<== ليس من السبهان
بادئ ذي بدئ احييكم بمناديل معطرة بالريحان.. شاريها من مكتبة العبيكان لأن عندي قصة مايرويها ولا الشرهان
يحكى انه في هذا الزمان ..في حارة ام درمان(كني وصلت السودان)..اللي جنب الشكمان .. في بيت الطرمان .. كان فيه بنت اسمها أشجان ..من ابو وام بدوان .
وقيل أن جدهم السابع يشبه المغني تركان وزوجته لها صوت مثل اسمهان .
أم بطلتنا أشجان سبحت سبحة ماجلان (مثل سبحة لولوة) ....
وتو ام بطلتنا ميته ويروح ابوها يتزوج وحده من بني خيبان ...لكن في ليلة عرسة مات لأن عضه كلب سعران فعاشت أشجان عند مرت ابوها اللي اسمها أفنان
فسكنتها في حجرتون مليئتون بالجرذان ويحودي على راسها قطيع من الذبان وتلبس فستان مقطع من الكتان ويغطي رجليها بقايا حذيان
كانت افنان تكرف الضعيفة اشجان من تنظيف بيت ومصالى البزران وتغصبها تاكل ربيان (الله ينعم به )ولاتخليها تشوف وقت العصريه سنان أو حتى عدنان بس احيانا تشوف لقطات من تن تان
وبينما كانت أفنان تمسح الجدران ... سمعت صوت واحد واجعان رق قلبها عليه ففتحت البيبان ولقت واحد منسدح حدر شجرة الرمان قالت لنفسها :ماطاعون هذا الرجل التعبان ذا انسي ولاجان بوهته كانه كوفي عنان ..
ولما اقتربت منه وجدته عميان وعطشان وعجوزن كحيان وباين عليه طفران فناظرها.. لا صح هو عميان
وقال: اسقيني شي انا ظميان.
وراحت عصرت بردقان في الكيسان وشرب حوالي لتران
وفجأه استصح الرجال المرضان وصار فيه صحه كالبعران وطلع من مخباته صولجان
وقال : يابنت ذيبان انا عمكي فهمان اطلبي اي شي حتى لو تبين محل الفردان
قالت: ياعم فهمان أسمع العلم اللي يجمد على البرقع وأنا بنت البدوان ابي يجيني رجال راكب حصان وابية من الشجعان يشبه يوسف شعبان يومنه في مسلسل وضحى وبن عجلان وطبعا غني وعنده أموال الدون جوان ويستحسن يكون اسمه سلمان
قالها: ابشري من عيوني الثنتان بروح لتس عربيه يجرها جيش قعران عشان الحفله اللي مسويها السلطان سلمان وبلبستس ذهبان من الراس الى القدمان وبزينتس مثل مازينت اسنان انغام واحرصي تناظرين الساعة اذا التقى العقربان لاتمشين مشي الأغنام بل انحاشي نحشة الغزلان
وبدأ الحفل يعج بالحسان عسى وحدتن منهن تظفر بنظرة استحسان من سلمان وتصير الفرحه فرحتان ويخلون زواجهم في قاعة نيارتان
وجائت اشجان يزفها خمس صيصان وتلق من الذهبان وتلبس فستان من الساتان عليه شال مشبوك بفصان يبرقان ويزين اذنيها قرطان طويلان ومكياجها من ايف سان لوران وشعرها تصفيف زكريا ويحيا اللي في لبنان نفس اللي يصلحون اليسا اذا راحت أي مكان
في الحقيقة لفتت بطلتنا نظر سلمان .....واصبحت سعابيلة تمغط من شكلها الفتان هرع اليها وجلسا يتعارفان ثم دعاها للرقص على انغام بشير شنان كم هما لايقان كانهما جوز جوربان مايصلح ابد يفترقان وأخذت عينان اشجان تبحث على الحيطان عن الساعة لتراقب لحظة التقاء العقربان وفجأة
افلتت من يد سلمان وانحاشت وفقدت واحدن من الحذيان الزجاجيان وهي تركض مسرعة قبل ان تقفل البيبان فالتقط سلمان ماسقط من اشجان وقرر البحث في المدينه عن صاحبة هذا الحذاء الشديد اللمعان لتكون له زوجتن في رمضان
فبحث عنها كل قاصن ودان الى ان وصل الى بيت الطرمان فطرق الباب عليهم واحد عوده مليان
قال: انا مبعوث السلطان سلمان جئت اقوس في ذا البيت أي قدمان
قالت افنان: مافيه غيري في بيت الطرمان وفجأة تدخل عليهم اشجان .
قال ابو عود مليان: من ذي هل هي من بيت الطرمان ؟؟؟
قالت البنت خايفه: ايه واسمي اشجان
قال: وين كنتي ؟؟
قالت: في الدكان
قال: تعالي قوسي الحذيان .
ومدت أحد الرجلان وحاول يلبسها ماقاس عليها لو تجيب مشد من محلات السعدان
ثمن دفتها مرت ابوها وقاست فردة الحذيان وقدت على قدميها الصغيرتان فانتصرت في الاخير مرت الابو على أشجان وردت لها الصاع صاعان
وهمن تزوجت أفنان سلمان وخلفو درزنان من العيلان الدرزن الأول سموه شريهان والدرزن الثاني نعمان
الهدف من القصة:
اني حاقدن على مؤلفين القصص من يومنا بزران يحطون نهاية كل قصة سعيدة عشان يصدقونها السبهان (انامنيب منهم أعيد وأكرر ) بس عاد المسلسل الوحيد اللي ماحقدت عليه نهاية رجل شجاع الي مثله أيمن زيدان
تــحــيــاتــي
الـــمـــحـــامـــي
مواقع النشر (المفضلة)