الــحــب غــرس
[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
{الــحــب غــرس}
ياسعود أنا ياأخوك مبطي غرامي=ماهوجد يد اليوم توي بد يْته
من شبتي حالي طواها الهيامي=والجرح في قلبي قد يم شكيْته
حب النقا المنقي هواي وغرامي=لومالقاني في طريقي لقيْته
لوغاب يرجعلي على راس عامي=إن ماإبتلا ني بالموده بليْته
أعشق هوى المجمول ظبي العدامي=وإلياشراني في حياتي شريْته
خل العلوم اللي بد ت في ملا مي=الحب غرس إبضامري واحتويْته
بالروح با نيله مقرومقامي=ومن دم قلبي ود عيْني سقيْته
ماهي سوالف بالوداد وكلا مي=هذي حقايق في خفايه كميْته
سقيْت ود ي واطلعتله نوامي=من جاري الوردان علْ ورويْته
ماأخلفت في دربي مماشي نظامي=وإليا طلب عهد ي حلفت وعطيْته
وإلياجزاني بالعطيه مرامي=من كل مايطلب وهبت وعطيْته
جزوى العطيه بالرضا واحترامي=خلي من الروح العزيزه جزيته
ماأخفيْت راسي مثل روس النعا مي=برمال عرق إعن المشافه غطيْته
أشرب لذيذ ه وأهتني في مدامي=وأصبرإسنيني وأنتظرواحتريْته
أفزمن نومي وأفارق منامي=ومن وين ماوجه هواي إقتفيْته
ماأركن على الهقوات والجرح دامي=مادام له ذكرى وأنا مانسيْته
الحب بقلوب العشاشيق سامي=من خلقة الدنيا مع الناس صيته
كم واحد قبلي نزله وأقامي=عند الوعد سهران عايف مبيته
قلبي إمرتعبه جراد إتهامي=خرب الحشاوأخرب هوى البيض بيْته
نفسي إتهاوم والخفوق إستهامي=والشك عني مع قفايه رميْته
لعيون عذرايوم ترخي اللثامي=تحيي العروق اللي من العام ميْته
العين سودامثل عين القطامي=لأرخت هد بهابعت عمري وجيته
والخد براق يشق الغمامي=ولا فنانيرالحرم شب ليْته
ماتسقي العطشان لوكان ظامي=عن كل شك في نقايه حميْته
البين بطويْره على الدارحامي=يوم إنتحى المجمول عنهاجفيْته
ياسعود وصل للحبيب سلا مي=قله ترى جيب المولع فريته
بعد ك سمك بالدارعج وعسامي=ياشينهاشيناه كنك عزيْته
يبس اللحم ماباقي ألا العظامي=جسمي نحل وأنته إبهجرك بريْته
كن القصوراللي تركته هدامي=والعلم الأول من إغيابك قريْته
لواهنيك كيف عينك تنامي=قريرجفنك من إرقاد ك مليْته
ياللي خلي قلبك وفارغ تمامي=لوجاك باغي ماعشقت وبغيْته
باقيلكم ياشوق حب وغرامي=ماأنهيْت من حبك وأنا اللي بديْته
[/poem]
رد مع اقتباس
مواقع النشر (المفضلة)