والا ترى الدنيا حدود مسماه= لابد مايقفي وتقفي زروعه
[/poem]
من قصايد بندر بن سرور (في الصبر)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
أنا الذي ما ابدي على الناس سرّي =من خوف سودان الوجيه تحكي به
أصبر على ظيم الدهر و التعرّي =من شان من يرضى عليّ الغليبة
و ابعد مجالي عن عيال التزرّي .= من لا هوى قلبي دواه المغيبة
واخاف لي من مجلسٍ ما يذرّي = في جانبه بومٍ حساسه صليبه
و سوالفٍ مابين بحث و تحرّي =يجرح فؤادي عيّه و ابتلي به
يرضيني المقسوم خيري و شري =سبحان من لا تعلم الناس غيبه
أحدٍ على ربعه يحب التحري=للشر بلاس و خيره بجيبه
هذاك يالربع انا منه متبرّي =لو عضّني ناب الدهر ما انتخي به
من خوف يضحك لي و هو يستغرّي =يفتل حبال السّوْ ما يندري به
يفرح عليّ بكل شيٍّ يمرّي =و ان شاف يمّي خير عنّي نهيبه
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
راكب اللي مخ ساقه خنازير و هوا =أشهب في مقدمه بارقين و عكس تاج
متر في مترين مستبرم كله سوا =حايفه حطاب ما سمكره راعي الكراج
إن نعشته بالثلاثة مع اللفة عوا = عوي ذيب محتدينه مربية النعاج
ثابت ما يختلف كلما لف إنزوا =و ارتفع ثم ارتخى مثل طايرة المراج
كن ضرب المرو في الويل قدام و ورا .=ضرب هملول البرد و ان تقفاه العجاج
منوة اللي مشفقن لهله و لهم نوا .=من بعد طول المسافة يبي فلّة الحجاج
[/poem]
(رجتني الأيام)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي
الدوريات تطاردهـ وعندما كان يطرق الباب يطرقه وهو مستعجل وكانت احدى الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه
وكان بندر معروف لدي الجميع وقد انشد قصيدته تلك
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياسخيف الذرعان ماني بمرجوج= رجتني الايام غدرٍ وحيله
يابنت لولا اللي على تاسع الفوج= تركت نجد وعزوة بالقبيله
لاشك حاديني على نجد هيدوج =مسقي الفيافي لين يدرج مسيله
تركي ليامن الليالي غدن عوج= حمله عتيبه كلها ماتشيله
يرسي كما مينا البواخر على الموج= ومنين ماصك البحر يرتكيله
مادام تركي حي ماودي ادوج= وان غاب غبت من الرجوم الطويله
[/poem]
من قصايد بندر بن سرور
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا رشيد يوم أتعبتني بالتناشيد =خذ لك من الدرويش زبدة قصيده
ليا عبدت الله ولا أشركت تعبيد =ترى محمد صفوة الخلق سيده
و ترى أبرك الحاجات يوم صدف عيد = جمعة اسبوع و صادفت يوم عيده
و اذكر لك الاجواد صد و صواميد=. و ؟؟؟؟؟ لا صدت ولا من صميده
و اذكر لك اقشر ما على السيد و البيد=اللي طمع بنت القصير الحديده
فضح قصيره عنده انه كسب فيد =سولف بها للناس خطو البليدة
سولف بجرحٍ ما لجرحه تضاميد = زوّد لجرحه جرح ينزف صديده
ليا وطاك اللي وطاني تراديد = رد السؤال ولا تخبر بريده
اضرب ثلاث بعشر و اجمع تفاريد =و فرق على العشر القليد بقليده
واللي بقى لو تفرقه للمواديد =كم تفرقه بين الوديد و وديده
أنا الذي قد مرني سلك تجنيد= خدمت به سنين عديده
مرحول هم و كل شي له أجيد =اجيد زين و شين و الهم اصيده
اسمع صرير القلب بين الجواريد = حدّنه الاضلاع و اسمع صريده
صرير فرخ حده اقطم صواريد =اول طرد قرناس ثاني حريده
