مآآآآآآآآآجستير

[شـ ـ ـ ــ ـ ـ ـذى ـآ]

[align=center]بسم الله الرحمن الرحيم

السلام عليكم ورحمة الله وبركاته

صباحكم/مساءكم بخير وسعاده يارب

اختكم في الله شذى خريجه جامعة الملك فيصل

قد تخرجت في نهاية الفصل الدراسي الأول لعام 1426

عندكم وظيفه <<براا

المهم من كم يوم بصراحه من الطفش بالبيت

طرالي اكمل ماجستير ابرك لي

لكـــن,,

هناك تساؤلات كثيره عن الماجستير

س/ كيفية تهيئة نفسي لذلك؟
س/ هل دراسة الماجستير تشكل مود مثل دراسة البكاروليوس وهل هي من اختياري؟
س/ الرساله التي سوف ادرسها هل لابد ان تكون من قبل الجامعه نفسها او من اختياري انا.؟
س/كيف اعرف اني اهل لهذا الشيء؟
س/كيف اقنع اهلي بهذا الشيء لان الاغلبيه يقولون وش بتستفيدين منها اخرتك بالبيت؟
س/تنصحوني اكمل دراستي ولا انتظر الفرج من الله بالوظيفه؟

اتمنى التفاعل معي بالموضوع سوا شخص درس ماجستير

او شخص مادرس

انتظر كم im3

اختكم/ [fot1]شذووو[/fot1][/align]

[أًصِدْقٌ اٍحِسًآسُ∫●•]

هلا بك شذى وعليكم السلام والرحمه..

انا والله مثلك..تخرجت السنه اللي راحت..ودي أكمل بس خايفه..

يمكن انا عكسك اهلي هم اللي يقولولي كل يوم كملي كملي..لكن انا والله خايفه..ماادري كيف النظام..وكيف طريقتها..وثاني شيء ودي احد يكون معي اعرفه عشان نساعد بعض..

اللي اعرفه وعلى ماسمعت..ان الرساله انتي تحدديها على حسب التخصص اللي اخترتي تدرسينه بالماجستير..وانها مواد تدرسينها..ان شالله مااكون غلطانه..

انا ابي أسأل..هي كم سنه؟؟

وفيه مكافأه ولا لا؟؟<<عشان نتشجع ندرس^_^


انا انصحك تكملي..لان الوظيفه املها ضعيف بنعجز وحنا ماتوظفنا..وصدقيني السنين الجايه..بتكون شهادة البكالريوس مالها قيمه..وبتكون الماجستير أهم..


ياليت فيه احد قد درس..او يعرف احد يدرس ماجستير عن قرب..ويفيدنا..

والله يوفقنا جميعا لما فيه الخير..


شاكره لك يالغاليه..

أعذب التحايا,,

[أميـ الورد ـرة]

هلا بالخريجات
ودكم يالماستر ياقلبي
اول شي اختاري المجال اللي تحبين تكملين فيه ومو شرط يكون في نفس نجال البكالوريوس
لكن لاتشطحين بعيد و تقولين بسوي ماستر في امراض البطن وانت تخصصك رياضيات
بعد كذا ابحثي في الجامعات المعروفة
واللي مجال البحث فيها واسع
و اساليبهم متطورة يعني مو نظام تعجيزي
سواء جامعة اهلية او حكومية
بالنسبة للمكافأة
شهادتك اولا و الوظيفة ثانيا
طبعا يعتمد علي اختيارك
فاختاري شي مرغوب في الدولة
تبقي قدرتك علي الاكمال و الاستمرارية
يرجع لارادتك و للمجال اللي اخترتيه
اذا كانت رغبتك مبنية علي اسا اني متفرغة الان وماعندي شي
فالافضل اعادة النظر
لكن لو كان طموح وحلم يتحول لواقع فنقول قداااااام
و بالعلم ما اعتقد في اهل تعارض حتي لو لهم راي مخالف
موفقات حبيباتي

[شـ ـ ـ ــ ـ ـ ـذى ـآ]

هلا اختي اصدق احسااس

لا تخافين ولا شي اهم شي هي العزيمه عندك انتي

ثاني شي اهي مهب رافضين بس يحطموني كثير

وانا مااقد اهلي اللي بالبيت االلي معي بالبيت العكس

شجعوني كثير على هالخطوه

انا قصدي البنات اللي اعرفهم ومن العائله وبعضا من صديقاتي

هم اللي ماشجعوني وحنا غالبا البنات هم اللي يشجعونا اكثر

من ناحيه المكافأه مدري والله اذا فيه ولا لا

ان شاء الله ماراح يقصرون هون معنا

حياك خيتوو اعطتين امل والله $222

_-_

هلا اموره حياك يالغلاا نورتي الموزوع

تسلمين ع الدعم هذا وربي حسيت اني مدري وش اقول

اختي من انا بقدم ع الماجستير من اسااس الغراغ لا

هو انا اسااس من اول سنه تخرج كان ودي فيها بس الضروف ماساعدتني

تعرفين خريجه وابي ارتاح لي كم سنه

حاليا احس اني بحاجه الى دراسه ف الماجستير افضل شي فكرت فيه

لاني قبل كنت فمفكره ادرس معهد سنه دبلوم حاسب

بس ابوي مهب راضي

وان شاء نكون اهل لهذا الشي

بالنسبه لتخصص انا اقتصاد منزلي تربوي (طبخ ونفخ,,خياطه وتطريز,,رعاية ام وطفل,,الابتكار والاعمال اليدويه
والرسم)

