لو خسرتك ما خسرت العمـر.. والدنيـا متـاع
وادري اني لو خسرتك مـا خسـرت.. الا قليـل
بس فكّر زين تعرف من خسـر فينـا.. وضـاع
...وتعرف انّك لـو تلـفّ الأرض وتـدوّر بديـل
والله ان تبطي ولـو لفّيـت فـي.. كـل البقـاع
..ولو تسوّي وش تسوّي ما انت لاقي لي مثيـل
وين تلقى مثل شخصي شخص وطباعي.. طبـاع
ووين تلقى مثل قلبـي قلـب أو مثلـي خليـل..
البشـر واجـد نعـم لكـنّ فـرق الإنطـبـاع
يجعلك يمّـي تميـل.. ويـمّ غيـري مـا تميـل
يـا رفيقـي (إنتبـه) واحسـن إلـيّ الإستمـاع
للمواقف دور في كشـف المزيّـف.. والأصيـل
وانت ماقصّرت فينـي موقفـك... جـدا شجـاع
طعنتك في الظهر فعـلا كانـت اثبـات.. ودليـل
بيّض الله وجهك اللـي ساتـره تحـت القنـاع
ورايتك بيضا معاي وياعسـى.. عمـرك طويـل
يعني اعطيك الثقه وتردّها ب(لـوي) الـذراع؟؟
ياخي ما شا الله عليك ابدعت فـي رد الجميـل..
مدري كيف اشكرْك مدري كيف ارد الصاع.. صاع
كنت احسْب انّك عزيز النفس تطلع لـي.. (ذليـل(
كم وانا عيّيـت اصـدّق فيـك قدر..المستطـاع
..من غبائي كنت أسكت واعذرك واثْـر الحصيـل
جرح قلـبٍ ميزتـه فـي كـل يـوم.. الإتسـاع
ودمع عينٍ ينهمر من ضيقتي فـي كـل... ليـل
والله اني كنـت احبـك حـب واتْبعْـك...اتّبـاع
..كنت لجل ارضي غرورك بس اسوّي المستحيــل
كنت اعمـى فيـك.. لالا.. كنـت ميّـت للنخـاع
كنت مدري كيف؟؟... لكن كنت صادق معك حيـل
كنت امارس في غرامي لك سياسة... الانصيـاع
وكنت لاغي معـك فكـرة أعتـزل أو أستقيـــل..
إندفعـت بكـل مافينـي... وســوء الإنـدفـاع
يجبـر الإنسـان أحيانـاً يفـكّـر... (بالرحـيـل)..
صدمتـي فيـك انـت خلتنـي أفكّـر.. باقتنـاع!!
إن قتل النفس.. راحـه لـو أنـا كنـت القتيـل..
إنفجر راسي مـن التفكيـر وإشتـدّ.. الصـداع
كيف أجل بافتك من جرحك ودوشة..... "قال و قيـل"
صرت سيره في حلوق الناس وتالي هالضيـاع؟؟
"أنتحر؟؟.. معقول!!" يا الله وش هـذا الغليـل!!
رحمتك يارب لامن ضاقـت امنحنـي.. وسـاع
أنت حسْبي في الزمان الجايـر ونعـم الوكيــــل
لا غدى "مستقبلي والماضي" اطـراف النـزاع...
.....وصفحة الماضي سواد وشيء من هذا القبيـل
ْفلازم انسى لجل أنهي بداخلـي هـذا ..الصـراع
ولازم اتقوّى عشـان احقّـق... النصـر الجليـل
وطالما إن الهجـوم افضـل وسيلـه..(للدفـاع)
مستحيل ارضخ لو ان الحمـل ياربـي ثقيــــل
والبخيل اللي نسانـي... واشتـري فينـي وبـاع
يذلـف... الله لا يـردّه والله بجـرحـي ..كفـيـل
وان سأل عنّـي وجاكـم بعـد فتـرة... إنقطـاع
علموه انّـي نسيتـه بـس انـا.. مانـي (بخيــل)
طالما كان السبـب فـي قوّتـي... قبـل الــوداع
بـلغوه ْبلا سلامــــي خالـــص الشكــر الجزيـل
رد مع اقتباس
مواقع النشر (المفضلة)