السلام عليكم ورحمة الله وبركاته
كيفكم ؟؟
الفضاوة يا ناس الفضاوة هي السبب إني مقدر اترك الدخان
قبل 3 اسابيع كنت ادخن .. ومن بعدها وانا لا أدخن
وش فرقت حياتي ؟!!
انا اقولكم ..
قبل 5 سنوات طحت في التدخين .. وابتلشت صراحة ,, في مقدر اسلم على احد لما ادخن .. لو كان ما يدخن طبعاً ..
صرت شبه منعزل .. نحفت نحفت لين قلت بس .. وما قصرت اسرار الغلا ارسلت لي وصفة تسمين
لكن المشكلة اللي يدخن تنسد نفسة عن الأكل ..
يعني ما استفدت شي من الوصفة
قلت اقول انا ورا ما اترك الدخان ..
وش الحل طيب عشان اتركة ؟؟
بحثت في قوقل
لقيت مكتوب جزر
طماط < ما احبة الله يديم النعمه
وما خلوا شي ما كتبوهـ ..
المهم مرة كنت قايم الساعه 2 الليل .. رحت لكودو واكلت وجبة
بعد الفجر افطرت في بوفية .. بعد ما حسيت بالجوع
الساعه 8 الصبح حسيت ان بطني بيتقطع من الجوع
ورحت بوفية تسالي يبيع همبرجر.. مع الصبح وقسم كنت جوعان
يوم اكلتها طلعت زقارة بدخن واطالعها بنص عين واحذفها واحذف البكت
ورجعت البيت ونمت ..
وقمت واخذت لي دلة قهوة وقعدت اتابع فلم محملة على الكمبيوتر ..
وما طلعت 3 ايام .. اشغلت نفسي في المواقع والدعم الفني ضغطت على نفسي .. ابي انسى الدخان ..
وبعدها قابلت واحد وقلت عطني زقارة عطاني امداني دخنت بغيت اموت من طعمها
وحذفتها ورجعت للبيت ..
وقلت توبة مانيب طالع ..
حالياً بعد ما تركته .. صرت اكل عادي ..
صرت اجلس مع الضيوف لو جو وما اقوم لين يروحون ..
صرت امشي واسلم على الناس عادي واسولف ..
إذا جيت للبيت ما اطلع البكت والولاعه وادسها < مابي اخوي الصغير يطيح فيه : ( ..
قسم بالله الحين صرت فلة والله
لكن السؤال اللي يطرح نفسة .. ليش تركت الدخان ؟
هل عشانه يحرق الأكل ويخليني اجوع ؟
او عشاني صملت على تركه وتركته ؟!
طيب انا في بالي فكرة حالياً للمدخنين ..
وش رايكم نسوي مسابقة هنا اثنين يتحدون بعض أطول فترة ما يدخن فيها ؟!!
وعليها وسام ونقاط وعلك عشان ما يدخن ؟
< بيروح ينام بعد الحرمان اللي جاهـ في السكرتارية
المشاركة الأصلية كتبت بواسطة وحيدة بأحزاني
مواقع النشر (المفضلة)