فـــــي ضيـــافة عضــــو,,

**أًصِدْقٌ اٍحِسًآسُ∫●•** · 19-06-2009, 11:34 PM

وفيت وخانتني..

علمته يشيل السيف ويسله في وجيه اغراب
واول ماقوى شيله رفع سيفه وتحداني

علمتـه الرمـايـه زيــن ولايتـعـب ولايـرتـاب..
واول مـاقـوت يـمـنـاه صـوبـنـي ورمـانــي

علمتـه نظـم الشعـر ولا يـركـض ورى الالـقـاب
واول ماكـتـب بيتـيـن كـتـب عـنـي وهجـانـي

علمتـه يعـاف الغـدر ويوفـي بـوعـده الاحـبـاب
واول مافـهـم قـصـدي راح بـعـيـد وخـلانــي

جدا رائعه هالقصيده..

الله يعافيك يارب..وذائقتك جدا عذبه..

والشكر موصول لك على قبول الدعوهـ..

ربي يسعدك..

ولاهنت

$222

**أًصِدْقٌ اٍحِسًآسُ∫●•** · 20-06-2009, 02:22 AM

الحـوراء بنت نجد..

أقل مايمكن ان أفعله لأحب الأقسـام على

قلبي..وهذا من واجبي..فلا شكر على واجب

عزيزتي..

معذووره يالغالية..وسعدت بحضورك الراقي..

سلام والمبدأ على الزين بالحد
نجماً ليامن شع غيره تجلا

يـاثـابــت الـسـيـسـان بـالــعــز والـمــجــد
يـامــوقــع ٍ بــيـــن الـمــواقــع تــعـــلا

مــن جــاه يـشـكـي لـوعــة الـبـيـن والـوجــد
عــــود بـلــوعــات الــزمـــان يـتــســلا

أشـــم ريـــح الـمـســك ويـشـدنــي شــــد
للخـاطـرالـلـي لــــه زمـــــن مـاأسـفـهــلا

يـشـرب قــراح الـلــي وصـــل جـمــة الـعــد
مــثــل الـعـســل صــافــي وزلال مــحـــلا

مـثـل الـبـحـر جـــزره يـلاطــم بـــه الـمــد
وش يــجــذب الــلــي مـنـجــم مـاأســتــدلا

غــبــة بـحـرفـيـهـا مـــــن الــدروأزيـــد
يـاجـوهــره فـيــهــا عـيــونــي تــمـــلا

وهــذا محـلـي مـنـتـدى الـزيــن مـــن جـــد
إن كـــان لـــي بـيــن الـشـواهــق مــحــلا

ســـلام والـمـبـدأ عــلــى الــزيــن بـالـحــد
الزين باهله لجوه رحب وهلا

الله عليك..ابيات جدا رائعه..صح السانك

يالغاليه..

غاليتي الحــوراء بنت نجد..

أمتعتينا جدا بما نثرته هنا من أروع القصائد..

الشكر لكِ عزيزيتي على طيب مشاركتكِ

العذبه..

معذووره يالغالية..ولاهنتِ

ربي يسعدكِ

أعذب التحايا لطيب قلبكِ..

$222

**غـالـي الأثمـان** · 04-07-2009, 10:52 AM

أصدق إحساس

موضوع مُتميّز أشكرك ِ عليه .. ولكِ جزيل الشكر على الدعوة

1- ماهـي عـلاقتكـ بالشــعر؟!!

الشعر هو متنفسي هو الشي الوحيد اللي من خلاله استطيع ان اترجم مشاعري وأحساسي .

2-مـن هـو شــاعركـ المفضــــل ؟!!
دايم السيف ؛ حامد زيد ؛ سالم سيار ؛ سعد علوش ؛ محمد جار الله ؛ وغيرهم .

3- اعضاء فـي الزين تثق في ذائقتهمـ الشعـريه ؟!!

صراحه ماشاء الله معظم اعضاء الزين مُميزين في الشعر ولهم ذائقه شعرية راقيه

4- بيـت شعـر تهــديه لعضــــو؟!!

اعذريني ما عندي ..
5- بيت شعــر يحـــضركـ دائمــــاً ؟!!

يا جروح العمر وينه ودي اني اهتيني بــه
ودي اروي هـ الخفوق وبعدها هاتي المنيه

6- قصيــده تعدهــا مـن اروع القصـائد ؟!!

