[align=center]مرحبـآإ ..
/
\
/[/align]
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كذّبت كل الظنـون و عشـت تزويـرك = وإخترت أكون الضحيه بزود تقصيـري
ألغيت فكري و عشـت بوسـط تفكيـرك = (إنت أصدق إنسان) هذا كان تصويـري
يوم ٍ طالـت علـى دربـي مشاويـرك = رحت أتبعك .. ليـن ملتنـي مشاويـري
من شفت زولك و أنا محروم من خيـرك = حتى العمـر قـام مـا يقبـل معاذيـري
ما كنت عايش علـى رجـوى معاذيـرك =كنت أحلـم إن الغـرام يفـوق تعبيـري
مليـت أسمـع خرافاتـك و أساطيـرك = إليا متـى و إنـت تتلـذذ بتكسيـري .. !!
لا جيت أبشره عليك إن شفت تقصيـرك = كني إرتكبـت الحـرام و حـل تكفيـري
من يوم حبك و أنا أجمع لـك نواويـرك = شف وش كثر ماتت بظلمـك نواويـري
هذا إنت .. قاسي .. أناني .. في تعابيرك = و أنا أرتضي منك لو طوّلـت تعزيـري
فرقاك طالت .. و لا أدري وش مقاديرك = و بكل صراحه .. أحسه هـان تقديـري
ما هي غريبه تغيب و ما معـي غيـرك = بس الغريبه تعيش و مـا معـك غيـري[/poem]
[align=center]/
\
/[/align]
[align=center]وسسلآمتكم ..
لـ شآعرهآ / مشآري الشليمي[/align]
مواقع النشر (المفضلة)