يا ناس أسمعوا قصة واحد مسجوني
يا ناس ذبـح السيف يا ناس هايـبــه
أفــضـــل بــالــرصـــاص اقــتــلـــونـــي
والعين ملـفـوف عـليـها عصـايـبــه
لـــعــل بـــعـض الــنــــاس يـعــرفـونــي
ودي لـو التـنفـيذ والشمـس غـايـبــه
أنـتـم عــرفـتوا قصتي فارحــمـونـي
أخشى أن تصير على أبوي عايـبـه
لـو يعـرف إنـي مـــــروج لأفــيــونــــي
ولو يـعرف إني للمـسـلمـين جايـبـه
ومدمن حشـيش مثـقـل بالـديـونـي
يدعـي علي ودعـوة العـود صايـبـه
ولا تخبــروا اللـي بطبعه حنـونـي
الوالدة تـكـثـر عـلـيـهـا مصـايــبــه
أخاف لي دريـت يصيبـها جنـونــي
أو علـة تبقـى عـلى النـفـس شايـبــه
من ضاع عـقـله ما تفيد العـيونــي
والعـقـل مـن مـد الكـريم ووهـايـبـه
واللي جرح قلبي وزود طعـونــي
جماعتي اللي من سدنتي قاطعونـي
ما طعتـهـم لكـن نفـسي تـلومنــي
رمـيـتـهـا فالـشـر وأعـمال خايـبــه
ما صار لي وجه اسأل جماعتي
وما زارني من كنت أنا من حبايبــه
كـل تخلى ما يـبي هـو يـشـوفــنــي
هـذا خـطــاي وشـلـتـي هـم سـبايبه
حرمني أولادي وأهــلي وزوجــــتي
مـا كـنـت أفـكـر كانت النفـس عايبه
هـذي سـبايـب شـلــة دهـورونـــــي
وصـارت ثمر راسـي فوقي نصـــايبـــه
حـسبـي عليهم شـلة ضـيــــعـوني
والـمـوت حــان وجــهــولي ركـايـــبــه
الله يــــرمــيــهــم مــثـل مـارمــونـي
موت المـهـونه شـلـتي هـم جـلايـبـه
ما طعت يوم الطيبين انصحوني
ولا يــنـصــح الإنـسـان الا حبايبه
يالله يا للي أمرك بين كافر ومؤمني
خلـقـتـني مــن بين صـلـب وتـرايــبــه
عوض علي دنياي واحسن ظنوني
واغـفـر لمـن نفسه عن الشين تايبه
يا للي حضرتـم مقتلـي سامـحونـي
وهـذي نـهـاية قـصـتـي مع سـبايبه
__________________
مواقع النشر (المفضلة)