يالربع هالحين ربعنا الجديدين يقولون نبي نساوي المرأه بالرجل ومدري وشو ومن ذالخرابيط
الحين انا مابي ذا كله
اللي انا ابيه انهم يساووننا حنا المساكين الرجال .. بالمرأه
حنا نبيهم يساووننا ولو في حاجات بسيطه
مثلا
انا الحين لو اني بنت قاعده اكتب في قسم الخواطر ولا شاعره .. بالله موب احسن لي ؟؟ موب احسن اني ما اكون شنب ؟
الشنب مسكين والله لو يكتب قصايد ولا خواطر من هنا للليل ماحد بيعطيه وجه .. راس مالها ردين .. وليتها زينه بعد .. شكرا ولا خاطره حلوه
والبنت الله لا يبلانا بس .. من قبل تنزل الموضوع والناس حاجزين ومجهزين ردودهم حتى وهم ما شافو المضمون ..
يالربع والله حاله .. اما تساوونا بالمرأه ولا ترى خربناها وراس مالها عملية تجميل .. بس المشكله الحين والله لو اسوي 200 عمليه ما نفعت فيني .. يعني مانيب صاير زين لو افحط ..
بس يمكن مشكلتنا ذي لها حل .. لو اني مثلا اروح للقلب الله يعطيه العافيه واقول له تكفا ياولد غير نكي .. الى ((لست كباقيهن)) ولا ((حافية القدمين)) ..
والله ليصير لي جمهور من الشرق للغرب .. لو اني ضاربن الشعيب ..وماعندي اي فكره عن الادب وشهو .. مجرد اجمع لي كلمتين مثل((رونق)) ((بانوراما)) ((اغرق)) ((اتهاوى) .. وماعلي ان شاء الله الفيل يشد حيله ويقدر يطير ..
بس اللي بقوله يالربع اهم من ذا كله ..
بغض النظر عن المنتدى وعن كل هالامور..
الله خلق كل شي على وجه الارض وله ميزه يتميز بها ..
والمرأه ترى كائن رقيق .. والله اني قلبي يقول طربق طربق يوم اشوف ان المرأه تترجم احاسيسها في موضوع .. اما صديقي الشنب فأنا طفشان منه 24 ساعه وهو يقرق على راسي ... وادري انه نصاب هالشنب .. اقصد الرجل
وانا ان شاء الله بتنحل مشكلتي بدون ما اصير بنت ولا اصير مدير موقع .. يعني دفها والحقها .. اليوم رد عليهم عشان يردون عليك .. بكره اذا مزعل واحد ولا وحده من شلة القسم اللي تبي تشارك فيه .. روح راضيهم ياخي ..ترى الدنيا ما تستاهل.. وبكره بتلقا موضوعك كله كلمات غزل وورود وحركات ..حتى لو انه موضوع يومياتك يا شيخ...
ولا تنسى انك تصاحب الربع وتسير عليهم كل يوم بالملف عشان اذا نزلت موضوع يجيك كل دقيقه رد..
وبالطريقه ذي يالربع يكون كلن اخذ حقه .. وموب عشان واحد شاف الناس يعطون البنت وجه وهو مجنط يقول نبي مساواه <مثلي .. لا ياخي اصلا مقابل وجه البنت ازين من مقابل وجهك
الا على فكره ؟ ليش قالو مساواة المرأه بالرجل .. ؟ وما قالو مساواة الرجل بالمرأه ؟
مواقع النشر (المفضلة)