تعبت اناظر جيت الزين ساعات .......لكن ظروف الوقت عيت تجيبه
وظليت اهوجس بين رجوى وهيهات.......من طلعته شمسي حتى مغيبه
الله يعين القلب كم ذاق لوعات....وكم حرقت جوفه لوعه لهيبه
قلب كواه البين مرات ومرات...... وزادت همومه من قساوة حبيبه
وصارت حياته كلها اجراح واهات.....لمين يشكي دام ضيع طيبه
يا صاحبي لا تكسر الفرح بسكات .....كسر الخواطر ياحبيبي مصيبه
اما تعود وننسى درب المتاهات ......ونهجر سواليف الحياة العجيبه
والا نظل اغراب والدرب عثرات......وكل واحدن منا يدور نصيبه
مواقع النشر (المفضلة)