::في بيتنا شغالة::

[باك..]

::
::

كآي بيت من بيوت مجتمعنا الحبيب تصرخ المرأة بكلمتها المعتادة ((ابي شغالة)) فيقابلها رفض من الرجل بكلمتة المعهودة ((من وين لي دراهم))

في صباح يوم جميل و البلابل على شباك البيت بتغرد و بتطرب السامع لها بكل الاشجان والالحان كان ابي جالس في الصالة و امي تقهوية في منظر اول ماتشوفه تقول (( يخزي العين جووز كناري ماشاء الله عليييييهم )) كان ابي جالس وفنجان القهوة في يده و في اليد الثانية فذة تمرة و جالس يهك على امي ببطولاته وامي فاقه خشتها مع ابوي و خاقة معه الى ان ملت من سوالفه و قالت له ... يابو باك ماودك تجيب لنا شغالة تساعدنا في شغل البيت ... عدل ابوي جلستة و نزل الفنجان و مسك راس امي في منظر رومنسي و قال ... من وين لنا فلوس يمال الي ماني بقايل ... نزلت دمعة على خد امي بسبب كلام ابوي الجارح و بحركة خطافية بصبع ابوي الكبير مسح الدمعة في لقطة يظهر فيها الحنية و الطيبة اللي تميز ابوي و استطرد قائلا ... ولا يصير خاطرك الا طيب يام باك تبين شغالة نجيب لك شغالة كم عندنا ام باك حنا (حقوق هذا المقطع محفوظة لاحدى الافلام و استخدمة الكاتب لتحسين صورة الشعب السعودي))

باااااك باااااك باااااك ... خير خير وش تبي تراك ازعجتنا تقول مافية في العالم احد عنده ولد الا انت ... هذا كلام تقولة لابوك امش امش شغل السيارة و ودني ... وين تبي اقلعك << مخربها الولد ... امش بنروح نقدم على شغالة ... طلعت فوق راسي علامة استفهام يوم قال ابوي شغالة معقولة ابوي بيجيب لنا شغالة نلعب فيها و بحركة سريعة ابوي يحرك الاستفهامات اللي فوق راسي والاهي منتثرة في الصالة قال امش هذا وقت تتنيحة ... الا و امي تدفني و تقول .. بسرعة بسرعة قبل لا يهون

وصلنا مكتب الاستقدام مدري اللي يبيعون شغالات قلت يالله انزل يا يبة ... قال وانت مهوب نازل .. قلت لا انا بجلس هنا على شان المخرج محدد لي مشاهد قليلة مايبي يدفع فلوس زيادة ... بس لا اوصيك تنق لنا شغالتن كويسة و لا تخرب واجد و ياليت لو هي على الديزل بعد على شان ماتصرف واجد ... ناظر فيني ابوي بنظرة و لسان حاله يقول (( ليتنا امرحنا))

بعد عنى مصحوب ببعض الواسطات وصل ابوي عند الشباك و بالتحديد عند الموظف و عند تعبية النودج استعصى على ابوي شغلة بحكم انه اول مرة يجيب شغالة و سأل الموظف و رد علية الموظف ... هذا ياحبيبي (غريبة موظف اخلاق) الجنسية يعني شغالتك وش تبي جنسيتها ... و بغمزة كذا قال ابوي ... وش عندكم انواع انتم ياحبيبي فيه المسموح الان كذا جنسية فية (الاندونيسية) و (السيرلنكية) و (الاوزبكية) و في سؤال ينم عن مدى ذكاء الوالد طيب وش الفرق بينهم الحين ؟ ماهناش فرق كلهم بني ادم بس الاوزبيكة جديدة و توهم فاتحين الاستقدام عندهم ... قال الوالد دام انها جديدة وش نبي اجل في المستعمل جب لنا من هالنوع و انا ابوك خلص الوالد جميع الاجراءات في كل المكاتب و طبعا انا في السيارة الى الحين و ساحبن على ابوي (المخرج عاوز كدا)

