الصبر ياغزهــ للشااعر ناصر الفراعنة
لا للسـلام ولا مصالـح وتطبيـع
مـع اليهـود مضيعيـن الامانـه
ياساسة الامـه كفانـا مشاريـع
حنا بها الارخص والادنى مكانه !
دم العرب غالي ولاهوب للبيـع !!
الا اذا غـزه ضريبـة ميانـه !!
برد وظلام ,, حْصار دايم وتجويع
غلق المعابر واحتجـاز الاعانـه
واليوم غـاراتٍ تتالـى وترويـع
جيش اليهود اطلق لبطشه عنانـه
الطايرات بكـل ساعـه مضاريـع
بالموت واشتد العنـا وامتحانـه
تقطعت اجسـاد الاحـرار تقطيـع
يوم العميل اغتالهم فـي امانـه !
ليته عن الخزي ابتغى له مطاليـع
مادام للـي فـازعٍ لـه حصانـه
تبت يد الخـوان وايديـن تفزيـع
الامانيـن وكـل ايــدٍ جبـانـه
غزه عليك دموع عينـي ينابيـع
والقلب لاجلك نازحٍ مـن مكانـه
جتك المصايب ياالحبيبه مجاميـع
خذلان وارهاب ودمـار وخيانـه
ومنا ليوم الجمعه ارواح بتضيع ؟!
اسبوع بين المجزره والادانـه !!!
حكامنا ,, لو هي جيوشٍ وتجميع
قوات مع موقـف يـروع بيانـه
قلنا لكم بعـد المنـادى اسابيـع
لكن سبوع لقول كلمه !! ( إهانه )
حكامنا لو حاول الوقـت ترقيـع
ستر الفشيله , ماسمح له زمانـه
ثوب المذله ضاق , يحتاج توسيع
ماعاد يكفي لاحتـواء المهانـه !
للشاعر/ ناصر الفراعنة
رد مع اقتباس
مواقع النشر (المفضلة)