افتح الــبك تفرح

[جـــآرح]

السلام عليكم ورحمة الله وبركاته

كيفكم ان شاء الله تمام

مبرووك لكل ناجح وناجحه .. وهارد لك لكل راسب وراسبه

واجازه سعيده للراسبين

تقول الفنانه نانسي عجرم :
افتح البك تفرح << من جد احسن اغنيه لها بعد شخابيط طبعاً
الاغنيه مالها دخل في الموضوع
"


المهم نروح حق الموضوع
بما أن الاجازه الصيفه على الابواب
والزواجات تدهر في هاالاجازه
كم واحد من المنتدى راح يعرس او بنت راح تعرس ؟
من ناحيتي انا توني عزوبي المنتدى im3


المهم الله يجمع بينهم باالخير ويوفقهم ويرزقهم الذريه الصالحه
صراحه عندنا سياسه في مجتعناً انا ضدها
وهي الزواج في الاجازه الصيفيه .. يعني الواحد يتزوج في موسم
كل شي نار وغالي والجو طبعاً نار ماينفع للعرسان

يعني لو الواحد يتزوج بوقت غير الصيفيه احس زواجه بيكون مميز وله طعم

المهم وبعد الزواج وخصوصاً في اول اسبوع من الزواج يبداْ تحديد مستقبل العش الزوجي
هل هو حب بين الزوجين او تسلط الزوجه او دفاشت الزوج
تسلط الزوجات عادة يحدث بسبب وجود شيء عند الزوجة أقوى منه عند الرجل .

مثلآ قد تكون جميلة جدا وأنت مفتون بها وخاق عندها
وهاالمثال اذكر واحد من الشباب صار معه مثل هاالموقف يقول اخونا انه في ليلة زواجه لما
دخل على المدام يقول نظرت فيها ومسكت يدها وقلت انت اجمل مخلوقه شفتها على وجه الارض
والبنات ماشاء الله عليهم ماينعطون وجه
المهم الرجال راح غلطه بعد ماقال هاالكلمه صارت البنت رازه خشمها في البيت وهو اخذت ست شهور
ماندري عنه حي والا ميت يعني محجره له في البيت من الدوام الى البيت الى بيت اهل المراه
والله حاله يلعن ام العيشه .

والحاله الثانيه قد تكون حالتها المادية أفضل منك ، أي عائلتها غنية وانت ملحط
يعني في هاالحاله لابد لك من السمع والطاعه والا طردوك اهلها .
والحاله الثالثه قد تكون الزوجه هي التي تعمل وتصرف على البيت وفي هذي الحاله
تستاهل مايجيك .
وهناك أسباب كثيرة ...
اذا كان الزواج عن حب فكان من المفروض عليك من البداية ان تظهر دائما بشخصية قوية أمامها
مع عدم اظهار ذلك بشكل قاسي يعني مو تصير دفش وتلعن خير الضعيفه يعني بساسيه .
أما اذا كان تقليدي فهنا الآن يجب عليك أن تفرض قوة شخصيتك عليها .
الطريقة هي ان تقوم بمعرفة كل نقاط ضعفها وأن تقوم بمشاكستها باستخدام نقاط ضعفها
املك قلب المراه تصبح حياتك عسل
دفاشت الرجل اكثر هذا النوع من الرجال هو الغشيم في التعامل مع الجنس اللطيف
اللي يحب يجلس مع الشياب
انتبه تسمع كلام من يقول ورها العين الحمراء ومدري ايش
انت وسياستك وتعاملك الحلو معها تكسبها
تصدقون في شباب يقول وربي لو تموت زوجتي مامسكت يدها في السوق
وربي حاله . .. او اذا شاف واحد مسوي هاالحركه مع زوجته في السوق قال
خكري ماعنده غيره ومن الكلام الل مدري وش يبي


بختصار
افتح قلبك لها وانتي افتحي قلبك له راح تفرحون
<< هذا المفيد من هاالعباراه


ياشباب ويابنات
كيف بتكون حياتكم وكيف بتتعامل مع الزوج / ـه
اللي متزوج يشرح لنا كيف اختار حياته وش اصعب شي في بدايات الزواج
لاتبخلو علينا باالنصايح



تراني تعبت في الموضوع مو تدخل تتفرج انت ووجهك ولاترد :)


وسلامي لكم
والى اللقاء في موضوع قريب
محدثكم / جارح

.

