[rplayer]http://www.5h5h.com/sond/as332832.ra[/rplayer]
[poem=font="Tahoma,5,white,normal,normal" bkcolor="darkred" bkimage="" border="double,4,darkred" type=1 line=1 align=center use=sp num="0,black""]
الله من همن تعب منه البال=همن مرافقني وكنه ظنيني
لا رحت جاني هم وان جيت مازال=همي معي يتبع خطاي ويجيني
اروح وارجع والصدر شايل احمال=واضحك وأخفي دمعتي وسط عيني
احيان اقول الموت هو رحمة الحال=ياموت خذ روحي وباقي سنيني
واستغفرالله عن بعض شين الأقوال=واتعوذ الشيطان عن كل شيني
يانعمة النسيان والحزن بي طال=متى على الله ناوية انك تجيني..؟؟
ياشينها لامن شكى الوقت رجال=وياصعبها لامن فقدت العويني
وياشينها لاطبت في شخص محتال=ظنة يغشك وانت رجلن فطيني
ومدامني حين وطال العمر طال=يحرم علي درب الردى ياظنيني
بسكت ودمعي من على وجتني سال=والعبره اللي خانقه تحتويني
يالله عليك اليوم ياعارف الحال=تفرج لهمن وسط قلبي دفيني[/poem]
بندر العتيبي
مواقع النشر (المفضلة)