من بنات الرياض إلى بنات الإستراحات !!
امس كتبت موضوع وكان سبب كتابتي بصراحه هو ردة فعل من بعض الناس الي بمجرد انه ربى لحيته وقصر ثوبه ولا مره أنثى وما ادري عاد وش تسوي تطول ثوبه ولا وش تسوي والله ما ادري لكن بمفهومنا اقدر اسميها مطوعه وقاموا يتكلمون في اماكن عامه بأعتبارهم الفقهاء والعلماء في الدين وبزعمهم أنهم مدافعين عن الدين ، وحقيقة انا اراهم عكس ذالك .. ولما تجي تكلمهم او تسألهم فأنت بتلقى احد الأجابات الثلاث اما يبصق على وجهك او يقولك انت مفسد بالأرض او ما يرد عليك هذا إذا كان كلامك مخالف لكلامه ، وإذا مدحته بيرد عليك من باب التورع ... المهم مالكم بالطويله .
فيه موضوع صارلهم يتناقشون فيه اعتقد 40 سنة و للحين يسولفون فيه ، وانا لفت انتباهي الموضوع هذا وما حبيت اكتب عنه بسبب أني مقتنع 100% أننا في 2009 .
الموضوع هو سالفة أن البنات يجتمعن في مكان يسمونه نادي رياضي ويسون رياضه واما فائدة الرياضة فمعروفة واما من الناحية الدينية اتذكر حديث عمر بن الخطاب واما الإشكاليات الي بتصير او السلبيات فقريت قبل كم يوم اقتراح لسلمان العوده أنهم يسوونه في نفس مدارس البنات .
لكن قرأت مقال لكويتبه مطوعه اسمها بدريه العوض بعنوان ( من بنات الرياض إلى بنات الأستراحات ) ويعتبرونها كاتبه ومحرره مشهوره والمقال هذا طبعاً منشور في شبكة نور الأسلام وغيره من المواقع ، وهذي الشبكة مشكلتهم أنهم ما يفرقون بين الغث والسمين . وطبعاً الحين ابحط المقال كامل وبعدها بعلق على بعض النقاط ... وطبعاً انا بالقائمة السوداء عندهم بالشبكة ولا ينشرون لي اي تعليق إلا إذا كان مدح وإطراء فيهم اما نقد او سؤال او استنكار فـ ما راح ينشرونه .
طبعاً تقريباً في مقالها هذا جمعت كل الأسباب الي بالدنيا الي تخليهم يرفضون فكرة النادي الرياضي للبنات ، ووفرت علينا مجهود بصراحة ، وانا ابكتب المقال وابعلق على بعض الجزئيات فيه .
طبعاً هنا مقدمة نسائية بحته جداًُ حتى ما يدري الواحد هذي خاطرة ولا مقال ولا مدح ولا سب .. يعني بإختصار فلسفة فاضية ، كلمتين حافظتهم وما تدري وين تحطهم .خرج الموهوبون من أقماعهم بعد أن التقطت عدسات أعينهم أضواء العولمة متجهين إلى ساحات إثبات أنفسهم أمام العالم بناء على تصوراتهم الفكرية وكيف طالوا شارب الجدارة ولعنوا في ساحاته الجهل الذي غيبهم حقبة من الزمن.
من يوم مسلسل العولمة وهي تسمع بكلمة ( العولمة ) وودها تقولها بس ما تدري وين تحطها فيه
نستقطب وسائل الكترونيه اوكي ، لكن ننافس بالأختراعات فهذي قويه وماتمشي .في الوقت الذي بدأنا نستقطب فيه عدد من الوسائل الالكترونية والمنافسة على الاختراعات وأصبحت أخبار البيت الأبيض قبل أن يصرح ماذا سوف يجرى غداً تصل إلى أسماعنا الليلة .
وسالفة البيت الأبيض بعد قويه وابمشيها .
طيب نلاحظ الانجازات الي كتبتها هنا :من الرياض التي لا يخفى على العالم أنها عاصمة المملكة العربية السعودية الدولة التي تطبق الشريعة والدولة الوحيدة التي لا يسمح للمرأة بقياده السيارة في الوقت الذي يسمح لها أن تصبح نائب وزير التربية والتعليم , وعضوا في جميع الجمعيات الداخلية والخارجية.و شاعرة على مستوى المملكة تمثل بلدها وهي متمسكة بحجابها .
1- لا يسمح للمرأة بالقيادة .
2- تصبح نائبة لوزير التعليم ( على فكرة بنفس الموقع كانوا مسوين حملة على هذي النائبة ويقولون انه حرام تشتغل ) .... المهم نركز على سالفة نائبه لأني ابرجعلها بعد شوي .
