السلام عليكم ورحمة الله وبركاته
اتعذر عن اخواني الشعار بسبب عدم ردي على بعض القصائد بسبب سفره كانت لي رديت على معظم القصائد الجديده
العذر لكم جميعاً وخاصتاً الي لم ارد عليهم في قصائدهم
اخواني اقدم بينا ايديكم هذي المتواضعه التي كتبت في انتخبات المجالس البلديه التي حدثت في مدينة الصمان
حيث انخا واستفزع الرجال بحيث يختارون صاحب الامانه الذي يحقق لهم مايسعون اليه
واتمنى رايكم في هذي القصيده
((نخوة فارس مطير لكل المخاليق ))
وقفت اترجم محكمات الطواريـق
وابدع اللحان من صلـب راسـي
وانسق المعنى على الكيف تنسيـق
وعلىبحور الشعر عندي مراسـي
وقبل الامر يحسم لفرز الصناديـق
وقبل الاسامـي تتجـه للكراسـي
انخا الرجال اهل الوجيه المطاليـق
اللي تحذف العقل قبـل الجناسـي
نخوة رجال وللمراجل عشاشيـق
وانتم هل النخوات واهل الحماسي
والحر له فزعات في حزة الضيق
وله وقفةٍ منهـا يطيـر العماسـي
وبالطيب ساس وطيب سكبه وتلفيق
وكل الحمايل فزعتي عز راسـي
والطيب ظلعٍٍ شامخٍٍ كنـه طويـق
ياعزوتي ياكـل ربعـي وناسـي
نخوة فارس مطير لكل المخاليق
تهتز منها الشامخـات الرواسـي
ياأهل الثقه الديـن راس المواثيـق
الله يجنبـكـم دروب الـمـأسـي
والوضع مايحتاج نشـده وتدقييـق
نخـوه لحـرٍٍ بالمهمـات قاسـي
ولاينجحد قولٍٍ له الفعل تصديـق
واللي ظميره حي ماهـو بناسـي
ومع صيحة الجمهور لجه وتصفيق
الرابح اللي جـاب رقـمٍٍٍٍ قياسـي
طالبكم فارس مطير
مواقع النشر (المفضلة)