هذا و انا شفت الوزا و التزاهيد =لا اقول حي ولا تحت قبر ريده
والله ما أهني قاضي العمر ترغيد .=ابن اللئيم اللي حياته رغيده
أهنّي القلب الخطا بالمراقيد=و ضب الخلا لو ياكل رديده
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ما يطلع القرناس من عش بطّه =و الجبو ما يحيي النوامي شفيطه
ليا صار من ربعك اقيشر و نِطّة=هزّ المحالة لين يفرط شريطه
تراه ما ينفع عساها تلطّه .=خيال دجل و مثل عنزٍ ربيطة
[/poem]
(انحاس بالي)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
انحاس بالي يامحمد وصديت=من كثر الصدات قلت شطونه
ماني وانا بندر بهيت ولد هيت=هيت يجامل خمة يكرهونه
من كثر ماجربت واقبلت واقفيت=قولة هلا من لايودك مهونه
سلط على النصراني اللي لقا الزيت= لعل نبع الزيت يعمي عيونه
لاشك تحتاج المراجل شفاليت=تحتاج شي يقصر النذل دونه
عزم على الفرجه وقطع الخلا الميت =حتى عيال البوم مايقطعونه
ثلاث*من كل المعاني تنقيت= واللي بقى كل الملا يقدرونه
مابغى جزاهن غير من خالق البيت=عمالهن للناس ماينفعونه
[/poem]
(دوك الفرت)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يامنير دوك الفرت واخذ الفواتير=وافحص عليه ودخله بالقراجي
اللي يبي بنزين ركب مواصير=واللي تبيه النار ركب بواجي
واليا ستعد وصخر البعد تصخير=تصخير شيهان لفرخ الزراجي
حده على اللي مايعد المخاسير= ركاز عمدان الخشب للنعاجي
ثم قل لبو بندر ترى وقتنا غير= تبدلت سحب المطر بالعجاجي
قومه عتيبه شيوخهم مابهم خير= لايدعي بشيوخ شيوخ الخراجي
نبكي شيوخ سمرت نجد تسمير=تسمير عود الساج في عود باجي
حدن ابن هادي محمد ورى النير= والفرم محسن عقبنه سواجي
ربع رسو بين الحفيفين يامنير=ماسلمو لمدور الباج باجي
رحنا ندوج ونتسمى مناصير = نمشي على البيدا بليا مزاجي
متى يجي في نجد حسن التدابير=حتى يجي للصابرين انفراجي
[/poem]
وهذي مقاطل لأفتخار الشاعر بنفسه
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ماني وانا بندر بهيسن ولد هيس =هيسٍ يدنع عند حرمة قصيره
ليا بغيت اجلس ترى لي مجاليس =وليا بغيت انهج دروبي عسيرة
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ماني وانا بندر بهيتٍ ولد هيت = هيت مقابل خمّةٍ يكرهونه
من كثر ما جرّبت وأقبلت و أقفيت=قولة هلا من لا يودّك مهونة
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ماني وانا بندر على درب الأنجاس= اللي قريبٍ تفلها من لحاها
أنا بدرب الصيرمي عدم الأجناس= زيزوم روق ليا تنصّت عداها
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ماني وانا بندر بنصّاي جابان= شوخ الجموس مناقرين الحليلة
ليا صار لي لازم نصيت ابو فيحان = شيخ الشيوخ مكمّلين الجميلة
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ماني وانا بندر براعٍ ولد راع= انا الحصان اللي طوالٍ حباله
إبن سلايل خير من شالت القاع=المصطفى الهادي وديع الرسالة
[/poem]
(بالسلك يندار)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يامنير عمر لي من التتن معمار=يبري الغليل اللي على القلب كالي
ولا رفعت الصوت وابديت ماصار=من شان تدري ويش ولا بحالي
مكفاك مني سجتي بعض الأمرار =انهج جنوب وحاجتي بالشمالي
