وش الفرق بين الزين الحين والزين قبل سنه ؟!

**¶ بــآريــس ¶™** · 02-01-2009, 04:09 AM

السلام عليكم ورحمة الله وبركاته

كيفكم ؟؟

انا بطلع لين يرجع الزين مثل قبل !! ..

الزين ما عادهوب زين ..

أنا بكتفي بالتصفح دام المنتدى بارد

الزين وشو الزين ؟!!

وش اللي خلانا قبل متحمسين بالمشاركات فالزين وفجأة نحس إن المنتدى صاير أكبر من سعة الأعضاء بين كل عضو وعضو مسااااااااافة كبييييييييييرة ..

فيه تشتت بين الأعضاء

فيه رسميات تدل على عدم " الميانه " ..

وش الفرق بين الزين الحين والزين قبل سنه ؟!

وش اللي تغير ؟!!

حنى نشارك عشان الإدارة ولا نشارك عشانا حنا ..

نشارك عشان الألوان ولا نشارك نتبادل المعلومات من اخبار وبرامج ودروس و و و إلخ

وش ذا البرووود اللي جانا مع البرد ؟!

فيه أعضاء اختفوا .. تركونا واختفوا .. كان لهم مكانهم .. كان فيهم المناقش والكاتب والشاعر والمصمم .. طلعوا وصار فيه فراغ في المنتدى ..

وش السالفة ؟ باعوا الصداقة ولا الظروف اجبرتهم ؟!

هل مر على الزين زي كذا قبل ؟! برود وبعدها تشتعل نار الحماس ولا أول مرة .. ؟

سؤال : الزين متغير ولا انا مانيب صاحي ؟

وإذا متغير من السبب ؟

**إحســاس إنســان** · 02-01-2009, 10:11 AM

قسم للنقاش

ولكن اكتفي بـ $222 من اجلك

لعل القصد واضح

ودي وتقديري باريس ..

**غزال ومـا يصيدونـه** · 02-01-2009, 10:19 AM

الظاهر إن الزين صابته عين ما صلت على النبي im3 <

بالنسبه لـ الأسباب واجد ومانقدر نحصرها في شيء معين

بس اتوقع من اكثر الاسباب ..

_ الحقد والعداوه المنتشر بين بعض الاعضاء
فـ تلقى المنتدى صاير احزاب وشليله وكلنا يتصيد الزله على الثاني

_ بعض الأعضاء لهم ثقل بالمنتدى وتواجدهم قوي ومع ذلك يرفضون الاشراف
اما لـ اسباب شخصيه أو بسبب موقف أو مشكله صارت له بالمنتدى
في عشان كذا لو تلاحظ إن مستوى الاعضاء هنا بالزين
اقوى من مستوى المشرفين وماهوب قصور بالمشرفين لا والله
بس انا اتكلم ( بشكل عام ) لإن فيه قله من المشرفين ماعليهم كلام

_ الغيابات الحاصله من بعض المشرفين والإعفاءات المتكرره لها دور كبير
لإن المشرف المفروض يكون قووي ماتهزه أو تآثر فيه مشكله معينه
بمعنى تلقى مشرف بمجرد ما تصير له مشكله بالزين مع بعض الاعضاء
على طوول يطلب إعفاء وهذا اتوقع نقطه سلبيه في هالمشرف ..!!

_ بعض الاعضاء تواجدهم هنا من باب الإنتقام والتخريب فقط لاغير
وهذولا نفوسهم مريضه يعني لو آخذ هالعضو باند لـ سبب معين
يرجع للزين عشان ينتقم ويبدأ بالتخريب وتحريض الاعضاء
ولو تناظر ردوده تلقاها اغلبها شوشره ..؟!!

_ السلبيه من اغلب الاعضاء ساهمت بشكل كبيرر في هالركود
مافيه مبادره من احد الكل متآخذ دور المتفرج
و منتظرين العصا السحريه عشان تحرك المنتدى ..؟!!

وصدقني لو نكبر عقولنا شووي ونبتعد عن الحزازيات والقيل والقال
راح يتبدل حال الزين كثيرررر

بـ إختصار ..

متى ماصفت النفووس واعتبر كل عضو إن هالمنتدى هو منتداه
راح يرجع الزين مثل اول ويمكن افضل

والمعذره على الاطاله : )

كل الشكر لك باريس على هالطرح $222

**وحي الشوق** · 02-01-2009, 10:58 AM

هلابك

باريس

ويسلمك الرب

بحكم اني شبه جديدة

بهالمنتدى

وما اعرف الا القلة

ممكن الاسباب اللي ذكرتها

غزال

هي الواردة

لكن اتمنى من المنتدى يرتقي

ويبتعد عن المشاحناات

ويرجع الاعضاء اكثر تماسكا

ويكون الود والاحترام والعفوية

هي السمة الطاغية فيما بينهم (:

حبيت اضيف هالشي

وتقبل مداخلتي

وحي الشوق

**أميـ الورد ـرة** · 02-01-2009, 02:51 PM

بنظري
اضافة للاخت غزال
فقط
البعض يكبر عقله و يستوعب الكلام صح
صار كل عضو ينتظر للثاني زلة
و يمسكها عليه
بس يوعون شوي
وياليت الاعضاء اللي تركونا
اكيد الحنين يجبرهم حتى لتصفح المنتدى
يرجعون يشاركونا من جديد

باريس انت بعد لا تسوي زيهم