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظروفنا للوقت لكن ما فهم للشرح
صبرنا والصبر جمره ورا الاضلاع كاوينا

ترى وجه المتيم لو تبسم لا تحسبه مرح
أمانيه اتهاوى من عيونه مثل أمانينا

بنى من ذكرياته في محيط العاطفه كم صرح
لكن هاج المحيط وما لقى له ساحل ومينا

يا ناس العيد ما له لون ولا له طعم ولا له فرح
واذا قلتوا وش الأسباب قلت الله يعافينا

نلوم الوقت والقصه ما تبغي جمع والا طرح
لأن العيب..من ربي خلقنا ساكن فينا

7- هـل لكـ محـاولات فــي كتابه الشعـر ؟!!

ما أسميها محاولات أكثر ما أسميها مجرد خربشات بسيطه

8- لكـ مساحه بـلا حـدودوحـريه بلا قيود

امتعنا بقصيده على ذوقكـ؟!!

لو تعرف الخطايا كيف كنت محروم
كان سود الليالي يوم طحت سمحت

لو هموم المفارق مثل كل الهموم
ماتشوفون عيني بالدموع سبحت

ولو تحن المشاكل عقب حب الخشوم
كان حبيت خشم المشكله واستحت

بين صدة عزيز وكبرياء مهزوم
عين شحت على وعين ٍ استسمحت

بس مالله خلقني من بكاي معصوم
وادري انه المحاجر لو تفيض افضحت

والله اني على جرحي صبور وكتوم
لكن ان الدموع ان روحت روحت

اعذلتني ظروفي وانهكتني عزوم
والوجيه احزنت لي والقلوب افرحت

اشهد ان الليالي ماتعرف السلوم
قلب جافي لقاه ووجه صافي بحت

راهنتني تبلل بالدموع الكموم
ويشهد الله عليها راهنت واربحت

احرمت نور عيني من غلا ريم قوم
بذرةٍ وارتوتني واثمرت واطرحت

جادلٍ دوم ماهي مثلها كل يوم
استضاحت غموض وبالغموض اوضحت

دورت بين قلبي والهدب درب نوم
وامرحت وين مدري المهم امرحت

تنحت اسمي بقلبٍ جيت فيه معزوم
واسمها بين جلدي والعظام انحت

مثل جفني لعيني بالنعاس محكوم
كل مانمت نامت كل ماصحى صحت

ماتعارض كلامي غير عند اللزوم
بس لا قمت اسولف واندمجت سرحت

دايم ازعل عليها بس قلبي رحوم
وهي تموت بعذابي من تحت لي تحت

مثل وجه العلاقه في ثياب الخصوم
ان تطيبت طابت وان جرحت اجرحت

خصها الله بوصفٍ من خيال معدوم
لا اذان اسمعتبه ولاعيون المحت

كن ربي خلقها من بياض الغيوم
ومن كفوف السحابه بالورد القحت

عن سواها فرقها بالقمر والنجوم
وكل عذرى تباها بالجمال انزحت

بالحلا هي كوم وباقي الناس كوم
كفتٍ عادلوها بالبشر وارجحت

حسبي الله على اللي مابغاها تدوم
من بعد كيف كانت شوف كيف اصبحت

لاتحقق وصال ولا فراق محتوم
خطةٍ قربتني للفشل وانجحت

لعنة العشق تبقى مثل ضرب السهوم
لو محى الوقت جرحه صورته ما انمحت

كيف ابنسى وانا اللي من جفاف لسموم
ماحشمت العيون ولا الدموع فلحت

كانها بالحميا كل ربعي قروم
لو يلدون لاصعاب الظروف صلحت

اجزم ان كنت ياقلبي شجاع وجزوم
لد لعيون بنتٍ لا التفت الفحت

ماتهين البخيل الا يدين الخدوم
دام كف الخطايا بالجفا لوحت

نطح الباس باس ونطح اللوم لوم
وان تهدت تهد وصيح ان صيحت

ياتعيش بمعزه ياتموت محشوم
ودك ان الليالي لافعلت امدحت

عمر ضعف الاراده مايسر الرخوم
ضربت السيف لوبيدين الشجاع ذبحت

وللمرة الثانية أشكركِ ـ أصدق إحساس ـ

**أًصِدْقٌ اٍحِسًآسُ∫●•** · 16-07-2009, 02:40 PM

هلابك..غالي الاثمان..

الشكر لك على تلبيتك الدعوه..

وأنت من الاعضاء اللي أثبت وجودك بهالقسم..ولك ذائقه شعريه جدا جميله..