اركض مع الدنيا كما ركض دوار = ياما كسب زندي وياما غدى لي
الله على اللي عايروها بالامتار= طراز بنج شغلت بالعدالي
زادو هواها واطعموها من النار=حتى امبير المنجضع عد صالي
نشت سما ماجربوها مع القار=طارت مطير الطير ربع الكحالي
تلفي على اللي في طرف هجر سنجار=يشدي جبل سنجار بين الجبالي
باطراف بيته للمواجيب شنكار= معلاق كبش عند راعيه غالي
ثم قل لبو بندر ترى الوقت دوار= يفطن تراني منفعه لو شكا لي
ان زان وقته صار بالسلك يندار= وان شان قص مروبعات الحبالي
كم واحد بين العماهيج هذار = مغترته نفسه بكبر الضلالي
يبلس على ربعه ويدنع بالأسوار=ويعد نفسه من حساب الرجالي
كفه بخيل وقلبه انجس من الفار=اسود طرف وادغم من السرمدالي
هذاك بعده خير ماكنت بختار=اجزاه بالصدات وابعد مجالي
ابعد مجال الرجل عن كل هذار= واصبر على الصكات والعمر بالي
وليا وطني غبر الأيام بأزوار= غيري جماعه ماوطني لحالي
شفت الوزا واشتلت لي منه قنطار= وان جيت اعدله شرق للغرب مالي
عبر على الدنيا من العسر لايسار=ماظنتي فيها حرام وحلالي
حرام للفنجال سوقه ليا فار=الا على اللي يرخصون الريالي
وانا اللذي ماقول في نجد شعار= وان كان به شعار محد حكى لي
[/poem]
(ذباحة التيس)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياعنك ماتغنيك ذباحة التيس=ربع السعد مادام حملك خفيفي
واخير من هاك الوجيه المفاليس=البعد عن معروفهم لو تضيقي
يلحقك منهم بعض الأيام تنجيس= تاطا النجس لو كان ثوبك نظيفي
[/poem]
(يامشتري حظ)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يامشتري حظ جزى منه راعيه=ياسايم حظي تراني سموحي
ارخص عليك البيع ماني بمغليه=واشرط عليك انه سدوح لدوحي
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
عز الله إني جزت عن كل ما أقول=لاشك ردتني على القول (( ضيحه ))
لا يا عيون اللي ليا صك بالجول=منه أبرق الجنحان عجل مطيحه
يا عود ريحان رفع غصنه الطول=بستم قليبه ما يهون ضبيحه
يوم استوى عوده على داير الحول=عجوا به التجار من زين ريحه
يا شيخة الخفرات بالزين وادلول=من مات من سبتك ربه يبيحه
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
سرى البارق اللي رؤوس مزنه تنصت غال= علـى هجـرة بـن سـنـون وأدنــى الشبيكـيـة
عـلـى شــان (( حصه )) جـعـل يسقيـهـم الـوبـال= وإلـيــا عـــودت مـالــي ومـــالي الـحـبـرديـة
ألا يـاعـيــون الــلــي مـواكـيـرهـا بـالـخــال = تـوالــي رقـايــب نــجــد مـاهـيــب بـحـريــة
إلـيـا نقـضـت شـقــرٍ عـلــى ردفـهــا مـيــال = تـخـابــط سبـلـهـنـه مــطـــارق شـريـطـيــة
كمـا ذيـل شقـراً شعشعـت فــي يــد الـزمـال = تـغـانـم مـلــز الــشــوخ تـبـغــى الـكـرامـيـة
جوابـه لبـن عـربٍ بعـد مـا أطرحـن أهجـال = تـدلــن عـلــى حـلـيـت مـــع درب وسـمـيــة
يـتـل الضمـايـر تـــل غـــربٍ عـلــى مـحــال = تـصـافـق بـــه الـجـيـلان مـلـحــاً جـمـالـيـة
يـرفـع لـهـا صـوتـه صـبـيٍ خبـيـث أعـمـال = تـســقــي وديٍ فــيـــه تـسـعـيــن بـرحــيــة
وتـرى تبعـة المقفيـن عـيـبٍ عـلـى الـرجـال = لــكـــن أوســـــع خــاطـــرٍ بـــــذ خــافــيــه
[/poem]
