[poem=font="simplified arabic,7,white,bold,normal" bkcolor="transparent" bkimage="backgrounds/3.gif" border="none,4,gray" type=3 line=0 align=center use=ex num="0,black"]
ياللي فهد ( عانوه ) رهن , اطخمتها = من تحت مبسمها ( المعذا ) ومن فوق
أنا رهين احبالها واشركتها = يالله دخيلك من ( عنا ) الشوق والعوق
روحي لقت ( مغنى ) الجمال ولقتها = حسن ,,,,,, وبها ,,, غطا على كل مخلوق
مغنا ,, الحلا كل الحلا ما فختها = اكليل ورد ٍ خالطه مسك واعذوق
صرف الجمال اليعربي من صفتها = لاهيب , لا عكفا ولاهيب شاهوق !
عنقا . وتنقا ,, الطيبه وانتقتها = الردف نابي والحشا ,,, ناهي الضوق
وجه ٍ ملاك ودبرة الله برتها = ومن يمها قلبي من الشوق مفتوق
خرسا. العيون الناعسه وانعستها = عسلا , سواد ولونها بن محروق
كل التقاسيم الدقاقه حوتها = والخشم سلة سيف فالعرض مذلوق
يوضي سنا , جبينها واسفرتها = سحاب ليل ٍ في مقاديمه ابروق
واليا ( اجلست ) عان الشعر من تحتها = واليا اوقفت عانه عن الردف مفهوق !
ياريفها !! ياسعدها يابختها = مادامها , حلوه ومنطوقها ذوق
تستاهل ابيوتي وحلو اثمرتها = وفي غيرها ماهجرس القلب طاروق
من لابة ٍ منزالنا منزلتها = ومقامهم بين المخاليق محقوق
اللابه اللي دونوا , ملحمتها = ماهيب من برقا , ولا هيب من روق
لاشك من قومٍ تحل ابركتها = وما وين ماحلت ! لها رأس واعموق
روحي سمت للجوهره , واشترتها = وحطيتها في نون عيني وفالموق
وتمكنت بين الضلوع وبرتها = هذي ثلاث اشهور ( لا أسلا ) ولاً , اروق
جـــــــــرت معاليقي وروحي جهتها = قلبي كفخ واستيسره رمش وأسبوق
ومادام هذي قصتي وأولتها = الله يعين القلب من ( قادم ) الشوق[/poem]
مواقع النشر (المفضلة)