3- عضو بالجمعيات ( حقيقة مابي اضلمها لأني ما ادري اي جمعيات تقصد ، إلا أن كانها تقصد الجمعيات الي يسوونها المدرسات بالراتب وتدوير الفلوس يمكن تكون منطقيه )
4- شاعره راحت لشاعر المليون وهي متغشيه .
5- طبيبة تحاضر في دول اجنبية ( وبنفس الموقع مسوين حملة ضد الوفد النسائي الي بيروح لتونس بدعوى أن تونس بلد فاسد )وطبيبه تحاضر أمام الملايين في دول أجنبية تنقل خبرتها الطبيبة من مستشفيات المملكة إلى الخارج وإعلاميه جمعت أفكارها حتى أسست قناة فضائية ومواقع إلكترونية تديرها بأسلوب وفكر ناضج وواعد وتواجدت في كثير من الدوائر الحكومية والقطاعات الخاصة .
6- إعلامية ( وايضاً بنفس الموقع مسوين حملة ضد الاعلاميات بعد سالفة الشيوخ الي جمعوا تواقيع اعتراض على الإعلاميات وارسلوها لوزير الإعلام )
7- تواجدت في كثير من الدوائر الحكومية ( يالله على الإنجاز هذا ، بصراحه حرام بعد هذا الإنجاز يعتبروننا من دول العالم الثالث !! )
يخرج لنا بين الفينة والأخرى من فهموا الحرية فهما خاطئا حملوا في حقائبهم مخلفات العالم وادعوا أنهم منفتحون بأدمغتهم انفتاحاً لا يتناسب مع كل حضارة ولا حتى أي معلم تاريخي في السعودية التي لم تدعم مواهبهم الفذة فخرجت لنا رواية قبل أعوام حملت عنوان أحدثت ضجة لجميع الفضوليين ومعرفة ما تكنه تلك المرأة التي تحت الحجاب الأسود وللأسف فقد كان الاسم على غير مسمى .
هنا تسولف عن شي .. بس ما فهمتها عن ايش تتكلم .
هنا بدأت تلمح انها تقصد سالفة القضية الأزلية أن البنات يسون رياضه ولا لا .واليوم تخرج لنا مجموعه ابتكرت لنفسها مسميات حتى تنافس الرجل ولكن هذه المرة بشكل ركلات ترجيحية وضربات جزاء وشوط إضافي ولاعبة وسط، نوادي تحمل مسميات القوة والتحدي أسست نفسها من العدم وانطلقت من الاستراحة.
هنا تقصد بالطبيعه الفسيلوجية الدوره الشهيره حقت الحريم وانهم يمكن يحتاجون احتطياط اكثر من ثلاثة لو لعبوا مبارة كرة قدم .وبغض النظر عن طبيعتها الفسيولوجية وكيف تتناسب مع هذه اللعبة أو لا تتناسب كونها امرأة الذي ربما يزيد عدد الفريق في حال تغيب ثلاث لاعبات عن العدد الذي عهدنا في النوادي الرجالية لأسباب خاصة لا أعلم هل سوف تذكر لوسائل الإعلام سبب تغيبها عن المباراة أم أن الأمر محرج ويلامس ما تبقى من الحياء
بالنسبة للنقطة هذي طبعاً اولاً الرجال ما يحطون ثلاثة احتياط يحطون سته اعتقد او سبعه ، لكن المسموح تغييرهم ثلاثه .. يعني ببساطه يا كويتبه لحل هذي المشكلة يلعبون الأساسيات من الي ما عندهن دوره .
واما النقطة المهمة وهو سؤال اوجه لها ، هل الي سون انجازات وعددتهن في اول الموضوع ما عندهن هذي الظروف الفسيولوجية ، واقصد الشاعره ونائبة الوزير وحقات الجمعيات !!
اولاً هنا نلاحظ العنصرية ، تتكلم عن السعوديين والسعوديات ، وهي رافض انهم يمثلون السعودية وليتها اخذتها على المسلمين ورفضتها من مبدأ اسلامي وليس عنصري !!لا يزال الشارع السعودي يرفض ما ظهرت به أفكار هؤلاء المراهقات قبل الفتوى التي صدرت من مفتي عام المملكة والتي كانت بإيقاف هذه الأندية المزعومة كون أنها تحمل اسم بلاد الحرمين.
أمر كهذا لا يشرف على الإطلاق كل سعودي أو سعودية وبهذا فهن لا يمثلن المملكة ولا يمتن لها بصلة بل من العار أن تحمل هي ومثيلاتها العلم السعودي وتتطاول به في المدرجات أو حتى في الاستراحة التي أسستهم .
