[frame="1 80"]
من كتاباتي
أخوكم / علي
كل السنين تروح وانتِ على البال
عيني تشوفك ماتبي غير شوفـــك
ضاع العمر ما يوم تنشد عن الحال
وأنا علـيك من الولـه مـتّ بطيوفـك
لاأنت بولد عـم ولاأنت بولـد خــال
لكـن شعـوري صافحك في كفوفـك
وكانك تبي تحتال صعب علي تحتال
لانــي درستـك في مراســل حروفــك
دمعـي عشانك سال وأنت ولا ســال
وأنـا ظـروفـي مـا تسـاوي ظـروفـك
كلّن يحـب المـال وأنتـي لـي المــال
شـوفِ الـوفـا وشـلـون كاتـم بلوفـك
أسرجت خيـلي مركـب الخيـل خيّـال
وأعلـن معـاك الـحرب وآخذ سيوفك
وياوجـد عينـي وجـد قطّـاع الأميـال
فـاقـدعـزيـزن راح مـرواح شـوفــك
[/frame]
مواقع النشر (المفضلة)