طرائف ولطائف خندقية
السلام عليكم ورحمة الله وبركاته
الموضوع هذا طرا على بالي وانا اسولف مع اخوي الله يسلمة وياكم
حبيت اشارككم فيها علها ترسم البسمة على شفاهكم
مره كنا قاعدين فوق طعس وقام ولد عمي يبي يمشي ولا اخوي يقوم وينط علية واذا اصبعة الخنصر ينكسر بسبب النعلة اعزكم الله المهم خذيناه للطبيب ولفوا رجلة وقام اخوي وقال لازم اجيب لك كرسي ذو عجلات لا تمشي على رجلك احسن لك فقلت وانا اقرب لكم السياره ولد عمي مدحدح ومتروس شوي وانا اسابقهم اجيب السياره ولا ولد عمي يصارخ وهو مارني بسرعة على الازفلت شوي ولا يقلب ويتزلغ من الجنب خذيناه ورديناه للمستشفى مره ثانية واقوم انا اسئل اخوي شصار قال لي كنت بمسكة بس ما قدرت وزنة ثقيل وفلتت مسكة الكرسي من ايديني قلت لة شلون نزلتة قال على وجهة قلت الله يسامحك المفروض انك تنزلة عكس على الظهر
والثانية كنا في درس بعد صلاه العصر والشيخ يذكر نعيم الجنة وجمالها ويذكر الحور العين وبياضهم ولا فيه واحد زول ويانا في الدرس نط على الشيخ وقالة يا شيخ قالة نعم قال اريدها سوداء يا شيخ طبعا انفل الدرس بسبب عدم قدرة الشيخ من التوقف عن الضحك
آخرهم كنت راكب السياره مع واحد يلبس نظارات بس مو اي نظارات كلش المسكين ما يشوف عدل المهم واحنا على الطريق السريع ولا صاحبنا يدوس بريك بكل قوتة وتفتر السيارة فينا زين ما قلبنا شفيك يا بو سعيد عسى ماشر قال ما تشوف المطبة الي حاطينها في الطريق قلت اي مطبة قال لي شفيك صرت نفسي ما تشوف المطبة الي جدامك وانا اطالع وابقق اعيوني ولا صاحبنا شاف ظل ابراج التقوية على بالة مطبة
ارجو اني قدرت ارسم البسمة على شفاهكم والي بيتحفنا بطرائف نقدم لة الشكر والي ما عنده نقول لة اتحفنا بعدين
خندق
مواقع النشر (المفضلة)