وهذا احدي ابياته التي قالها في الكويت عندما شاهد فتاه في الصف الثاني اعداداي
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا بجاد لو صادفت وِرعٍ صدفناه = على طلوع صفوف ثاني إعدادي
ابو جديل يوم تدلج زواياه =سبّاح غبّات مع الموج غادي
يمكن يصبّون الذهب من شفاياه= والا بخده يزرعون الزبادي
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا زين فنجال على نومة الناس = زرع اليمن و اللي مسوّيه ( عيده )
يبري العماس اللي فضى خوتة الراس= روابع يقفي و يقبل بريده
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا راكبين أكوار شيبن محاقيب = اللي عليهنّه من البعد غيره
ضد السلاح و ضد كل المناصيب = ودّوا سلامي فوقهنّه (منيرة)
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا بنت ياللي صوتوا لك بـ منور = نادوك يا منور و اسمك ( منيرة )
لولا الجديل اللي على المتن منثور = والا لريم الصيد صرتي خشيرة
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
اخذ القلم و اكتب يمين و شمالي= ثم أطول التاريخ و اكتب منيرة
و اكتب ترى بالشرق مابه رجالي = الا الحسد و مغامزن بالقصيرة
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياليتني سيّرت يم الغرابي = من شان ( ميثا ) شوفها رحمة لي
ابو جديلٍ ماشطه بالخضابي = زوده على حد الردوف متدلّي
والعين عين اللي يويق الهضابي = حرّ على كل الحرار متعلّي
و الخد بارق مستهل السحابي = و كلامه أحلى من حليب المتلّي
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
عز الله اني عن هوى البيض تايب = لكن ردتني على القول ( ساره )
لا وا هني من لا طرت له عجايب = و عيونها اللي للمهاوين إشاره
[/poem]
اما هذه البنت فهو لا يعرف اسمها
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يا بنت ياللي عينها عين شيهان = حرّ قطامي فعوله عطيبه
والقرن ذيل اللي تشعشع للاكوان = بنت الاصيل اللي طويلٍ سبيبه
و الردف يطوي الثوب و العود ريّان= و الخد بارق مزنةٍ مستجيبة
أسايلك بالله خلاق الانسان =الله عليتس انتي من أيّا عتيبة ؟؟؟
. [/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ألا واهني اللي تمرجل بصك تراب=لولا لجنة الترسيم ماعاش مع غيره
وأنا كل ديره جيتها وأدرك الأسباب=أدور نصيبٍ بذ رجلي بتدويره
ألا ياوجودي وجد من صك دونه باب=بقفل أعجمي مغلقاتٍ مساميره
عدوبه على اللي كنه النصر بالمرقاب=على الجمس الأصفر كاملاتٍ شراشيره
معه فرت خمسه طن ياخذ ميه ركاب=من المال عيَن ينقلنه تغاييره
دخل هو وحمله للحكومه بدون حساب=وراعيه عشر سنين ويعاد تقريره
على اللي كواني كية العظم بالمشهاب=على أقصى عراوي القلب محمٍ مناشيره
عشيرٍ ورى الكوده وأنا من ورى مشعاب=بعيدٍ قريبٍ تعيب ياهون تدويره
ولا ياصله ياكود فرتٍ وراه إصطاب=ليا حاسب السواق تقدح مواخيره
صنايع بياطير الكفر لابسين الكاب= عصاة اليهود اللي مشاريبها البيره
ولا واهني اللي عن الود ماقد تاب=وأنا تبت عنه وعدت له يالله الخيره
ورايه للعب القاف ناسٍ وأنا لعاب=ليا ماصخرته نقدوني صواخيره
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ياعبيد يا وجدي على شاي قبل أمس=شايٍ مزج ياعبيد بالزعفراني
