زوجات رومانسيات وأزواج دلوخ
هذا الموضوع رد على موضوع الاخ حيران
خلوها تعنس
بالله شلون نكون رومنسيات
واحنا ما نشوف قدامنا الا شهبان لهبان
ما يعرف من الرومنسيه الا اسمها وثلاث اربعاهم ما يفهمون وش معناها
اقروا معي هالكلام واحكموا بأنفسكم
هذي وحدة تقول مره وصلني زوجي للمدرسه اللي كنت معلمه فيها الصباح قلت له وانا
> نازله راح اشتاق لك ياحبي.... قال انزلي انزلي لا تروح عليك الحصه الاولى ..
> آآآآآآه بغيت اصفعه بالمسطره
>
>
> وحده ثانيه تقول:
> زوجي موراعي هدايا ابد قلت ابشتري هدية جوال اللي يستخدمة قديم المهم غلفته
> وكاتبة في كرت شعر وكلالالالالالالالام حلو وعطيتة الهدية وكنت بجنبة المهم
> فكه بشراسة وجهه فيه علامات استغراب وتعجب وانا مبتسمة طالع وناضرقال لمين هذا
> قلت لك حبيبي قال شاريتة بالفين وخمسمية يابنت الكلب هو فرحان بس شوفو التعبير
> قسم بالله ذبلت ابتسامتي وهو يضحك يقول اول مرة احد يهديني بالمبلغ هذا
> بستصدقون رحمتة هههههههه هههههههه
>
>
> وهذي وحدة ثانية تقول انها حطت شموع من عند الباب الى غرفة النوم والشموع طبعا
> على الارض وهي جلست في غرفتها وكاشخة وتنتظر زوجها المهم دخل الطعس ودعس
> الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى
> شي ماسواه والمسكينة انهبلت من اللي شافته المهم الزوج دخل الغرفة وقفل الباب
>
> وحده من الحريم ملت من الروتين اليومي في حياتها وحبت انها تسوي مفاجئه لزوجها
> بسهره رومنسيه ...المهم قامت وطلبت الكيكه من الدبلوماسي والعصيرات
> وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو
> لهم .....
> .المهم جاء الزوج من الاستراحه وريحته تفاوح دخاخين واستقبلته ودخلته للمجلس
> وقصت له من الكيكه
> وصبت له من العصير...المهم يوم بلع وخلص قالها الحين وراك مجلستنا بالظلام حشى
> كأننا بقبر.
> .تقول هي انها بلعتها وسكتت منب مخربه السهره...قام وكمل ذا الماصل وقالها
> الحين وراك طالبه حجم كبير
> من الكيكه كان طلبتي حجم صغير وشوله الاسراف يالله روحي قومي البزارين ياكلون
> منها عشان ماتكب..
> .عاد هي حامت كبدها منه وطفسته وزعلت عليه......
> .تدرون المفروض انها تحط له خبز وفول ويخب عليه هذا مهب وجه تدليع(جعله الضربه
> ذا البخيل)
>
>
اقعد عانس والا اخذ بخيل مثل ذا
>
> هذي وحده من البنات تو ها متزوجه وحابه تسوي حركه لزوجها .
> . .قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
> وانتظرته لحد ماشرف...المهم يوم دخل ويشوف الدنيا شبه مظلمه والدخاخين
> حاجبه الرؤيه قام يركض للصاله وجلس يناديها
> وهي ساكته ماترد عليه تتغلى عليه(على بالها حركه ماتدري مسيكينه انها بتروح في
> خبر كان)
> عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
> عشان كذا ماترد عليه(جاء بيكحلها عماها)....
>
> بالله وش تتخيلون موقفها؟؟؟...
> المفروض انها صبت على راسه موية نار.....
>
>
> هذي وحده من البنات تزوجت وراحت للخارج مع زوجها بعثه للدراسه له ولها..
> .المهم شافت ذا الحمران العطران ورومنسيتهم قالت خل اسوي مثلهم .
