(((( الـشــمــــري ))))
الشمري يرسم على الصدر نيشان
شمس ن تعلت فوق روس الرفايـع
شمر هل الطولات ذربين الايمـان
شمر لهم بارض الجزيره صنايـع
باالسيف نالوا عزوتي كل الاوطان
حايـل ونجـد وحولـو بالشرايـع
تدفع لنا الخاوه من فـلان وفـلان
وخاوة هل البحرين جتنا بضايـع
نلنا الشرف بالسيف ماهو بالاحسان
بالسيف يلفي ريس القـوم طايـع
منهو عصى يشرب مع الذل حقران
وان عاش هارب باالفجوج الوسايع
منهو نوانـا يشهـد الله خسـران
تشهد لنـا باالفعـل كـل الوقايـع
وابن صباح الي جمع انس مع جان
يوم الصريف الي حصل به فضايع
جونا يبون الدار والـدار منصـان
غصب ن خذينا سلاحهم والقلايـع
ميتن نصرانـي ضربنـا بلامتـان
جابـوا مدافـع فزعتـن للهلايـع
وميتين عام حكمنـا عـز ماهـان
مبعث رسـول الله زيـن الطبايـع
في حكم زيزوم الطنايـا كحيـلان
ابن رشيد الي لـه الصيـت ذايـع
مرحوم يطيـر السعدطيرحـوران
شيخ ن على كل المقاييـس رايـع
زلنامثـل دولـة اميـه ولابــان
عابد صليب بنجد شـاري وبايـع
وحنا الكرم ماينكره غيـر خـوان
مضرب مثل بين المخاليق شايـع
القدر يطبخ به مع الحيل خرفـان
وصينية ن يشبع بهـا كـل جايـع
ذكرت بعض فعولنا لهل الاذهـان
وخليت انامن فعـل شمـر وقايـع
تشهد لنا بالفعـل حايـل وبـرزان
بكفوفنا صم الصخر صـار مايـع
شمرهلي وافخر بهم طول الازمان
من سب شمر تايه الـراي ضايـع
ولا تجاهلـت القبايـل لحـقـران
مثل الحصـون العاليـات المنايـع
واهل البلدلاشك والنعـم حضـران
عوايل ن مابيـن عابـد وطايـع
والمعذره لابان بالقـول نقصـان
ماني من الـي ينظمـون البدايـع
تمت وصلى الله على نسل عدنـان
المصطفى المرسول زين الطبايـع
رد بسيط لشخص الله يهديه ...
بــقــــلــــــمي
المشاركة الأصلية كتبت بواسطة اخو هدلا
مواقع النشر (المفضلة)