",,/ تعبت من ممشى .. / ,,"
[align=center]
*
*
*
*
*
مسيكم بالخير
قصيده رائعه للمبدع : محمدبن فطيس المري
وأبدع في ادائها الشاعر : صالح المانعه المري
وأتمنى أنها تنال على رضاكم
قصيده ابن فطيس بصوت ابن مانعه
يقـــول :
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
تعبت من ممشى على غير مشهاي=وتعبت من صبر على غير غايه
طاحت عزومي لين قلت نواياي=وابعدت من مبداي صوب النهايه
ماغير اهوجس واظرب الراي بالراي=واثر المغربل ما يخلصه رايه
الوقت ذا هو هو بطبعه وانا اياي=انا صدوق وذا الزمان الدعايه
يالله ان تعاونني على كبر بلواي=ويالله ان تقديني طريق الهدايه
اشكي من الماضي وخوفي من الجاي=ولي في ملمات الليالي درايه
لو كنت اعرف دواي ماخفت من داي=اخير من طب الطبيب الوقايه
سبحان من يعرف مقاسيم دنياي=في صفحة ما تنعرض للقرايه
اذا غدا وقتي جزوع من حكاي=ابدي بهاجوسي على كل ايه
واذا كسرني هاجسي صوب مركاي=فايه جبرني نخوة دموعي ايه
وان شفت همي مانقص من تشكواي=اخترت من نطح الهموم القفايه
وقت غدا كنه علي اكبر اعداي=يشمت علي مجمعين الوشايه
صادمت صكات الزمن باول صباي=وصادمت قد شيبي بوجه المرايه
لا الين نبات الارض غارس ورواي=وشوك السلم ماخذ على اسمي وصايه
اعد غلطاتي واحسب خطاياي=لاني بمندلن ولاني بتايه
ايس وتيبس عقب ما أيس شفاياي=واممل وبعض امال قلبي غوايه
لاسوم انا وجهي ولا مد يمناي=ثنتين تحسب للمذله قدايه
بلقي هموم الليالي مقفاي=لين اقلب اخر صفحتن في الروايه
برضى بمقسومي على طيت رشاي=لعاد لي شفن ولالي غوايه
مالي جدا الا ونة القلب ودعاي=وعناية الله ما وراها عنايه
بسكت بسري ساجنه في حناياي=الين تروى مقبلات الحكايه[/poem]
*
*
*
*
*[/align]
رد مع اقتباس
مواقع النشر (المفضلة)