[justify]بسم الله الرحمن الرحيم
كيفكم ؟
كيف تصبح صاحب قلم " مبدع / مميز / مشهور / وشكراً 
"
كلنا تعرضنا لحالات القصف العشوائي وانتقلنا إلى قسم المكرر .. زعلت من النقل للمكرر ؟ .. طيب ليه ما تكتب موضوع من نفسك وابن امه ينقل الموضوع ؟!
ما تعرف تكتب موضوع مثلاً ؟
انا ما كنت ارد على المواضيع اصلاً كنت اخاف .. مافيها شي الواحد يتعلم .. بالنسبة لي سبب كتابتي للمواضيع كان القدوة لي فيها اخوي اكبر مني بسنه ونص .. هزئني وجنني وهو يقولي إلى متى وانت تنقل موضوع ويجون الأعضاء يشكرون صاحب القلم وانت يشكرونك على النقل !! .. ياخي اخدم نفسك بدال لا تخدم اصحاب المواضيع وتقعد تسوي لهم شهره على حساب زيادة مشاركات ؟! ولا مسوي فيها قوي عند الأعضاء انك صاحب ذوق يالهيس ؟ .. images11
طيب الحين كيف اكتب موضوع ؟
موب الدعوة كيف تكتب موضوع .. الا وش اللي تبي تقولة اصلاً ؟ .. يعني وش في بالك تكتب ؟! .. ما فيه احد تقولة اكتب موضوع يكتب موضوع يبي يسالك عن وش اكتب ؟! ..
فيه مواضيع عامة ..
مثل : الخيانه - الحب - الفراق - الحزن - العتب - الفرح - الألم - إلخ
وفيه مواضيع عن الأحداث اللي حولنا
مثل : السرقة - الأمانه - الصلاة - المذاكرة والإجتهاد - الـ وجميع شي فعلي مو مثل اللي فوق احاسيس ..
هذي المواضيع هي اشياء داخلنا وكل الناس مروا فيها .. لا تقول في نفسك فيه موضوع عن الخيانه بنقلة .. ليه ما تعبر بنفسك عن الخيانه اللي حاصلة لك وتشرحها بأسلوبك ؟!
مثلاً خلونا نتكلم عن الصلاة وابي انشئ موضوع الحين ..
العنوان : لو الزمن يرجع ورا قمت اصلي
الموضوع :
لو الزمن يرجع ورا قمت اصلي
قالها بعد الوفاة
ناس ماتت ليش تتمنى الحياة ؟
كان في عمرة شباب ومات وما صلى صلاة !
فات وقتك يرحمك رب العباد ,,
لو الزمن يرجع ورا قمت اصلي
طيب انت وكلنا ..
ليش نفقد وقتنا ؟
دام نقدر دامنا
يالله قوموا للصلاة ..
^^^^^^^^^^^^^^^^^^^^^^
مقتطفات مكتوبة بالسجع ..
وعاد الواحد يكمل على كيفة لو بغى
.................................................. .............
او تكتب موضوع عادي عن الصلاة ..
العنوان : لو الزمن يرجع ورا قمت اصلي
الموضوع :
السلام عليكم ورحمة الله وبركاته
فقد اوصانا الرسول صلى الله عليه وسلم على الصلاة وذكر فالأحاديث ان من ترك الصلاة فقد كفر ..
واليوم نرى في المساجد لا يوجد سوى سطر او سطرين قائمين الا الصلاة !! ايعقل هذا ؟! مسجد يحيطة اكثر من 40 او 50 بيت ولا يوجد سوا سطر او سطرين من القائمين للصلاة ؟!
إلى متى يا مسلمين .. فنحن امة الإسلام ولا نصلي فكيف بالكفار !! .. نطلق عبارات الكفر على من حولنا ونحن لا نصلي !! ..
هل نسينا الصلاة واصبحنا مسلمين بالإسم ؟! وكيف نكون مسلمين ونحن لا نصلي والعياذ بالله !! .. والله إني لا اريد سوا أن نتجمع جميعنا في جنات الخلد .. حياة الأخرة هي الباقية .. والدنيا زوالة لا تلهيكم عن صلاتكم .. فتندمون تتمنون الرجوع للحياة لتسجدون لله ! .. هاهي الفرصة لديكم لا تضيعوها .. إلخ ..
^^^^^^^^^^^^^^^^^^
اسلوب التعبير في الموضوع أو المقال .. وهو عبارة عن تعبير خاص فيك انت على حساب الكلام اللي تبي تقولة تعبر يعني .. ويكون الكلام عادي مثل ما شفتوا فوق ..
