o{ الصـوت المبحـوح }o
[align=right]السلام عليكـــم
صبـــاح الخير
مما اعجبني ...[/align]
،
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا بالبحـة اللـي كنهـا صـوت الوتـر والنـاي=هلا بالبحة اللـي مـن نغمهـا يطـرب العصفـور
هلا يـا بحـتٍ تفـرد حجاجينـي وتهـز عضـاي=وتشرح صدري الضايق و تجبر خاطري المكسـور
صباح الخير مـن ثغـرك تلـون بالزهـر دنيـاي=وتنثر مع شعاع الشمس والنسمـه رحيـق عطـور
وش النسمة وش النغمة وش القمري وخرير الماي=إلا ذوبتي المبحوح فـي سمعـي حـروف شعـور
ليا منه رشف سمعـي حروفـك يرتـوي مضمـاي=ويخضر الهشيم وينبـت بصـدري ريـاض زهـور
واحس ان الخزامى والنفل بسمـك تبـوس شفـاي=وجسمي كنه الروض اللي تـوه بالوسـم ممطـور
حروفك في شتاء عروقي تتل البـرد مـن اقصـاي=و تدفي شاعر إحساسك و يبني من قصيده قصـور
حروفك صبح ما اسمعها تبعثر هاجسـي ضوضـاي=واضيع بزحمة الأصوات وصوتي يكشف المستـور
وأنادي بسمك المقفي على دربـي وأنـادي الجـاي=ويرجع لي صدى صوت أمس وكني الشارع المهجور
واحس الـروح بردانـه وشريانـي جمـد بدمـاي=واشوف الناس من حولي نصايب والبيـوت قبـور
حروفك هي عناويني بها اعـرف دربـي ومعنـاي=بها نبضي بها انفاسي وشرب وقـوة وظـل ونـور [/poem]
رد مع اقتباس
مواقع النشر (المفضلة)