رجعنا الى البيت و اجتمعنا على الغداء و بداء شغل التميلح من امي (لو الشغالة جاية كان الحين تجيب لغداء لنا و انا جالسة معكم ) و (لو الشغالة هنا كان الحين مرتاحه و متفرغة لك يابو باك) هنا انا ماقدرت استحمل و استفرغت على الغداء و الله يا جاني تشويت لين دخلت الغرفة بشوتة من ابوي حطني في التسعين و رجع زمان ابو يعقوب فيني انا (و الله يا اني حقدت على المخرج و الدور اللي حاطني فية)

بعد انتظار على مايقولون احر من الجمر اليوم يوم الشغالة اليوم موعد الشغالة امي ترتب البيت و انا وراها اخرب و تقول ياوليدي لا تخرب خل لا جت الشغالة تلقى البيت نظيف و انا ماهمني شي و لا على بالي و ناوي هالشغالة بنيتن شينة و ناوي اطلع الشيب في راسها

في المطار و كالعادة انا جالس في السيارة انتظر ابوي يجي هو و الشغالة من داخل المطار ... جاء ابوي بس ما هوب معه الشغالة جاء و معه قمر يمشي على الارض جاء و جاب معه بداية ضياعي

وش ذا يابو باك ما اتفقنا على كذا وش النظام ذا على طول ترقم و تطلع في نفس اليوم الا في نفس الساعة قال اسكت هذي شغالتنا ... و مثل اللي ماني مصدق قلت تعقب !! صكني ابوي بكف خلى وجهي يرتج و قال اول شي لا عاد تقول تعقب ثاني شي اثقل و لا تفضحنا قدام الشغالة ثالث شي قلي وش الحل كيف نوديها للبيت و امك هناك ... قلت بسيطة ادق على العيال و اصرفهم و نروح للاستراحة جنط انت جنط وش استراحة وش الامور ذي انت بتنكبنا .. انا ابي منك الحل وش نقول لامك اذا شافت الشغالة .. قلت بسيطة قل انها حرمتك ... قال امش امش نروح للبيت ارحم من انا نسمع لك ... اركبي اركبي يا (اوزودا) (الوالد ساحبن عليها و حنا نتناقش)



((صورة شغالتنا ساحبها من جوازها))



لا لا لا مايصير ذا الحكي وش انتم مدخلين علي في بيتي و من وين جايبينها ذا السلقة ... يام باك هدي هذي الشغالة اللي طلبتيها ... انا صح طلبت شغالة بس كنت احسبها بتطلع اشين مني بس هذي منظرها مهوب منظر شغالة ... عاد يام باك هذي الشغالة و هذا حظنا اللي جانا ... لا مايصير كذا لازم ترجعها و اتجيب وحده غييرها ... خلاص ابشري تبين نرجعها نرجعها ... انا كنت اتابع بصمت بس يوم سمعت طاري الترجيعة قلت لا مايبيلها لازم نتدخل لو نتهاوش مع المخرج الدعوة فوضه بيرجعونها وش على بالهم قوطي ببسي لا يابو باك من متى و انت تسمع كلام الحريم لا تخلي وحده زي هذي تمشي كلامها عليك انت لعبة عندها تقولة جب شغالة ثمن يوم جبتها تقول لا ما ابغاها على كيفها الدعوة ... بعد ماشيشت ابوي على امي صرخ بكل و صوته و قال ... علمن ياصلك و يتعداك يام باك الشغالة انا ماجبتها و تعبت عليها على شان نقولين لي ما ابغها مالك الا الشغالة هذي و بسسسسسسسسسس . يالله كل واحد يروح لشغلة

راحت الشغالة للمطبخ و انا وراها و اتكي عندها و اقعد اسولف و ادق حنك و سوالف رايحة و سوالف جاية ليييين بديت اطيح في هيامها و بديت اعرف معنى الحب يوم اني شفتها

