يابعد عمري ... انا خايف على عمري ... ولا اشوف غيرك يطمني على اخبـاري
جيتك من الشرق ابعزف للقا وتري ... جيتك وغني لحـن شوقـك علـى اوتـاري
جيت بشعور غريب وضايق صدري ... وفيني تعب لـو اكتبـه .. يتعـب القـاري
فيني من الحب مال الغصن القمري ... فيني مـن الغيـرة اللـي تتعـب افكـاري
فيني من الحب رعشه ..رمدت جمري ... وفيني من الخوف رعشة الحب .. ياناري
فيني شقاوة صباح .. ولون من فجري ... وفيني ظـلام الليـال ورهبـه السـاري
بااعذب انسانه مرت على عصري ... انتـي طريقـي لـو انـه طـال مشـواري
انتي مدى الحب .. وانتي فلسفة شعري ... انتي على صوتك ابدع باجمل اشعـاري
وانا .. وربي .. احبك وابصم بعشري ... وانتي قدر مختلف جـدآ عـن اقـداري
حتى جروحك اطالعها ماقـول ابـري ... احتاجهـا بالفـراق .. تصيـر تذكـاري
من شانك اصبحت مثل المرسم المبري ... من شانك اموووت عادي ماخـذ بثـاري
ابوعـدك ياحياتـي وانتـي انتظـري ... ونـذر عليـة لغيـرك ملفـت انظـاري
حرثت قلبي .. ابذر حبك المغري ... وزرعـت فيـك الثقـه واسقيتهـا اسـراري
وياكثر ماتوحشني والتزم صبـري ... وياكثـر فـي وقتهـا الغلطـات واعـذاري
وانا من الخوف لا ادري .. ولامدري ... ولاتسأليني .. انا مـدري وش الطـاري
انا كذا صرت احس بكل مايطـري ... صـرت اتوقـع يمينـي .. تذبـح يسـاري
وانا دخيلك .. قبل ماوادعك واسري ... لاروووح غلطـة زمـن ويقـل مقـداري
مواقع النشر (المفضلة)