[كاتـم الآهــات]

يعني لو الواحد يتزوج بوقت غير الصيفيه احس زواجه بيكون مميز وله طعم

جارح

احسن وقت للزواج الصيفيه واسأل مجرب

تخيل ان زواجك في عز المربعانيه

صدقني راح تتوهق والله يعينك على الانفلونزا

تخيل صاحي تصلي الفجر وتتروش ودرجة الحراره تحت الصفر <<<موب حاله

اللي متزوج يشرح لنا كيف اختار حياته وش اصعب شي في بدايات الزواج

شوف حبيب البي

انا عندي قاعده اثبتت نجاحها

اهبل البنت قبل تهبلك

اكبر خطاء يقع فيه الشباب في اول فترة الزواج هو اعطاء الفتاة اكبر من حجمه هو <<<لاتستعجل جايك بالشرح

الواحد في اول 3 او 6 شهور يدلل البنت تدليل موب صاحي وكأنه مافيه بالدنيا الا هي

حتى البنت اذا سألوها صديقاتها عن الزواج قالت ياليتني متزوجه من زماااااااااااااااان

وبعد فتره تزول (الطفه) ويرجع يعيش زي ماكان عايش اول <<<ابوطبيع

نفس البنات اللي فوق يسألون صديقتهم عن الزواج بعد مرور سنه وتكون الاجابه:

ياليتني ماتزوجت والله لو اني جالسه في بيت ابوي ابرك لي

هنا البنت المسكينه تصيبها صدمه وتبداء افكارها توديها وتجيبها

وبصراحه ماتنلام

الرجال قلب 180 درجه بلحظه

نصيحتي للشباب

اذا نويت تتزوج وقدر الله عليك وتوهقت وتزوجت

عامل زوجتك على قدك وعلى قد قدراتك العاطفيه

لاتجي في اول ايام الزواج وتجيب طبلونك من العواطف وتنثرها جميع

وبعد فتره ترجع اشهب اللهب وتسحب عليها سحبه اليمه

خل نظامك ثابت حتى لو كان عطاءك قليل

جارح

يعطيك الف عافيه

عندي كحشة نصايح ولي باك

[¶ بــآريــس ¶™]

[justify]
صادق كاتم بعيدين تفقد الرومانسية وتروح تتعرف على واحد ويحطها ملكة جمال العالم وبعد شهرين ثلاثة تقول ياليتني ما تعرفت < اقول اطلع برا الموضوع ولا عاد تدخل الا معك ولي امرك


انا والله إذا تزوجت بدلعها لين اطيح اللي براسي وبعدين خل تسب فيني موب مشكلتي إذا زعلت بشتري " طرطعان " واخليها هي وهي زعلانه بعدين اولع وحدهـ وافجرها تحتها اخليها تنقز فوق .. اول ما تنقز اقول ما شاء الله تعرفين ترقصين وما تعلميني < احلف بس يا إنك جالس بإستراحة مع اخوياك ولا إنك قاعد تحلم إنك محشش والشرطة ماسكتك

إذا تزوجت بخليها ترقص < احسن صورها بعد وانشرها بلوتوث وش له داخل على الشعب تقول بتخليها ترقص الظاهر ما يعرف يرقص الا زوجتك انت ووجهك < ياخي اموت في الرقص وش اسوي < ياخي من زين وجهك يوم تقول ابي وابي اللي يشوفك الحين يقول ملك جمال العالم لعام 2008 و 2009 على التوالي اها بس < طيب خلاص الدعوة جمال الروح < عذر الشين


جارح وش تبي من الموضوع انت ؟! ورى ما تتزوج وتفتك يا إنك شايل هم العرس من الحين .. لك ايام الا سنين وانت تفكر بالزواج وتطرية ,, ترانا مقطوعين مثلك ندور الدفا وساكتين نتظر الوظيفة وإذا سالنا احد قال متى ناوي تتزوج نقول متى ما توظفنا وتسلفنا من البنك وقلنا للوالدة يرحم امك شوفي اقرب بنت متفرغة للزواج لها القدرة على ليلة الدخلة والصباحية والأيام الباقية مجانا ,,

يا إني كل ما فكرت بالزواج وانا جاي تعبان ابي انام وزوجتي مسوية نايمة على السرير وحنى في المبرعانية الله لا يوريك اتخيل اشياء تخليني اتروش بعد ما اتخيل


< اطلع تكفى نام كبيت العفش


شكراً .. واستروا ما واجهتوا < ترا اسمك باريس يعني اسم مستعار اوكي ؟ < طيب اها بس

ملاحظة : ما قريت الموضوع الخط ما اشوفة im3
[/justify]

[ان عنيت اليوم باكر ماعنيت]

آلســلآمُ عليكُـــم..