والى الان المجال اللي بدرس رسلتي فيه ماحددته لكن بيكون من هالمجالات اكيد

لاني ماراح اقدم ع الماستر الا ونانا فامه وش ابي بالضبط وماراح اقدم الا ع السنه الجاية

بس محتاجه شوية دعم لاني وربي متحطمه وبقوه مع انه اخوي اول مشجع لي

تسلمين خيتوو ع الرد وسرعة الاجابه

بارك الله فيك $222

انتظر احد جرب ولا ماجر ب محتاده اجابات اكثر

[الطلة البهية]

[align=center]

هلا والله بشذوي ..

شفتي كيف مرة حالتنا كسيره

انا عني استحاله ادرس لو تنطبق سماها على ارضها وما عندي الا خيارين يا اتوظف بوظيفة ادارية او اكمل دراستي ..

الاسهل والمتوفر اكيد الثانية وتقريبا ارتاح لها اكثر ..


بالنسبة لتساؤلاتك خيتوووو ..

س/ كيفية تهيئة نفسي لذلك؟

اول شي تشوفين نفسك قادرة على الدراسة و البحث او لا ؟!
عندك الوقت والجهد الكافي لتحقيق هذا الطموح ؟!
هذا غير انك لازم تاخذين لمحه موجزه عن شنو مطلوب منك لو صار وانقبلتي لان شكلك ما عندك خلفية عن هالشيء فلازم تعرفين قبل تنصدمين ..


س/ هل دراسة الماجستير تشكل مود مثل دراسة البكاروليوس وهل هي من اختياري؟

دراسة الماجستير مو مثل البكالوريوس لانه تتعمق بشكل اكبر في مجالك الذي تخصصتي فيه ..

وبالنسبة للمواد هل هي اختياريه او لا اللي اعرف كل قسم له استراتيجية معينة لذلك زي ما قلت لك يفضل تروحين تسألين نفس قسم الدراسات العليا في جامعة الملك فيصل عن القسم اللي تبين تكملين فيه وتسألين عن كل شي يتعلق فيه بحيث تكون الصورة واضحة لك وتقدرين تقررين بشكل أفضل ..

على العموم في الغالب المواد تكون من 4 الى 6 احدها مادة بحث ..


س/ الرساله التي سوف ادرسها هل لابد ان تكون من قبل الجامعه نفسها او من اختياري انا.؟

اول شي لازم تعرفين شنو طريقة دراستك وعلى اساسها تحدد رسالتك ..

في المملكة عندنا نظامين النظام المعروف سابقا ( سنة تمهيدي و 3 سنوات رسالة ) ..

او نظام التعليم الموازي اللي هو تدرسين سنتين يكون فيها تركيز على مجال البحث في كل المواد في نهايتها تقدمين رسالة عاتيه اوب طويلة ومن بعدها تأخذين الماجستير ..


شلون اختيار الموضوع ..

اول يتم البحث من قبلك عن موضوع مناسب تحسين له صلة بالتخصص الذي اخترتيه وتحسين انك قادره تعطين فيه و انه يحتاج لبحث ودراسه ، بعدين تتم دراسته من قبلك بشكل مبسط ووضع خطة له تشمل مقدمة و خطوات الموضوع وسبب الدراسة ( اختياره ) تعرض على الجامعة اذا تم قبولها يتم المراسلة والتأكد من عدم دراستها من قبل بعد التأكد تبدين في البحث ..


س/كيف اعرف اني اهل لهذا الشيء؟

كل واحد اعرف بإمكانيته وقدراته ..

وتقدرين تطلعين عن قرب على هالشيء بحضور مناقشة رسالة او بالمرور على قسم الدراسات العليا في جامعة الملك فيصل واخذ فكرة عامة عن ما هو مطلوب وبعدها تقدرين تحكمين وأنتي على بينه ..


س/كيف اقنع اهلي بهذا الشيء لان الاغلبيه يقولون وش بتستفيدين منها اخرتك بالبيت؟

أول شي تأكدي متى ما وجد الدافع و الإصرار عندك بيتذلل لك كل شي أنتي قوي عزيمتك وخوذي فكرة مبسطه عن الموضوع ومتى ما وصلتي للقناعة الحقيقية انك بتكملين إقناع اهلك بيتسهل لان إقناعك أنتي هو الأهم *_*


س/تنصحوني اكمل دراستي ولا انتظر الفرج من الله بالوظيفه؟

والله هذا الشي راجع لك خيتوووو انتي شنو تحسين تقدرين تعطين أكثر بالدراسة أو الوظيفة على
أساسه يكون الاختيار *_*


بالنسبة لسؤال خيتوووو اصدق احساس يب حبووووبه فيه مكافأه سواء للدراسة او لاشتراء المراجع ومستلزمات البحث وهي دسمه ما عليها ..


أتمنى إني أفدتك خيتوووو واي سؤال اسدحيه لا يردك إلا الكيبورد ..


رنووووش دعواتك يتحقق الحلم *_*



[/align]