ياطويـل العنـق ... يامـيـزة المـيـزه
ياوسيـع العيـن ... ياظبـي الأطعـاسـي
شـوف عينـك ياغرامـي لهـا مـيـزه
تلهـم الشاعـر بترهيـف ... وأحساسـي
الهـرم ثابـت عـلـى تـلـة الجـيـزه
وأنـت ثابـت فـي خفوقـي ومتـواسـي
مايـهـزك ريــح بقـعـا وتـركـيـزه
لـو يجـي فـوق الملاقـيـف حـراسـي
ماعلى برويز ... من هـرج ... برويـزه
أغتنـم لاهـور... وحـدود مـدراسـي !
والزمـن لـو شـن هجـمـه وتفـزيـزه
وأختلـط حـلـو الليـالـي بالأتعـاسـي
ماعلىّ أخلاف ... وضعـي علـى جيـزه
الزمـن قاسـي ... وأنـا يالغـلا قاسـي
خل عنـك البيـز ... واللـي نقـل بيـزه
أرونـي خـل العطـر يسكـن أنفـاسـي
شـوف حتـى ورد ثـوبـك وتطـريـزه
يثمر ... ويضحك ... ويعلـن بالأفلاسـي
ينشدونـي عــن مقـامـك وتعـزيـزه
وآخذ الموضوع مـن جـد ... وأحتاسـي
من نشدنـي عـن هـواك ... ودهاريـزه
قلت حبـه حـب أبـو دبـاس لدباسـي !
ومن نشدني عـن غيابـك ... وتجهيـزه
قلت له ... لامن حضر يقطـع الياسـي !
ومن نشدنـي عـن وفـاك ... وبراويـزه
قلت له ... وافي ... ورابي ... وقرناسي !
ومن نشدني عـن حـلاك ... ومزاميـزه
قلت أخـذ بيتيـن مـن راسـي الراسـي
ريقها أحلى ... من طعـم تمـرة عنيـزه
والنحـر بــراق ... والـقـد ميـاسـي
غيرها من الخـود ... عنـدى ولا بيـزه
بـس هـي اللـي هواهـا علـى راسـي
مواقع النشر (المفضلة)