كلمات مسروقه من دفتر طفل

[شـ ـ ـ ــ ـ ـ ـذى ـآ]

[align=center]
هذه كلمات مسروقه من دفتر طفل كتبها بعامية اللغه..ودهشة السؤال؟؟.!


السبــــت:

فتحت عيوني..أدور عن نور..أمروني ;غمض ..و...غمضت..بعدها ما

شفت لا ابيض ولا اسود !





الأحــــد:


كنت أسمعهم يقولون ;يا حمـار ;يا حيوان ;يا

ثور ;يا بقرة ;يا لوح ;يا جدار

فتوقعت اني في حديقة حيوانات..فتحت عيوني ابغى اشوف

هـ(الحيوانات)..قالوا لي:"ما يصلح تشوف قلة أدب"..

سألتهم:طيب..في عصفور؟؟



صرخوا في وجهي ;انطم وغمض ;..!!





الاثنيــــن:

سمحوا لي اشوف التلفزيون..كنت لحالي منسجم مع أفلام كرتون..دخلت

امي..وكان ابو عائلة ادمز(يبوس) أمهم..ركضت امي ..غيرت القناة..

وصرخت بأعلى صوتها.."عيب عليك..قاعد تشوف قلة أدب..!!"

ناظرتها بكل براءه وانا متعجب من اللي صار:"طيب وش صار؟؟أبوهم

يبوس أمهم!.."

قالت لي وهي معصبه مرررررره(التبويس..قلة حياء!!)





بعدها بأسبوع..شفت امي تسلم على ام الجيران و(تبوووووسها)..قلت لها

وانا كلي أسى"يا ماما..التبويس قلة حياء!!.."








الثلاثـــاء:

كانوا بنات خالتي عندنا..وكنت الولد الوحيد اللي يلعب معهم..وأبوي بس

يبحلق عيونه فيني وين ما رحت ووين ما جيت..

بعد ما راحوا..ناداني أبوي وقال:"عيب الواحد يجلس مع بنات..قلة أدب..!"





بعدها بكم يوم..كان أبوي جالس مع عماتي..ناظرته بطرف عين(وتبون

الصدق حقدت عليه)..

وقلت له:"اللي يجلس مع بنات..قليل أدب!!"







الأربعــــاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي

ومجرم)..

سألتهم:كيف؟؟!!..قالوا:"حرامي ومجرم..وبس..واسكت..!"





وكنت أسمعهم بعد يقولون (جيم كاري..فاسد)..فكرهته على طول..وكانوا

يشوفون أفلامه..ويضحكووون..

كنت أسألهم"ليه تضحكون؟!..ما تقولون انه فاسد"...قالوا..ورا ما تنطم

بس.!؟؟




الخميــــس:


أبوي يقول;االتدخين;حرام.. واللي يدخن يدخل النار..وفي يوم شفت ابوي

جالس مع صديقه أبو حمد..وأبو حمد ماسك السيجاره بيده..

وقفت وسألت ابوي""طيب اللي يجلس مع اللي يدخنون..يدخل النار

بعد؟!!!"





الجمعــــة:


أسمعهم يقولون..ان اللي يطول في مكالمته يغازل..واللي يروح للسوق

يغازل..واللي يعرف انترنت يغازل...

وامي تطول على التلفون,,وتروح للسوق,,وتطقطق على الكمبيوتر..

رحت لأبوي وانا مصدووووم::"أبوووووي الحق..



أمي تغازل!!!!



:



للاسف هذي صور من المجتمع ..












لكن سؤالي ...


لماذا لانوضح للطفل المقصد الأساسي من هذا المنع أو من كلمة (عيب) ؟!

حتى لا يعمم كل مايراه ويُطبّق عليه هذا الوصف ..

كمافي الصور السابقه !!


بالطبع هم لم يقصدوا ماقصده الطفل ولكن لأنهم لم يوضحوا له

ويفهموه لماذا عيب ولماذا حرام

راح ينظر لكل تصرف من زاوية مافهمه هو !



فما الفائده اذاً من التربيه إذا لم نوضح هدفنا الأساس لأطفالنا ؟!ام/ن[/align]

[أسـرآر الـغـلآ]

موضوع وربي ورووعه
وبصراحه شذاوي وربي صحيح
اغلب الاهل لما يشوفو الطفل يتكلم او يشاهد شي
او يسوي شي يلعنون خيره من غير مايفهمونه
هو هنا يجيه فضوول اكثر ويتمسك بالشي الممنوع عنه اكثر اذا مافهمناه
ليش عيب وليش حرام

انا مثلا علمت عيالي ان الاغاني حرام سالوني ليش
قلت لهم اللي يسمع الاغاني يكون مع الشيطان في النار
هم الحين خلاص مشو على هالقاعدهـ
واشياء كثيره لازم قبل ما نتهجم على الطفل لازم نفهمه قبل وش
السبب من المنع
والله العظيم اشوف اطفال يتكلمون بكلام استحي اقوله
وانا عارفه انهم مايعرفون اساسا وش معنى هالكلام في نظرهم مجرد
كلمة سب او تغيض اللي قدامه

عموما الكلام من هالجانب يطووول
والله يهدي الاطفال ويهدي الاهل بعد
الف شكر لج شذاوي على روعة الموضوع عجبني كثيير بصراحه
وواقعي جدا جدا

دمتِ بكل محبه 0

[alzen57184]

فعلا شذى

كلام منطقي

لازم يعرف السبب من الامر والنهي ويلاقي تبرير

لتصرفاتنا

التربية مسؤولية غير سهلة

الله يكون في عون الجميع

شكرا لك شذى

[ملكة الذوق]

::

لازم الطفل يفهم بطريقه مقنعه وشو الغلط وشو الصح ..

من غير تعقيد ولا ترهيب..

بل إلى الترغيب..

اطفال اصبحو معقدين من هذي الطريقه المبهمه..

الطفل محدود الخبره فمن الممكن انه يجلب خبرات من الخارج وبطريقه غلط..

ويستخدمها بطريقه غلط..

عشان كذا لازم يحيو الطفل معرفه صحيحه عشان يقدر يواجهه كل التدخلات الخارجيه..

::

موضوع جميل شذى..

::

[شـ ـ ـ ــ ـ ـ ـذى ـآ]

[align=center]اسرار

زمن الصمت

ملكة الذوق

شكرا من القلب على مروركم وتعقيبكم الرائع

حقا الاطفال نحن من نظلم تفكيرهم دائما وندخلهم في زوبعه ماذا ولماذا..؟

ليكن كل منا هدف في كل طفل لدينا لاننا سنجد فيه طفل يمتلك

الكثير من الاشيئا التي تختفي في دواخله

فغالبا الحوار الهادف مع طفل يبلغ من العمر 4 /5 سنوات

سينتج لنا عقليه رائعه

دمتوا بخير $222[/align]