علك خالي من السكر

[أم صقر]

مساء الخير مساء الورد



اكتب لكم وانا على عجالة (ن) من امري <<



بيجونا ضيوف يخطبونن im22

امزح

بس على طاري الخطاب :24ar:
الاسبوع اللي طاف كنت مريضة .. مرض الحج <<تعرفونه طبعا اللي يجيك سخونه وكحة وخشمك يبدأ يصب وفمك بعد يصب بلغم <<وع حامت تسبدي <احلفي

ومير 24 ساعه نايمة نايمة نايمة..

ويوم الثلاثاء بالليل امي دخلت علي قالت بكره ملكة فلان ولد فلان ولابد من الحضور
قلت والله ووالله .. ومدري وشو تعبانه وهي تحلف الا اروح معها

وانا اللي اكل تبن وارضخ للامر الواقع

ويجي بكرة اللي هو الاربعاء واروح القامعه واخلي (الاســـ ي ــرة) تحطلي ميك اب im22

ماشاء الله عليها فنانة <<من قدتس اريش بتس بوسط المنتدى

واطلع واجي للبيت الساعه 9 ليلا <انتساب

واقول لاهلي انا بنااام اذ1 جيتوا تروحون صحوني مو ناقصني الا الفستان

واحط راسي وتجي الساعه 11 وتصحيني امي والبس واروح وانا نايمة.. مير ماعرف راسي من رجولي

السخونة لاعبتن فيني..

بس اللي استغربت منه (يعني من نفسي ) اني اخذت صحن المعجنات واحطه قدامي واكل فيه الين قضيته تقل مشفوحة ولاشفت اكل قبل تسذ1
حتى السبانخ اللي منب احبها اكلتها كلها

مير تجي اغنية يعشقني حق العماني

وانا اللي احلف اني ارقص .. وامي ماسكتن رجلي من تحت الطاولة.. تقول ريحينا يابنت فلان

لاتضحكين الناس علينا ..
وانا اللي احلف بالعشر اني اقوم

وامي لا يقولون انتس ماخذتن بلا.. اركدي..

وانا اللي افز واتمايل يمنتن ويسرة


قامت امي دقت على اخوي قالت تعال خذنا اختك فضحتنا قدام الخلق

واركب السيارة واحط راسي وانام


اي صح نسيت اقولكم
وانا قاعدة اكل المعجنات امي قالت لي ترا بكرة بيجون ناس يشوفونتس
يبون يخطبونتس

بس انا كننت خارج الخدمة


اهز راسي يعني طيب..

<<مب فاضية قاعدة افرم بهالمعجناتim22


المهم انه جاء اليوم الموعود اللي هو الخميس ..

بس كانت السخونة متمكنة مني.. يعني مافي امل اصحى 5 دقايق على بعضها..


جت الساعه 6 وامي تصحيني وتجيب الملابس تلبسني ..<<مب دلع بس لاني تعبانة

وادخل عالناس وانا نايمة وعيوني تدمع .. واكح كحتن شينة وطبعا مافي صوت im22

الوكاد اني نمت عندهم im22

جت اختي قالت اطلعي اطلعي الله يصلحك $222<<وعطتن وردة <<<على شحم عاد بلا هك..


وطلعت ونمت ولاصحيت الا الجمعه تقل كنت احلم


قلت لامي تراني فكرت في الناس واني موافقه

قالت اصلا عقب ماراحوا دقيت على ام فلانة وقلت لها في ناس جونا وانتس رفضتي وابحولهم عليتس

قلت بس انا موافقة


قالت لالا ماعجبوني

وذهب الرقل مع الريح



وذهب ولم يعد..





يلا خل اروح اشوف المباراة كود اني لو اتابعهم يفوزون <<معلييييش يبو متعب








العنوان ليس له اي صلتن بالموضوع

[RM]

[align=center]الرجال بداله ألف

لاتضيقين خلقك

المهم عسى استانستي بالعرس [/align]

[Ju$t me]

ام صقر اهم شي تستانسي

مو بلازم تعرسي

[][ PeTeR ][]

مرض الحج <<تعرفونه طبعا اللي يجيك سخونه وكحة وخشمك يبدأ يصب وفمك بعد يصب بلغم

كل البيت كذا ومسوين حفله مع المناديل



والخطاب الي جوا ترا هم الي شردو


بس الضاهر الوالده الله يحفضها ماتبي تجرح مشاعرك << امحق مشاعر im22



هارد لك <<

وبدل الواحد بيجون لك .............<< مايبي يظلم الرجال


لكـ$222



برب الشوط الثاني T و H

[أميـ الورد ـرة]

اول شي خلي الاسيرة تمكيجك مرتن ثانية
عشان نحكم
ثانيا الرقل بداله رقل يابعدي
لا تضيقين خلقتس بس >> من قال
بس عجزت اتخيل اختك تعطيك وردة قوية واجد


يسلمو ام صقر