والنقطة الثانية تقول أن الشارع السعودي والناس يرفضون هذا الشي ، وانا اقول انها تعقب لأني انا من ضمن الشارع ولا ارفض ، وفيه كثيرين ما يرفضون ، فمدري كيف تتكلم وتحاول توهم الي يقرالها أن الناس كلهم رافضين !!
ما راح نتقدم ولا خطور إذا بكل مشروع ولا شي جديد بنسويه يقولون أننا مستهدفين .لا أحد ينكر أن المرأة المسلمة مستهدفة وأن تداعيات الغرب حول هذه الجوهرة
ولا حظ معي كلمة الترفيع المشهوره ( الجوهره ) اي جوهره الله يجزاك خير ، والله الناس بطلوها الحركات هذي ، يعني هي الحين تحسب انها بترضي البنات وبتسكتهم يوم تقول ( الجوهره ) !!
ماني متابع للأعلامهم الغربي بصراحه .. وما اكذب واقولك انا متابع اول بأول واعرف سبقهم الصحفي وكل شي على اساس احكم على كلامك .. بس عموماً مو قضيتنا يسولفون ولا ما يسولفون ، المفروض حنا نشتغل بدون ما ننظر وش بيقلون وش بيعملون .انصبت في تعريفاتهم المخلدة بالاضطهاد والتعذيب ومراقبة كل ما هو جديد على الساحات السعودية حيث أشغلت المرأة السعودية في الإعلام الغربي انتباههم فالكل يرتقب كل هفوة أو زلة أو نجاح حتى يكون الأول في السبق الصحفي وكل ما كان الخبر مثقل بعيار العادات والتقاليد المستمدة من كتاب الله وسنة نبيه كان الخبر أكثر ربحاً ورواجاً بعد أن طرح هذه الخبر وأصبح في الصف المحايد الذي جعل يتحدث عن القضية فقط حتى ينال مكاسبه.
فيه حاجة وحده بحياتي ودي افهمها بس ...والهدف لا يغيب عن ذهن واعٍ وهو نزع الحياء والحجاب.
وش بيستفيد اوباما إذا كشفتي وجهك انتي ولا غيرك من الجواهر الي تقولينها !!
يعني الحين ابفهم انا من الي قاعد يتكلم عن الحجاب !!
الأئمة اول اختلفوا فيه !
العلماء الحين اختلفوا فيه !
الناس هنا قالوا رأئيهم فيه !
فتركت كل الناس هذي وراحت تقولي الغرب هم الي يسوون ويفعلون ؟؟!!
معقـــوله .. قسم !فاصلة:
ليس كل ما يلمع ذهباً.
طبعاً هذا المقال ، وانا كنت اتمنى اني اعلق عليها وتشوف تعليقي لكنهم يرفضون نشر اي تعليق لي .
الآن لو نلاحظ الشيخة هذي ما ركزت على الجانب الديني والرأي الشرعي في هذي المسألة ..
هي وللأسف ركزت على أن كل الناس رافضين + الدورة حقت الحريم + العنصريه وانهن سعوديات فماله داعي يسوون رياضه وما فيه إشكالية تفطس الوحده من كبر الكرش عادي بس اهم شي سعوديه وماله داعي تلبس بنطلون !!
وبكل الحالتين ما عندها سالفه .
على فكره فيه حركة وصخه جداً في عنوان موضوعها من بنات الرياض إلى بنات الإستراحه ، وهي تقصد من بنات الرياض إلى بنات جدة !!
يعني تشبه بنات جدة بأنهن بنات استراحات .. وانا والله لو ماعشت بالرياض فترة من العمر كان قلت هذي تسولف عن يثرب مهو الرياض .
بس حقيقة ، عيب والله مطوعه وشخصية تتكلم بأسم الدين وتقول مثل الكلام هذا !!
وانا والله افكر بشكل جدي أني اراسل مجلس الشورى يدرسون ويعيدون النظر في مسألة أن الحريم يكتبن مقالات لا في الجرايد ولا غيره ، لأن الأغلبية منهن ( دبش )
عموماً ...
نبي رائيكم انتم يالشارع السعودي بأن يجتمعن بنات في مكان ويسون رياضه ؟
طبعاً رائيكم من حيث المبدأ ، وليس من الناحية الشرعية لأن الناحية الشرعية هنا اعتقد انها على حسب إذا كانت المفاسد غلبت المنافع فهي ممنوعه وإذا المنافع غلبت المفاسد فهي جائزة .. وامور آخرى ، والي ابشوف رائيكم هل المفاسد بتغلب المنافع ام العكس ؟
"
مواقع النشر (المفضلة)