> .وخاصة انهم كلهم يدرسون وكل واحد فيهم وقت دراسته تختلف عن الثاني
> فما فيه وقت للجلسه الهاديه.. فقامت يوم من الايام قبل ماتروح للمعهد قالت
> خل افتح نفسه شوي لما يرجع تعبان ويبغى ينام شوي
> ونثرت على السرير ورود والعطورات الفواحه تفوح في الغرفه ومن ذا الحركات.
> ..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
> شافت زوجها نايم في الصاله عاد هي استغربت وراه تارك السرير ما امبطح
> عليه...ويوم صحى
> وسألته قال الله يصلحك ناثره لي عشب على السرير وشلون انام عليه(الله يقلعه
> مايميز بين الورود والعشب).
> ...بالله مو المفرو ض تنثر على السرير تين شوكي عشان يتأدب ذ ا الباصق......
>
>
>
> وهذي وحده تعشق شئ اسمه رومنسيه و كانت دائما تعزم زوجها في مطعم راقي على
> حسابها
> يعني تغير من جو البيت وروتينه ..وكانوا دائما يسون ذا الحركه وهو وجهه مغسول
> بمرق كل ماطلعوا
> يطلب كل مالذ وطاب على حسابها ..عاد هي جتها ام العبيد وقالت انا اوريه عشان
> يتأدب
> ويعزمني بدال ما انا أعزمه...قامت وعزمته زي كل مره ويوم خلصوا ماكلين
> قالت له اكرمك الله ياابو فلان على العشى...عاد هو شرق بالعصير من الروعه
> , قال لها وشلون يعني؟؟؟ قالت له الله يسلمك الفاتوره
> دفعتها من جيبك اخذت المبلغ من بوكك قبل مانطلع....
> .تقول عقبها طاح وجهه تأدب وصار يطلعها كل سنه مره(تعب نفسه صراحه)......
>
>
>
> وفي وحده لاهي ولازوجها يدلون الرومانسيه وكانت بيوم راح تنقل لبيت ملك المهم
> شارت عليها
> إختها إنها تشتري حركات فطلعت مره هي وزوجها يشرون شموع اشكال والوان وبعد
> فتره هي كان
> زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء
> المحروس
> شاف الدنيا ظلام يوم دخل على زوجته ولع النور وطفى الشموع قال ها الله يهديك
> الحين أنا شاريهن لاطفى ا لكهرب
>
> قمة التحطيم
>
>
> هذي وحده جنااااااااانها البلونات عااااااااد ذاك اليوم فكل جدر حطت نفيخه
> ..وشك شك هذا طبعا صوت مفتاح الباب جاء رجالها ..ومن غير مقدمات يوم شاااف
> البالونات فقعها وهو معصب وقال لها لو يجوننا ضيوووف وش يقولون.. هذولي لسع ما
> تخرجوا من الإبتدائي ..
>
> والله مسكين ووووبايخ حطم الحرررررررريمه..
> ههههههههه
>
>
>
> وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه
> ألمها وأجمعها في كرتون وإذا ما أبغاها أحرقها
>
> المهم ما أطول عليكم .
> رحت وشريت لي كتاب رومنسيات زوجيه يقالك بتثقف وأصير رومنسيه حتى أعجب
> أبوالشباب
> وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
> قريت في الكتاب انه إذا سافر زوجك أو تركتي البيت اكتبي بطاقات حلوه ملونه
> فيها عبارات جميله للزوج وحطيها بين ملابسه عشان إذا جا يلبس يقرا البطاقات
> ويتذكرك حتى وانتي غايبه عن عينه ......
> واختكم في الله سوتها ......... تتوقعون إيش كانت النتيجة ...اهئ اهئ
> لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت
> وأقول قراها بدون ما يعلمني الظاهر عجبته الحركة
>
> >>> زوجي كتوم جداً
> قلتله ياعيوني ياحبيبي عجبتك الحركة .........
> قالي أي حركة لا عاد ترمين أوراقك منا ومنا وأنا ألقط وراك ليه شايفتني شغال
> عند أبوك تسنعي ياحرمه .
> إيش رايكم فيه >>>>>> .
مواقع النشر (المفضلة)