أول شيء يـآجآرح إني مآفكــرت إني إتـزوج ولا رآح أفكـر .. وآلحمــد لله أني حآلفن يمين وربـي إني مآتزوج...يمكـن البعض يقول انـوة كـلآم بس .. يعني كلآم الليل يمحيـة النهـآر.. لآ لآ وربـي إني حآلف حآلف على القـرآن إني مـآتزوج.. آبي أعيش كل حيـآتي عزآبـي يآلبئ قلب العزآبيـة بس وأبي أكـون بعيد عن العش الزوجـي والخـرآبيط اللي مآل أمهن دآعي
وأنـآ أنصح كل شـآب جلس مع نفسـة بـ:أخر الليل وفكر انوة يتـزوج..، لحـد يفكر أنـوة يتـزوج وأن كـآنوة فكـر بيتـزوج لأيتـزوج سعوديـة نصيحـة أخوية طبعـاً.. وبعدين هـ:النصيحـة مآقلتـة عبث ، هذي طبعـاً جتـن من قِبـل درآسة ومجهـود و تجـآرب نـآس أوضحوآ لي بـ:أنهآ سيئة جداً جداً..
يعني الوآحـد إذآ فكـر يتزوج،. يتـزوج شيء سنع مهوب يـروح يأخذ لي وحـدة لأوجه ولأجسـم ولا شيء يفتـح النفس.ليـة تعـب نفسك وتأخذ لك سعودية.؟ .. أنت أنسسـآن تبـي تتمتع بحيـآتك مآتبي تأخذ لك وحـدة من أول شـور تآيـم، كـآرهـة ههههه.


وأنآ ودي أعلق على نقطـة تدبـل التسبـد ...
مـن إلمتخلف هذا اللي يقول ان الرجآل اذا مسك يد زوجتـة بالسوق .{خكـري.}.؟
وربـي لأمسك يدة لآ وبعـد هي مهيب جآيتن على مسكة اليد وبس .قسمبـلآآآة لأمشي انا ويـآة وحنآ خآمين بعض ،
خـل النآس تكلم، خـل الشآب الرجـآل الزآحف الكفـوو اللي مسوي لي فيهـاا انوة بطل يتكلـم..قسمبـلآآة شيء يرفع الضغط .طيب انا متزوج علشان اعيش اللحظـآت هذي . يجي هذا الزآحـف ويقول خكـري اللي يمسك يد زوجتـة هههه يآصبـررر الأرض بس طيب يعني مسوي انـوة اذا سافر هو مرتوة شهر العسل برئ السعودية مهيب مخلية فآتشة .؟ إلأ أكيـد بيخلية فآتشة .. طيب ليش هذا النفآق من الاسآس .. يـ:أنك تمشي على الطريق اللي انت مآشين بوة . ولا ضـف وجهـك.

أجل رجآل بس أنـك تمشي ورآزن لي كتوفك ومسوي فيها رآمبوا وآخر شيء انـوآع الإهآنآت اللي تجيـة بالبيت

[¶ بــآريــس ¶™]

يعني الوآحـد إذآ فكـر يتزوج،. يتـزوج شيء سنع مهوب يـروح يأخذ لي وحـدة لأوجه ولأجسـم ولا شيء يفتـح النفس.ليـة تعـب نفسك وتأخذ لك سعودية.؟ .. أنت أنسسـآن تبـي تتمتع بحيـآتك مآتبي تأخذ لك وحـدة من أول شـور تآيـم، كـآرهـة ههههه.

والله كل واحد يتنقى على حسب شكلة موب يطلب وحدهـ تشبه برتني ويقول ابيها ابيها وهو وجهه يشبة وجه رابح صقر وهو يغني اغنية " احساس " .. لازم تقدر وجهك الإجتماعي واللي بتاخذها ,,

يعني انت لما تشتري لك قفازات ما راح تشتري كل وحدهـ لون أو شكل غير بيكونون زي بعض شي أكيد ,,

بعدين وش ذا اللي يخمخم حرمته في الشارع رح البيت وخمخمها ,, اصلاً لا تلبسون شي في البيت حرمتك عادي لا تستحي ,, بكرة تخمخمها في الشارع ثم تطرحك الهيئة وتصفقك وانت ما تدري وش تسوي وتتصفق قدام حرمتك مالها داعي ,, خلها في البيت الخمخمه < مدري ليش انطقها واتخيل شكلك ماسك حرمتك مع رقبتها على وشك تلعب معها مصارعه

انا ودي تتزوج لك وحدهـ من دلخات عالم حواء وتسوي لك الحركات اللي مدري وش تبي ,, يا إني دخلت مرة هناك موب بس مرة الا كل شوي .. ولقيت لبس فيه قفازات في اماكن معينه يا انهم حسسوني انهم يلعبون على الرجال .. المهم انها تصرقع بك كل شوي وهي مسوية لك شي .. اشوفك بكرة تدور الحرمة الثانية وانت كاتب هنا منت بمتزوج