السلام عليكم ورحمة الله وبركاته
كيفكم ؟؟
تصدقون يوم خلصت كتابة الموضوع اكتشفت إن العنوان هو الجملة المفيدة بالموضوعimages11
الحقيقة حبيت اشرح لكم معاناهـ تكررت معي أكثر من 5 مرات في كذا مناسبة وكذا مدري وشو ..
المهم نخش بالموضوع
الموضوع يالربع لما يضيفك واحد بالمسن وبعد السلام يحلى الإستلام .. فيقعد يسب في الأعضاء لين يقول بس .. ويستشهد على كلامه وإنه أطلق واحد ويقول
اسمع باريس انا من شفتك وانا حاس إنك انسان محترم " غصب عنك يالغالي .. موب انت اللي تقيم الناس مسوي الحين داخل علي بمدحة انت ووجهك < اقول على شحم لا تنفخ images11 "
نكمل بس ..
المهم وانا صراحة انصدمت من رسالة في المنتدى جتني تحذرني منك وإنك انسان راعي مشاكل وتمشي وترسل على الأعضاء وتتهاوش بالخاص !!
و و " وقسم بالله مرة من كثر ما سمعت هالكلام تخيلت شكلي مثل شارون اللهم عندي شنب وهو مالطن أبوهـ"
قلت له طيب اسمع : أنا ارسلت عليك شي ؟
قال لا .. قلت طيب ,, متمشكل معك في المنتدى ؟
قال لا لو متمشكل ما اضفتك ,, قلت طيب حلو معناها انت اللي اضفتني موب انا ..
طيب خل السالفة ذي على جنب ..
أقولة طيب الرسالة ذي من من ؟؟
يقولي والله انا ماودي اسبب فتن بين أحد وعشان كذا حرام اني اتكلم واقول اسماء وتصير مشاكل .. ارجوا إنك ما تحرجني ! ..
اووووووووووبتس يالإحرجات
وقسم لو إنه ساكت كان اصرف لكن العينات ذي وقسم بالله من بعد ما تسوي الحركة ذي فيني وتتكلم كذا اصير نفس ما قالوا لي " راعي مشاكل .. ومجرم حرب سابق "
المهم يا أعضائنا الكرام ( يعني كوستشن images11 ) ..
بالله محد استظرف عليكم ومسوي اللي خايف عليك ويقولك الأحداث بدون ذكر أسماءخوفاً من الفتن ؟؟
هل برأيكم اللي يسوي معك كذا ويقولك عن الرسايل صديق صالح أم صديق سوء ؟؟ < احس إني صرت برنامج قديم
هل القصص ذي تخليك تشك باللي مرسل الرسايل وتقعد تستقعد لأبو الشعب ؟ ولا الدعوة فري < احس السؤال ذا مدري وش يبي images11
أيهما أفضل أن يُقال لك عن شي بدون ذكر أسماء أو السكوت بالمرة ولا كأني سمعت شي ؟؟
إذا أرسل لك احد كذا وقالك اللي مرسل لي مأمني ما اقول لأحد وعشاني اقدرك علمتك المضمون بس < هل ذا يصلح ثقة ولا ميدالية سيارة ؟
Written by Paris
$222
المشاركة الأصلية كتبت بواسطة دلوعه نجد
مواقع النشر (المفضلة)