امصلحه مركوز الأنهاد بالخمس=راعي ثمانٍ كأنها القحوياني
وجدي عليها وجد من حمل الجمس=في حملته ياعبيد سبع المعاني
يوم الطرد عدت ثلاثٍ بعد خمس=قامت تقطع قربته جدعاني
مدوله الدربيل مع مطلع الشمس=وجاه العريف وحدره لسفواني
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
يالله يا جال الامور المهمه =تجلا وهج قلب برا حال راعيه
البر دجته والبحر رحت يمه = يقطعك ياحظ علي الله مشاكيه
يوم ان والد الاش رزقه علي امه =رزقي علي الي ميت القشع يحييه
يامل قلب كل مامات همه = دارت دواليب الدهر لين تحييه
فراق شمل الناس عي يلمه = وقت يشيب الراس من شاية فيه
احد يانام وحط راسه بكمه = واحد تخم النوم عينه وتخطيه
واحدا يحاول بالردى بنت عمه = واحد يدور ستر عذرا عوانيه
ماني وانا بندر بياع دمه = يقطعك يابياع دمه ومهفيه
اللي يبيع لابسات الازمه = خبل يبا بيض الرعابيب تغنيه
يزعل ليا جت ليلة الدول يمه = يرضي بسوق المال في اخوه وفابيه
خطو البخيل اللي كبير معمه = يغرا الكتاب والجب الله يخليه
اما هرج لك في رفيق بنمه = ولاعطاوامه تضيع هقاويه
انشدك باللي كل فرض تتمه= تقرا الكتاب وكل فرض تصليه
ويش القليب اللي غميق مجمه = مافاد غرسه ماه عطشن سوانيه
تخالف الانظار شرق ويمه = وكل هذف رايه من الناس مغنيه
سم السبب ياعارف عنه سمه = سم السبب ياعارفه قبل اسميه
[/poem]
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
ما ينرمي قولٍ علـى غيـر نيشـإن=ومن لا يثبت حجته ويش هـي لـه
صوتي وأنا بنـدر طويـلٍ ليابـان =وان ما خشيت الرب ويش اختشي له
وان عودت للنـاس قـومٍ وصدقـإن=ما احد بما نعنـي لأعـدي الطويلـه
وأن جيت أغني البيت وافي ومليـإن=ولولا معانـي بالغنـا مـا اشتقيلـه
ما أحب ترديـد الغنا ميـر مشحـإن=ما أدمح خطا اللي شاهده رأس ذيلـه
والا خطا الطيـب زبـادٍ وريحـإن=لـو يدعـي لـي بالفنـا وادعيـلـه
إن ضاق صدري شفي أمزح بالالحان=والا عـن الـزلات رجلـي ثقيـلـه
دنيا نبي تقزيرهـا ضحـك حجـإن=وألا تـرى صيـورهـا مستقيـلـه
والرجل غاية ملحتـه قلـب ولسـإن=وألا أن باقـي جثـتـه حنضليـلـه
يارب تجعل لي من الذنـب غفـران=يافـارج لأيـوب عـقـب تهليـلـه
[/poem]
إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة
رحمه الله ..
وكان مواعد اخته من اسبوع يوديها الىالبر في اليوم الذي توفي فيه ولكن مشيئه الله كانت هي الاقرب
وهذه قصيدة قالتها ام بندر بن سرور بعد وفاته ترثيه في هذي الأبيات
( الضلع القصير)
[poem=font="simplified arabic,6,burlywood,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
طويت حبل الياس يابدر دونه= وجاني عليه من الأذى ماكفاني
في الليل جسمي مقلقاته همومه= والعين تسهر ماتذوق المنامي
عليه روحي يابسات شنونه=وحره على الضلع القصير كواني
امشي وقلبي يابسات غصونه=ومني صناديق الضماير حطامي
بلا مرض حالي تقول مهيومه= والكبد صامت عن لذيذ الطعامي
اللي عليه القبر ركزت وسومه=ولاعاد يمحى وسم حزنه دوامي
يابدر متى الوسم تدخل حتونه=من نو مزن مانشا بالغمامي
ابيه يزي القبر ماء مزونه= يزيه ربان السحاب الهشامي
[/poem]
ولكم تحياتي .......
وان شاء الله اعجبكم الموجز
حيران
مواقع النشر (المفضلة)