[align=justify]السلام عليكم ورحمة الله وبركاته
كيفكم ؟
كان يا مكان في قديم الزمان قبل سنتين يعني ,, كنت مشارك في منتدى ,, ومحوش على نص بنات المنتدى بأسلوبي الجذاب ,, كنت دايم ادخل الزين وابحث في ردود كاتم الأهات واستخلص من رومانسيته العذبة ما يجعل مني إنسان عندهـ سالفة ومشاعر واحاسيس وزي كذا images11 ,, ومرة من المرات دخلت في قسم التعليم في نفس المنتدى اللي كنت فيه ,, وحصلت لي مدرسة أحياء كانت تعاني من عدم تحفيزها وإعطائها المكافأت لتميزها في مادتها ولحبها الشديد لها ,,
حطيتها في راسي وقلت جايبك جايبك وإن ما جبتك مانيب رجال واطلع زقارة عشان اثبت رجولتي images11 واقعد اشربها عند باب البيت وابوي يطلع ويشوفني وهو اللي يطلع العقال ويلحقني في الحارة وجلد وجلد واحصل باب بيت جارنا فاتح وانا اللي ادخل على طول واحصل أم شليويح في الحوش واجي وراها وقلت تكفين يا بنت الرجال الأطلق ناس في العالمين زبنيني ,, وهي اللي تقول افا يا وليدي قم طس رح للسطح وابن امه اللي يقرب منك مانيب بنت مزنه إن ما زبنتك ,, وقعدت يومين وطلعت ورجعت البيت ولا كان صار شي
رجعت وشبكت النت وبحثت في مشاركات المعلمة الفاضلة صاحبة التميز ,, ولقيت اكثر مواضيعها عن الإحياء وقلت طيب اصير مدرس أحياء الحين واخش جو معها ,, دخلت سيدنا قوقل وبحقت عن الإحياء وقعد اقرا معلومات عن بداية سالفة الإحياء والعلماء ومتى توفي ومتى ولد وكأن في وفات العلماء وحياتهم انجازات في المستقبل,, يا شين كتبنا تجيب المرض ,,
دخلت على قسم النقاش وكتبت موضوع عن الإحياء عشان الفت انتباهها ,,
عنوانه : تميز التعساء في مادة الإحياء !
وكتبت موضوع من محتواهـ ,, إلى متى وحنى نجتهد ولا نحصل ولو كلمة شكراً ؟ ليش الظلم !! ما يحسون في معاناتنا وحنى من زود حبنا للمادة ذي حاطين لها غرفة خاصة وقاعدين نشرح فيها " كانت عقدتي اشوف حيوانات فما بالكم في حيوان مشرح ععععع "
جت هي وابتهجدت ابتهاجاً كبيراً جميلاً طويلاً ,, وابدت اعجابها بالموضوع ,, عاد فيه مواضيع تحصلها منقولة ويجيك واحد ويرد عليك رد يحسسك إنك كاتب الموضوع وحاطك فوق راسة شوي تدخل الموضوع اللي جنب موضوعك تحصل نفس الرد موجود اللهم مع تغيير اسم كاتب الموضوع ,,
المهم بدت في شرح معاناتها وكتبت السيرة الذاتية عن حياتها مع مادة الإحياء وكيف تعبت عشان توصل لهالمرحلة واخر شي ولا كاني فعلت شي !! ,, وانا اجي وانواع النصب كالعادة : حرام والله ما يصير كذا المفروض يسوون كذا وكذا إلخ ,, لين جاء المشرف وقال سلامات قلبتوا الموضوع فضفضة ,, جيت ورديت وقلت حتى في المنتدى والموضوع حقي ما يسمح لنا نفضفض حنى نحصلها في المدرسة ولا في المنتدى
تقفل الموضوع وقعدت يوم واحد افكر وش اسوي طيب موضوع ويتقفل وش السوات ؟! ,, يالليل المشرف خرب ام ام الدعوة ,, شوي والا ادخل المنتدى واحصل رسالة منها ,, يا أنا خقيت مع نفسي قمت من الجهاز ورحت وتروشت ولبست تيشيرت وبرمودا ,, وتعطرت وحطيت جل واخذت لي عصى مكنسة واثنين قوطي نيدو وقعدت اتمرن سريع سريع من الفرحة
وقامت تكمل النقاش والسوالف وتذكر لي انجازاتها اللي اعرفها من زمان ,, وانا ردودي كالعادة " اها .. صدقتي والله .. الله يعينا بس .. ما شاء الله عسى دوم التميز ... إلخ " لدرجة إني مرات اتفرج على التلفزيون واتابع فلم واخوي يتصفح المنتدى
يقولي : باريس جتك رسالة من فلانه ,,
اقولة على طول افتح المفكرة في سطح المكتب واختار اقرب رد وارسلة ,, < عارف وش محتوى الرسالة بدون ما يقرى ,,
المهم قالي اخوي .. ما لقيت رد يصلح للرسالة ,,
قلت ليش يا لوح اقرب رد جاهز قريب من رسالتها ,,
قال : تقول ممكن تضيفني مسن ؟!
