[align=center]مــســآءكــم زيــن ..
وش فــيــكم مستــغربين إيه في يوم وآحــد فقط.. تكون ملياردير وطفران .. أو العكس ..
أدري بيجي وآحد بيستلكع بيقول أي يووم أي طبعا أي يوم سبت أحد وهلما جرى ..
أنــآ مشكلتي مشكله ..
آحيــآنــآ لامسكت خــط وخصوصا خط الرياض _ القصيم ..
أبــدآ بالمــشــآريع آطــلــع من محطة آبــوهيثم معي عشر ريآل للمواقف الصعبه ..
في نص لخط أصير ملياردير أجي للقصيم مطفر شي طبيعي ..
الموهم وأنا رآيح للقصيم .. كنت آهـــوجس طبعا مأدخن <<أحد قال شي
آهــآ في بــدآية الخط فكرت بمشرووع جهنمي .. أنا من كثر مشاريعي قمت أبيعها للشعب ..
طبعا كلكم تعرفون المملكه .. هذي من فكرتي وأنا اللي دآرس المشرووع..
بس الوليد بن طلآل جزآه الله خير قال شوف حبيبي سمعت عندك مشرووع يطلع ذهب جيبه بالطيب ولآترا بنتصرف معاك تصرف ثاني .. قلت سم طــآل عــمرك والله هوو اللي يصكني بشيك 3 مليون ونص .. << شي أحسن من لآشي ..
ننسى الموضوع <<لاتزيدون مواجعي
ايه نرجع لخط القصيم .. همــآ أنا مسكت الخط .. جــآني مشرووع ..
اسمنت تصدير .. أطبعا أبدأ بتريله بلك .. بلك = هذا يحطون به السمنت مو الخلاط هذا يحفظ السمنت..
المهم أصدرها للبحرين قطر أي مكان .. طبعا البلك الواحد يجيب لي خمس مية ريال في اليوم أو اليومين ..
على حسب سواقك ولو تكون أنت السوواق ياحبذا ..
آهــآيعني بالشهر يجيكم خمسة عشر ألفآ .. شي جميل خلها كذا 8 شهور يجيك .. أظربوا 8 في خمسة عشر ألفا تجيكم 80 ألف على مأظن
هذا تشتري بها تريله ثانيه وهلما جرى .. بعدين تسويلك موسسه تريلات الله الله هنا يبدأ الشغل صح..
رآح يكون دخلك في الشهر لايقل عن ثلاثمئه ألف طبعا إذ آكان الشغل مظبوط والتريلات كثيييييييييره ..
ويوم سوويت موسسه أنا كنت تووني متعدي المجمعه << يعني بالتفكير ..
آهــآ طبعا بفلووس الربح ذا تشوف شغله ثانيه .. ألا وهو الكسارات .. اللي تكسر الحجر .. هذا طبعا تبطي عظم تشتريهالكساره الوحده وكاله بمليون ونص وإذا كان موديلها 2009 أومن الجديدات بمليونين أو أكثر ..
المهم قد ربي رزقني بهالتريلات وأخذت الكساره طبعا شريتها وكسرت الحجر ..
طبعا توقف تصدير سمنت أخذت تريلاتي وقلبتها قلابي حلووو أكسر وأحمل عليها .. حجر .. ومن هالفلوووس والحركات ..
قمت أطنخ نفسي وعيالي لدرحة إني رحت للقمر وتمشيت فيه وجيت .. الحين توني واصل نزلة الغــآط
وبما أني منغمس بعمق بالتفكير .. سمعت بالاسهم .. <<زي أي سعودي دلخ
بعت كل أملاكي عشان أطب هالاسهم طبعا دخلت وشريت .. وصار اللي صار وقعدت على الحديده ..
[align=center]ووصلت القصيم ومعي عشر ريال اللي قبل مامسك الخط
المهم مو موضووعنا << كل ذا مقدمه يعني
موضووعي هو يتكلم عن هل أنك كل مامسكت خط تفكرووون وتهوجسوون ولا أنا بس ..
وعطوني موآقفكم مع التفكيييييييييييير وبس .. [/align]
المشاركة الأصلية كتبت بواسطة ¶ بـــآريـــس ¶™
مواقع النشر (المفضلة)