[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يـا عاشقيـن الشعـر اللـيـل بــي طــال=وأنـــا قـصـيــدي لا دعــانــي أجـيـبــه
وانا بوصـف بالشعـر بعـض الاحـوال=والـشـعـر يـهـوانــي ونــــا معتـنـيـبـه
منـي القوافـي تشـبـه السـيـل لاســال=وديـانـهـا صـــدري وفـكــري شعـيـبـه
القهرمان يقول فـي بــدع الامـثـال=أمـثـال مـاهــي عالنـشـامـى غـريـبـه
مــا كــل مايـطـرآ عـلـى الـبـال ينـقـال=ومــا كــل مــا يـهـوى هـوانـا نجـيـبـه
وماكل مـن يركـب علـى الخيـل خيـال=ومـا كـل مـن يرمـي المعـادي يصيبـه
ساعات نشكي من ردى الحظ والحال=و ساعات نضحك و المواقف صعيبـه
بعـض المصايـب تجعـل الـغـر رجــال=وبعض الشكاوي تنقص الرجل هيبـه
هذي البشر شتى على ألوان واشكال=حــتــى طبـايـعـهـم غـريـبــه عـجـيـبـه
والبعـض منهـم جسمـه أتقـول تمثـال=وملامحه تخفي امور" مـريـبـه
والبعـض رايـق هـادي الفكـر والبـال=مـالـك مــن كـنـوز القنـاعـه نصـيـبـه
والبعـض يملـى خزنـة المـال بالـمـال=مـالـه حبـايـب غـيـر نفـسـه وجبـيـبـه
والبعض شامخ لارسى رسيـت جبـال=ماهـزتـه ريــح الـظــروف العصـيـبـه
والبعـض همـه رقصـه وشيـل مــوال=خـايــب فـعـايـل زاده الـوقــت خـيـبــه
والبعـض وافـي طيـب أقـوال وأفـعـال=لــــو زاد هــمــه زاده الــهــم طـيـبــه
والبعـض يفخـر ينسـب الجـد والـخـال=والمـشـكـلـه دايــــم فـعـولــه تـعـيـبـه
والبعـض يبـرك للحمـل بـركـة جـمـال=مـاحـســب دروبــــه بـعـيــده قـريــبــه
ولصاحب أوقف وقفت إكرام وإجـلال=وإلـيـا حكـابـك صـاحـبـك وش تبـيـبـه
دام الـرخـا يجـمـع مطـالـيـق وأنـــذال=ولا الـشـدايـد ويـــن مــــن تعـتـزيـبـه
إلـزم كـريـم(ن) خـوتـه خــوة أرجــال=لـو كـان تدفـع فــي وصـالـه ضريـبـه
واليـا طرينـا الـحـب قلـبـي لـهـا مــال=اللـي خــذت عقلي وروحــي غصيـبـة
هذيك بنـت(ن) مـا بعـد لبسـت الشـال=صغـيـرة(ن) فــي الـسـن لـكـن لبيـبـه
مطنوخة(ن) تامـر علـى شلـة اعيـال=أوصـافـهــا مـابـيــن لــبــوه وذيــبـــه
الله عطـاه الحسـن مـن بيـن الاجـيـال=مــن شفـتـهـا والـحــزن زود حـريـبـه
اطلـق سراحـي ياحـزن فـك الاغــلال=يـكـفـي حـيـاتـي كـــل ابـوهــا كـئـيـبـه
طعنتـنـي من دون ما حـرب وقتـــال=غلبـتـنـي يـــا شـرهــا مــــن غـلـيـبـه
أما أنفني لو كـان فـي وسـط الادغـال=أواجـــه انـيــاب الـسـبــاع المـهـيـبـه
ولا ارمني في بحـر لأمواجـه اضـلال=ولا أنسـنـي وســط الـرمــال الكثـيـبـه
أرحم لـي أحيـآ فـي متاهـات وإهمـال=ولا قصـور الـحـزن لــو هــي رحيـبـه
فالبـر زلـزال(ن) وفـي البحـر زلــزال=وبـصـدورنـا بـركــان مـاكـثـر لهـيـبـه
بـسـبـة الـكـفـار يـــا شـيــن الاقـــوال=وبافعالـهـم زادو المصـايـب مصـيـبـه
ســبــوا رســــول الله كــفــار جــهــال=يالعـنـبـو الـبـابـا عـلــى بـــو صلـيـبـه
الـغـرب قطعـنـا كـمــا قـطــع لأحـبــال=وحـنــا عـجـزنـا مـــا نـقـاطـع حلـيـبـه
يـــارب عـذبـهـم عـلــى كـــل مـنــوال=وأهـــزم سـرايـاهــم كـتـيـبـه كـتـيـبـه
وصــلاة ربــي عالنـبـي طـيـب الـفــال=مـــازاروا الـحـجـاج مــكــه وطـيـبــه[/poem]
مواقع النشر (المفضلة)