عيني اللي من وصال أحبابها محرومـه
مالقت عقب الحبايـب واحـدٍ يرحمــهـا
حزنها بـادي وفيهـا دمـعـةٍ مـكـتـومـه
دمــعـةٍ لازاد هــمـي ليـنـي مــولــّمـهـا
ضـاق بالي والسعاده داخلـي معدومـه
والتــعــاسـه بيـنٍ فـي ناظـري مقدمهـا
منطوي والهم يأخذ فوق راسي حومـه
كـنه الغـيـمـه وبـرّاق الـوجـع قاسمهـا
صابر ومن جاه ماجاني تضيـع علومـه
والله انّ تمّـره الأنـسـام مــايــنســمـهـا
وحدي ومن كان وحده بيغدي بهمومـه
يبني صروح الهواجس جوفه ويهدمهـا
فاقدٍ بنـت الكـرام الغضّـه المــحــشــومــه
وخايفٍ لا الشوق يأخذني وأصيح أزهمها
خبري ابها مثل حلـمٍ قاطـعـتـه الـقــومـه
ذكرياتٍ ودي أرجع واغفــي وأحلـمـهـا
لابدت قلـت أقبلـي يالحلـوه النّــعــومـــه
حي والله شوفتك ياجعلني مـا أعدمهـا
تنظر لعيـنـي بعـيــنٍ كـن فـيـهـا نومـــه
وتبتسم مـــدري تبسـم عينهـا أو فمهـا
عطفها في داخل فوادي تفيض غيومـه
أكرمتني بالـحنـان ولاقـدرت أحــرمهـا
من غرامٍ في ضلوعي جذوته مضرومـه
لاخبت نـاره شـوي يولعـه مبســمــهـا
بعد ذا غابت وبعثـر فقدهـا المنظـومــه
وقمت ببيوت القصيد أعيدهـا وأنظمهـا
(((منقووولــــ)))
مواقع النشر (المفضلة)