للي يبي يسمع يتفضل
السلام عليكم ورحمه الله وبركاته
بقولكم الان قصتي مع تافه وابي ارائكم
استغرب اللي يقولون اننا ندخل بيوزرات لخوف او شعبيه او مدري ايش
انا عذابي غير عضو دخل للزين لا له ولاعليه نصيت على طول رابطه الهلال ووقتها كانت توها مقفله
جيت رحت للشكاوي وقلت ليه تتقفل رابطه الزعيم وجاء التافه وقال اسفين وحط رابطه جديده لان الاولى اغلقت بسبب انه ما احد يكتب بها
قلت طيب انا بمسكها جيت انا العضو المكافح وحطيت كل حيلي بالرابطه اجيب اخبار ومقالات عن الهلال لما جاء يوم من الايام يقولي الاخ التافه
من وين تجيب الاخبار قلت من مصادري الخاصه قال لك 24 ساعه ان ماقلت لي بحذف الرابطه جيت انا قلت مانيب قايل
ويوم دخلت من بكرا لقيت يوزري مغير رقمه ولقيت عندي اضافه بالمسن قلت من ذا اللي مضيفني
ويوم حاكني واثاريه التافه يقولي تبي يوزرك عطني المصادر قلت يعني انت اللي ماخذه قال انا ماخذيت شيء وادخل يوزرك تلاقيه ماتغير رقمه وسبحان الله رحت ليوزري وبقدرت قادر رجع رقمي السري ولكن نسى انه مغير الايميل عشان ما اقدر استرجع الايميل المهم انا اشتكيت عليه وقال لا التافه مايسويها وش دعوى يعني انا بكذب انا كنت لا اعرفك لا انت ولا ولد خالك مادري خالتك تافه بتبلى عليه يعني....؟
المهم عدت هالسالفه وابدعت بالقسم واثبت وجودي واحترمت الجميع لان الجميع كان يستحق الاحترام وانا وليس لا رياء ولاتزلف ماقد شفت اعضاء مثل كذا الا بمنتدى واحد فقط اعضاء الزين كنز وياخوفي هالكنز يهاجر بسبب تعنت الاداره المهم مالكم بالطويله تعينت مشرف واثبت احقيتي بالاشراف ومو انا اللي والله امدح نفسي لكن شيء ينشاف انا انا واخوي الغالي ملك العشق كونا ثنائي مدهش بالرياضي ثم رجع التافه ورجع مسلسل التعنت
اثبت موضوع وينزل ليه ...؟
يقول ياخي الفكره مقتبسه من المنتدى الفلاني
طيب يا افلاطون زمانك مو تقسيم المنتديات فكره مقتبسه مو مسمى المنتدى العام فكره مقتبسه مو انت يا ايها الاداري مقتبس عده افكار والا حلال عليك وحرام علينا ياخوي انا مادامني اطور القسم بافكار مقتبسه افضل من اني اشتغل متسلط ع الخلق
انا يا اخوان يمكن تعتبرون اي شخص ياخذ باند هذا شخص غير سوي او انه يستاهله لا
يراسلني بالخاص يقول ((ياهيه)) كاني سواقهم او صبي عندهم يقول هيه ياما اكتب تقديمات من عندك والا انا اترك الاشراف للي يستاهله الحين بدال ما اسمع كلمه شكر ع مجهوداتي كمشرف وع اجتهادي تجي تقولي هيه سلامات لا اكون استلم راتب منك او اشتغل عندك او بنقالي جاي اصلح لك مكيف ترانا يا اداره الزين كنا نعمل لاجل الزين واذا مابتقدرووون فترى العالم تبحث عن اللي يهتم لها والله لاهمهم لازين ولاغيره انا دخولي عشان الناس اللي حبيتهم واغليتهم بالزين مثل حبيبتي حطمتني ونورمينا روح وروح وبنت عز ماتنهز وهلاليه نجد وخساره وزورو وعبود وخالد [ مستر ولف ] وملك العشق وماكس ونااااس كثيره اغليتها بالزين والا لو ع الاداره والله ماحد يجلس لكم
ابي اسئلكم اسئله عن الموضوع
1- وش رايكم بـ التافه !! ؟
تحيآتي واتمنىآ مايحذف الموضوع من االاخت ريمية !!
مواقع النشر (المفضلة)