انا ما صدقت خبرطرت من الفرحة
رحت ودخلت قسم الخواطر ونسخت لي جملة عشان اضيفها مع الموافقة ,, images11
كم يشرفني ويسعدني
ان تكون صحابة التميز في الإحياء
ضيفة شرف في ماسنجري المومياء
إلخ
وحطيت ايميلي من العجلة الله ياخذ بليسي مستعجيل
اضافتني وبدا الكلام السامج كالعادة
حياك منورة
منورة بوجودك
كيفك يالمميزة
بخير يالمبدع
مدري وش اقول الكلامات تعجز عن الكلام
وانا بعد مثلك
ايوهـ اقولك يا استاذة ... ما اعرف اسمك للأسف
هي على طول : اسمي اشواق
هلاااااااااااااا واللللللللللللللله بأشواق يالبيه بس p;jolvldkv
يؤ سوري الكيبورد يعلق الحروف
< جاب العيد اللوح images11
استاذة اشواق كم لك سنه تدرسين < مخرج للكلام اللي فوق
وتبدا تبربر وانا حاط رجل على رجل واشرب عصير كوكتيل وحاط السماعات على اذني واسمع ابو نورة اغنية والله واحشني زمانك < هذي اغنية جديدة وانت تقول القصة لها سنتين
المهم ,,
صرنا كل يوم نسولف ونطقها حنك ومر علينا شهرين على هالحال لين نطقت بجملة ما توقعتها منها صراحة
قالت : ممكن اشغل لك الكام ؟
قلت : يؤ بس انا ما عندي كام
هي : لا عادي بعرض لك وشوف موب لازم كلنا نشغل الكام
انا : اوما كذا سريع سريع
قالت : ايه وش فيها ؟
أنا : لا ابد ولا شي بس اقصد خل اشوف عندي اجتماع اليوم مع مدرسين الإحياء من كذا مدرسة مدري هو اليوم ولا لا ,, لا لا ما عندي شي اوكي موافق
هي : اوكي خل اتجهز واجيك بررب
انا : تيت
بعدها مدري وش اسوي وقت الإنتظار ,, غيرت ملابسي ,, طفيت اللمبة ,, شغلت موسيقى خفيفة ,, جبت لي عصيرات من الثلاجة وسنكرس وتوكس وحركات نص كم ,, < يعني مسوي جو رومانسي p;jolvldkv
جتني تهز الشاشة ,, انا ما صدقت قلت امش من بدايتها هز ! شكل الليلة فنون الشرق الأوسط بتشتغل
انا : هلا والله ولكم
هي : يسلمووو ..
انا : هاهـ خلصتي ؟
هي : ايه اشغل الكام ؟
انا : ايييه من اليوم انتظر ,, images11
وهي اللي تشغل الكام ويبدا التحميل وانا على اعصابي ما قد شفت حركات زي كذا
اشتغل الكام الا واشوف ضب مخدر على طاولة وجنبة عدت تشريح ,, وكتاب الإحياء !
" طبعاً الكام جاي من فوق على الطاولة سيدا ما اشوف الا يدها وهي لابسة قفازات بعد لزوم القتل الإجرام
انا قلت وش السالفة ؟
هي : بوريك كيف انا مميزة في تشريح الضب ولكن قبل كل شي ابيك تعلمني كيف طريقتك ,,
أنا : لا وش دعوة نتعلم منك ,, صراحة انا احب اتفرج بتمعن وهدوء وياليت لو تشرحين انتي بطريقتك وانا ابستمتع بالنظر ,,
هي : اوكي نبدا بسم الله ,,
انا طابت نفسي من عقب شفت الضب ,, وانا اللي ورقة ام لزقة اللي لونها اصفر يكثر تواجدها عند الشباب اللي يروحون للسوق تحصلونه يكتب الرقم ويعلقه على قزاز السيارة اللي فيها البنت اللي بيرقمها ,, يعني مرقمها مرقمها الله لايعوق بشر
وحطيت الورقة على الشاشة عشان ما اشوف التشريح واشغل اللمبة وارجع الأكل للثلاجة وانام ,,
قمت فجأة وتذكرت ام تشريح هي وضبها مدري وش صار عليها ,,
هي : وش رايك بطريقتي بالتشريح ؟
اعجبتك صح ؟
ا وينك ؟
موجود ؟
" تم هز الشاشة من قبل اشواق "
اوكي انتظرك
الووووووووووو
باي
انا على طول سويت لها دليت ودخلت المنتدى وسويت تسجيل خروج وطلعت من الموقع ورحت لأبوي وقلت له : اسمع يابوي ,, يا تزوجني ولا ترا بصير
مدرس إحياء
تمت
بقلم ومشرحة : باريس
ملاحظة : هذه القصة من نسج الخيال موب تضمون ما ذكر اسمها بالأعلى لقائمة خوياتي images11 [/align]
مواقع النشر (المفضلة)