في كل يوم قاعد افكر فيها و اتحدى نفسي و اقول اقدر اشوف دمها يجري في عروقها من جلدها وقام التحدي بيني و بين نفسي و من راح يكسب و على شان نعرف من الي بيكسب لازم نقطع الشك باليقين و انزل من غرفتي و ركض على المطبخ و امسك يدها و ارفع كموم الثوب و افتح فمي و اقول يالله طلع صدز قالت نفسي حتى شف الكريات الحمراء كيف تركض وراء الجراثيم و المسكينة انهبلت ماتدري وش تسوي و افك يدها و اطلع من المطبخ و احصل امي جالسة في الصالة و القي عليها تحية الاسلام و ردتها علي و قالت اخلص وش تبي ؟ قلت يمة الحين شغالتنا وين تنام ؟ قالت و انت وش دخلك .. قلت اهوه سؤال و السلام قالت في المطبخ ... ياحرام و لية تخلونها تنام في المطبخ طيب وراى ماتنام عندي في الغرفة ... وجع وش تبي فيها في غرفتك ... قلت لا ابد اما اني اقوم في الليل و ابغى ماء و الا شين اكله الا الشغالة عندي تجيب لي اللي ابغيه انقلع انقلع لغرفتك و لا عاد اشوفك توطوط هنا وكل ماشفت الشغالة و ابتسمت لي تبداء سعابيلي بالجريان حتى ان صار عندي جفاف و السبه ابتسامتها و كل ماقالت باك جيت على و جهي ... صرت انا المسؤول عن طبخ الغداء و العشاء بس على شان اكون عندها في المطبخ و ياما كنت افهي معها و غدانا يحترق و هي بعد كانت تستغل طيبتي و خقتي معها و تخليني اسوي اشغال البيت من تنظيف الى اخرووووه و السبب اذا قالت باك اروووح فيها و لا عاد احس بنفسي

في يوم من الايام و انا نازل من غرفتي و قاعد اغني و انادي .. اوزودا اوزوداااااااا وين راحت ذي دخلت المطبخ ماحصلتها طلعت للصالة حصلت ابوي و امي يسولفون و واضح ان ابوي كان قاعد ينصب على امي جيت عندهم و قلت يبة اوزودا ماتت ... ماتت!! كيف و لية تقول كذا ياباك ... مدري يبة بس دورتها مالقيتها اكيد ميتة ... قال لا ياباك اوزودا راحت لاهلها ... لييييييييييييييش من الللي مات عندهم <<(الى الحين ماسكة على الموت) ما مات عندهم احد ولا شي امك و خلاص ماعاد تبيها وش تسوي عندنا هنا ... بس انا ابييييييييييها ابيييييييييها و بعدين على كيفك انتي يوم خلصتي منها تسفرينها توني انا ما اخذت حاجتي منها و اطلع من عندهم زعلان ويوم وصلت اخر الصالة التفت يمهم و قلت :- ((انا برووووح اعيش مع اوزودا يا يبة وخل امي تنفعك ... عاد شف لك احد غيري يرفع راسك))

::مايستفاد من الخنبقة اللي فوق::

1- وش فيهم السيرلانكيات يوم انهم يفتحون الاستقدام من اوزباكستان
2- لا تحسبين (للمراه) ان كل الشغلات شيووون ترى فيه مزيونات و يمكن يسحبن البساط من تحتك انتبهي
3- لا تفتح الاب توب و عندك اختبارات

ملاحظة :- ترى الموضوع طويل اللي فاضي يقراه << توك تقوله الحين

عذرا على هذه الخنبقة بس الاختبارات و ماتسوي


ااااااااااااااااااه متى تجي الساعة 7

[كاتـم الآهــات]

ههههههههههههههههههههههههههاي

الله يلوم اللي يلومك

اوزودا يامعذبة قلوب النشاما *** سيد المها ياكامل الزين



باك

اللحين بتقنعني وتقنع القراء الاعزاء انك ماكنت تنام بالمطبخ؟؟؟

كأني اشوفك طاقها هواجس بالاختبار هههههههههههههاي

بس تدري وش اكثر شي اعجبني

انك شفت الكريات الحمراء تلاحق الجراثيم <<<وش دخلها

هههههههههههههههههههههاي

باك

الله يوفقك باختباراتك ونشوفك باشمهندس طيار جندي اول ركن سباك

تحيتي لك,,,

[وحده من بين خلق الله]

الله يعطيك اودزا واشكاله> عجوز تغير اسم الشغاله ع كيفه هههههههه

يالتوفيق بالإختبارات يارب

[باك..]

