خبر عاجل ياعضاء الزين ( إبليس يبي يهاجر )

[ساهر السلطان]

بسم الله الرحمن الرحيم

حقيقه انا زمان... مادخلت منتداكم >>> من الزحمه مااحصل محل ...لوووووووول

ومدري ليه.... اعضاءكم يهاجرون واحد ورى الثاني >>> اعيدوا النظر بسياسه المنتدى

اسألوا ( اليكسا ) وبيعطيكم الخبر ....اليقين

المهم ماهو هذا موضوعي ....موضوعي طال عمركم صحيت اليوم زي كل الناس يعني

لقيت ورقة بالباب إن إبليس زعلان .. وفيه إشاعات إنه رايح يهاجر أو يسافر ..

محد متأكد بالضبط .. وعشان أتأكد من هالخبر هو صحيح .. أو مجرد إشاعة يقولون ..

شديت العصابة على راسي .. وتوشحت سيفي .. ورحت لإبليس ودقيت جرس الباب ..

فتحت لي الخدامه الباب .. وسألتها عن إبليس قالت لي بغرفته ..

رحت للغرفة ودخلت ..

شفت إبليس يلملم ملابسه في حقيبة .. ويرتب باقي متعلّقاته ...

وأشوف على الطاولة ورقة استقالته موقّعة ومختومة حسب الأصول ..

وجنبها تذكرة سفر إلى جزر القمر ..

كان باين عليه إنه حزين .. وملامح وجهه كلها كآبة .. وإحباط , ويأس ..

واعترافٍ بالعجز والفشل ..

إبليس راحلٌ عن بلادنا إلى غير رجعة ..

قلت له :
يالله حيه .. وشلونك يابو الشياطين .. أشوفك تلملم أغراضك ..!!..
.. وين يامسهّل ..!!..؟؟..

قال لي :
يارجال مالي قعدة عندكم .. صارلي سنين عاطل عن العمل..
وقرّبت أموت من الجوع .. وما أحد حس فيني .. أقول معك سيجارة بس ..؟..

قلت له :
وش السالفه يابُسبُس ..؟؟.. وش فيك ..؟؟.. إذا أنت زعلان نرضيك ..
وإذا أحد داس لك على طرف علمنا .. وشف وش نسوي فيه ..
تراك عزيز وغالي يا بُسبُس ..

قال لي :
يا رجال خل عنك الهذره الزايده ..
إلا إبهاجر وأخليكم .. وما رح أترك فيكم لاوسواس ولا خنّاس ..
كنت من زمان أوسوس للوحدة تترك ولدها يبكي وهي تسولف مع جاراتها ..
الحين صاروا لحالهم .. يرمون عيالهم أوّل ما يجون ..!!..

كنت أوسوس للواحد ينسى يسمّي بالله قبل ما ياكل ..
الحين الواحد مايلقى شئ يأكله يا رجال..!!..

إذا أنا إبليس .. وهو أنا .. تسمّمت بالشاورما ..!!..!!..

يا خي .. كنت أوسوس للشاب انه يرمي له كلمة على البنت وهي ماشية بالشارع ..
صاروا البنات هم اللي يرمون على الشباب كلام أنا استحي اقوله ..!!..

أجل واحد يسرق 100 مليون عيني عينك يسجنونه 3 سنين بفيلاّ على البحر ..
وإثنين يدورون رزق بالزبالة يمسكونهم الشرطة ..!!..

إنتو تبون إبليس إنتوا ..!!..؟؟..

صار عندكم فائض بالفساد يكفّي 30 سنة قدّام يا رجُل ..

صرت أخاف على نفسي منكم يا رجال ..!!..

صرت انجبر أحياناً أوسوس بالمقلوب .. وأقول للمسؤول إرحم ..

وللحرامي يكفّي .. خلّي شويّ للحراميّة اللي جايين بعدك ..

يعني إذا إنتو لحالكم ما شاء الله تسوون كل هالبلاوي ..

أنا إبليس وش أسوي ..!!..؟؟..

أشتغل سواق تاكسي يعني ..!!..

ولاّ أفتح محل حلاقة ..؟؟..!!..

.... بصراحة رحمته ....

[¶ بــآريــس ¶™]

لا عاد اكثر شي في الرياض الحلاقين والتكاسي ,, خل يفتح منتزهـ ترفيهي

خل يفتح مسطحات خضرا ,, الرياض كلها بيوت واسواق وشوارع ,,

تحس إنك في اغنية عبد الله الرويشد ونوال الكويتيه يوم يدورون من ورا المجسمات !


المهم

ابليس يطق اصبع الحين ,, فرحان ومتقطع فرحة ,,

اذكر قبل 5 سنوات فالمنتديات نقول تخيلوا بعدين البنت ترقم لها ولد ؟!

الحين اتفل في وجهي إذا ما كان الواحد داخل منتدى وما يعرف يرد الا وجتة رسالة مكتوب فيها : امووووووت على الثقل ياخي دايم اراقبك واحس انك غامض ومدري وشو .. وهو اصلاً حتى رد رسالة ما يعرف المسكين وجالس لحالة وخايف ..

حقيقه انا زمان... مادخلت منتداكم >>> من الزحمه مااحصل محل ...لوووووووول


ومدري ليه.... اعضاءكم يهاجرون واحد ورى الثاني >>> اعيدوا النظر بسياسه المنتدى


اسألوا ( اليكسا ) وبيعطيكم الخبر ....اليقين

موضوعك له دخل بالأعضاء اللي بيهاجرون ؟! .. انهم مالهم حيلة لو هاجروا الدول اللي جنبنا تقدر شوي ..

لك يا قلبي $222

[غزال ومـا يصيدونـه]

بالأول كان ابليس مسمى محصور في شياطين الجن

لكن الحين صار فيه شياطين من البشر

والفرق بينهم إن شياطين الجن امرهم سهل نستعيذ بالله ونقرأ المعوذات

وبأذن الله يذهب عنا اذاهم اوما شياطين الأنس شرهم اشد واقوى

وشيء طبيعي بوجودهم راح ينعدم دور ابليس

ابليس من بداية الحياه وهو يوسوس للناس بالشر ويدلهم عليه

لكنه ماعرف إنه إحياناً ممكن يتفوق التلميذ على معلمه

مير الله يكافينا شر شياطين الجن والأنس


.

[شموخ أنثى]

حقيقه انا زمان... مادخلت منتداكم

ومدري ليه.... اعضاءكم يهاجرون واحد ورى الثاني >>> اعيدوا النظر بسياسه المنتدى

هماك زمان عن المنتدى وش دراك اجل بهجرة الطيور قصدي الأعضاء ..

وما رح أترك فيكم لاوسواس ولا خنّاس ..

خخخخخخخخ المشكله انت اصل الوسواس الخناس ..

ودامك اجل بتوسوس بالمقلوب

تكفى وسوس للأعضاء اللي هاجروا واللي بيهاجرون قل لهم تكفون هاجروا

عشان يصير العكس ويرجعون ..

أنا إبليس وش أسوي ..!!..؟؟..

ابد تعال سجل عندنا بالزين وبتلقى اللي يرضيك اثق بذلك ..

8

8

كل هالخطابات لـ ابليس

اما انت ياراعي الموضوع فـ لك الشكر :25ar:

[جزيل المعاني]

هههههههههههههههههههههههههههههه