:45ar::45ar:
أسري بهالليل.. لا من هّلت دموعي
ويفرح بي الهم.. لا زادت بلاويّه
غريب دايم أعيش الوضع في روعي
الوقت يمضي.. تسابقني خطاويّه
كان الأمل في عروق الدم مزروعي
واليوم صارت ورود الياس مجنيّه
علّمت جرحي يسير الدرب في طوعي
والحزن سطّر بوسط القلب مرثيّه
أكتب: طريق المفارق مابه رجوعي
وأقرا: طريقك ترى من دون وجهيّه
أبعد عن الهم والقى بيته ضلوعي
من وين امشي، أشوف أنه حواليّه
حلمت قربك ولكن بتّ في لوعي
قلت اتحلّم بـ بعدك لو قسى بيّه
ناديت ربعي ولا به صوت مسموعي
يا غير دمعه ما بين آمال وهميّه
حاولت أشرح بكل احساس موضوعي
لكن وينه من اللي عارف النيّه
ضايع وهمي فتح لي باقي فروعي
يا لين ماتت وراه أحلام ورديّه
شكرًا للاحساس ياللي كان مصنوعي
شكرًا لوقت ٍ خذاني بعد العطيّه
شكرًا لعمرٍ تركني امس موجوعي
شكرا للأيام ياللي باتت وْصيّه
شكرًا للاحلام ياللي طفّت شموعي
شكرًا لحزن ٍ هداني أجمل غْنيّه
شكرًا لحب ٍ حويته داخل ضلوعي
شكرًا لقلب ٍ رضا في دور الِضحيّه
بكت لي الارض يومي أنثر دموعي
في ظلّ ليله نهايتها (وداعيّه).!
مواقع النشر (المفضلة)