عذرا على التأخر و لكن حكمة الاختبارات تتطلب عدم الاستعجال في الاجابة و قراءة الاسئلة مرة و اثنين و ثلاث لين تحس ان السؤال يقول : (خلاص يرحم امك بجاوب عن نفسي بس رح للسؤال الثاني)

ههههههههههههههههههههههههههاي

الله يلوم اللي يلومك

اوزودا يامعذبة قلوب النشاما *** سيد المها ياكامل الزين



باك

اللحين بتقنعني وتقنع القراء الاعزاء انك ماكنت تنام بالمطبخ؟؟؟

كأني اشوفك طاقها هواجس بالاختبار هههههههههههههاي

بس تدري وش اكثر شي اعجبني

انك شفت الكريات الحمراء تلاحق الجراثيم <<<وش دخلها

هههههههههههههههههههههاي

باك

الله يوفقك باختباراتك ونشوفك باشمهندس طيار جندي اول ركن سباك

تحيتي لك,,,

صح لسانك ياكاتم و وافي طال عمرك (صورة بدر صفوق يمسح على شنة كنة يتأكد هو فية والا طار)

يارجال لولا احترامي لحرمة المنتدى كان كبيت كل عفشي و قلت كل اللي عندي وش سويت ذاك الليله عندي علوووم خارج القانون بس خلها مستورة قبل لا نجيب العيد و ننام برى المطبخ

الاختبارت هي ساس الهواجيس ياخي لا جاء وقت الاختبارات انا عن نفسي تاخذني الهواجيس و اتخيل نفسي انسان مشهوووور حتى مرة لقيت واحد يمشي في الشارع و وقفت عنده الضعيف يحسب اني ابي اوصله يقول مشكور مشكور بس السيارة قريبة مير اني جنط و نقزت في وجهه و قلت ما ودك بتوقيعي و الا صورة معي و على شان اكون معك صريح انا شفت فوق راسة علامة تعجب .. زي ذي بالضبط (!) بس للامانة كانت اكبر من كذا

انت وش عرفك هذا البياض لا قالوا بياض يعني من زود بياضها صايره شفافة ... يعني جلدها كأنه تجليد الكتب << جاك على مودك دامك مدرس

بس خل عنك كانك تبي شغالة علمني بس تراها تقول ان عندها اخت اطلق منها بس ماناقصها الا الفيزا و تجي تكمل مع اختها ثنائي مرعب و مدشر للشعب السعودي

وياك يا كاتم ان شاء الله و الله يوفقك و ينجحون الورعان اللي عندك في المدرسة

[باك..]

الله يعطيك اودزا واشكاله> عجوز تغير اسم الشغاله ع كيفه هههههههه

يالتوفيق بالإختبارات يارب

بالنسبة لازودا لو تجي ما وفرتها يعني صح شغالة بس ترى شغالة عن شغالة تفرق .. يعني وش جاب الاندونيسية و للاوزبكية يعني فرق السماء عن الارض يعني فرق شاسع مثل فرق انتصار الشراح عن نانسي عجرم

اليوم انا اكتشفت اكتشاف خطييير و احمد ربي على هالاكتشاف اللي الظاهر متفشي في عامة حريم السعودية و اول كنت احسبة عند امي بس و بغيت اتهور و اعالجها برى على حسابي ... يعني لية تغيرووون اسامي الشغالات على كيفكم هو ترظين احد يغير اسمك مثل امي الله يحفظة و يخليها لنا لازم كل شغالة تغير اسمها الظاهر تحسب الدعوة عناااد يعني مرة جايتنا شغالة اسمها فاطمة يعني الاسم مافية شي بس عناد امي و بعد تفكير غيرت اسمها الى امينة يعني انا اللي ابي افهمه وش وجه الشبه او العلاقة اللي نقدر نربطها بين اسم فاطمة و اسم امينة اللي خلا امي تغير اسم هالشغالة

وياك ان شاء الله و يوفقك و ينجحك و اذا ناجحة يوظفك و اذا متوظفة يزيدون راتبك