من كتاباتي .....

[صـــادقـ الشـوفـ]

[frame="1 80"]
من كتاباتي
أخوكم / علي

كل السنين تروح وانتِ على البال
عيني تشوفك ماتبي غير شوفـــك

ضاع العمر ما يوم تنشد عن الحال
وأنا علـيك من الولـه مـتّ بطيوفـك

لاأنت بولد عـم ولاأنت بولـد خــال
لكـن شعـوري صافحك في كفوفـك

وكانك تبي تحتال صعب علي تحتال
لانــي درستـك في مراســل حروفــك

دمعـي عشانك سال وأنت ولا ســال
وأنـا ظـروفـي مـا تسـاوي ظـروفـك

كلّن يحـب المـال وأنتـي لـي المــال
شـوفِ الـوفـا وشـلـون كاتـم بلوفـك

أسرجت خيـلي مركـب الخيـل خيّـال
وأعلـن معـاك الـحرب وآخذ سيوفك

وياوجـد عينـي وجـد قطّـاع الأميـال
فـاقـدعـزيـزن راح مـرواح شـوفــك
[/frame]

[هدوء البحر]

صح لسانك وبالله التوفيق
انتظر جديدك وانا متعجبه للحين مافي ولا رد من نقادنا وادبئنا فالمنتدى
بصراحه كلماتك اعجبتني حيل
تقبل طلتي

[صـــادقـ الشـوفـ]

الله يعطيك العافيه هدوء

والله زي ما انت شايف

لكن ما ندري وش العلة
ما ادري هل الاعضاء والمشاركين ما يحبو القراءة
والا الموضوح ما عجب احد
علما ان لي ما يقارب اربع سنوات بهذا المنتدى لكن ....
على العموم الله لا يحرمني طلتك يا هدوء

[ذكريآت الأمس]

كلمات لامست الاحساس بنبضها
صح لسانك و سلم نبضك
و دمت في سلم القصيد ترتقي

[صـــادقـ الشـوفـ]

مشكوووووورهـ والله يعطيك الف عافيه

على الطله الحلوه دمع الزهر

تحياتي

أخوك / علي