[OVERLINE]ليش احط امثلة والله اني فاضي .. اخذوا لكم لفة على القسم العام وشوفوا الفكرة اسرقوها لكن الأسلوب لا تسرقه لأن الأفكار موب حصرية على أحد موجودة فالحياة لكن الأسلوب هو الخاص فينا وتعبيرنا هو الأهم ..[/OVERLINE]
مواضيع النقاش
ما يحتاج تالف موضوع من راسك .. النقاش بيكون من الأفكار اللي حولنا تصير .. لكن انت اشرح الفكرة بأسلوبك .. يعني عشان تخش جو اكتب الموضوع كلة انت .. عادي تشترك مع احد بفقرة اهم شي تكون كاتبها بأسلوبك .. شوف كم فيه واحد كاتب موضوع نقاش عن قرار مجلس الشورى بإغلاق المحلات الساعه 12 الليل .. الحين بكتب مثال لموضوع نقاش عن هالفكرة ولكن بأسلوبي .. < الله يا اسلوبك الحين images11
العنوان .. قرار مجلس الشورى بإغلاق المحلات الساعه 12 الليل ..
الموضوع :
صدر مؤخراً اعلان عن مجلس الشورى بإغلاق المحلات الساعه 12 والإكتفاء ببعضها أو المحلات الكبيرة ولكن تكون بعيدة او على شوراع رئيسية ..
يعني بالله يا ناس بالعقل وش يحسون فيه ؟ يعني اللي يشوفني الحين يقول ال بي ام دبليو واقفة عند باب البيت وابي اشغلها واروح لأقرب محل على شارع رئيسي ويمكن يكون بعيد بالسيارة مدة 10 - 15 دقيقة ..
ما عندي سيارة وقايم الليل وذابحني الجوع وانا عزوبي خويي مداوم وانا ما عندي موتر وش السوات ؟! اشتغل طباخة ؟ اوكي بشتغل طباخة بس بالله كيف اشتري الأغراض الحين عشان اسويها ؟! images11
ولا اطقها مشوار نص ساعة رايح ونص ساعة جاي وانا امشي على رجولي والمشكلة بعد الساعة 12 حظر تجول !! .. يعني بيمسكوني :(
والمشكلة الرياض العاصمة كل الناس تروح لها بجميع الأوقات تخلص اشغالها بالله اللي جاي من برا الحين وش يسوي ؟ يدور إلى متى ؟
الأسئلة :
وش رايك في القرار ؟
هل يخدم المجتمع أو انه يسبب مشكلة لكثير من العائلات اللي لا تملك سيارة مثلي ؟ " فيس يكسر الخاطر ويقول قولوا ايه يسبب مشكلة
" ..
هل ترى أن هناك ايجيابيات للقرار ؟
وهل ترى أن هناك سلبيات له ؟!
بقلمي ومسطرتي
^^^^^^^^^^^^^^^^^^^^^^^^
[OVERLINE]لحد يحاوب ثم اتهاوش معكم ذا مثال [/OVERLINE]
طيب كتبت موضوع الحين سواً عام ولا نقاش .. وش الفايدة ؟!
الفايدة إنك طرحت الفكرة بأسلوبك وتقدر تقول مع السلامة يا قسم المكرر اشوف فيك يوم
وبيكون بدال ما تنقل مواضيع بيصير العكس
انت تكتب موضوع وغيرك اللي ينقل
تجون نتخيل كيف بيكون النقل من الأعضاء وبتكون مشهور ؟!
هذا الموضوع الأصلي واللي بيدخل على الرابط ويشوف وينسخ العنوان ويلف لف ويتاكد من تاريخ الموضوع ماهناش مشكلة
http://www.al-zen.com/vb/t113350.html
هذا الموضوع في قسم الإبداع
http://www.al-zen.com/vb/t128034.html
لك موضوع في قسم الإبداع ؟ إذا ما عندك حاول إنك تصير مثل غيرك وش فرقهم عنك ؟!!
عندك : مواضيع عامة - تصاميم - ام ام اسات images11 - قصائد - خواطر - قصة بالصرقعه - خش وانت تقرا اي موضوع حاول انك تتخيل الموضوع لك والردود هذي تخصك ,, صدقني بتحس بفرق كبير ..
هذا قسم المبدعين لف لين تدوخ وشوف واقتبس افكار تراني مانيب حين لك دايم images11
من إبداعات الأعضــــاء - منتدى الزين
هذا والله أعلم وصلى الله على نبينا محمد وعلى آله وصحبة أجمعين $222
أخوكم : بــآريــس .. $222[/justify]
لما اتناقش معهم لان ماعندهم سالفه واني انا الي كتبت الموضوع
يقولون نفس الفكرره:rolleyes:
مواقع النشر (المفضلة)