خلاص ابي اتزوج تعبت انا .. يلعن القهر :smile:
< شفتوا الصورة الرمزية ؟ p;jolvldkv
وقسم وانا في قوقل شفتها خقيت على طول .. شفت صور كثيرة بس ذي شدت انتباهي بقوة وخقيت معها p;jolvldkv ..
متخيلين وضع المتزوجين ؟!
مرات اكون في استراحة ومعي 3 او 4 متزوجين .. الدعوة موب هنا .. الدعوة لما نطلع وكلن يروح البيت من اللي بيستقبلهم ؟! Confused33
العن ام الفلة يدخل يحصل زوجته تنتظرة قبل لا يجي داخلة عالم حواء وشايفتن لها موضوع من المفاجئات الغبية اللي تصير .. وانواع الفلة يعيشها يوم يدخل البيت .. images11
وانا اجي ادخل احصل ابوي واقف عند الباب يقول وينك فيه يالسربوت من اليوم ؟!! :12ar: images11
شفتوا الفرق كيف ؟
والله المتزوجين فلة ما يخافون لا من هيئة ولا من شي < اوووم الشطحة
تهقون لو يقولها ترقص ترقص ؟ لا تكون اجابتكم ايه بنقهر .. بيتقطع قلبي وقسم من القهر .. لا خلاص اسكتوا لحد يجاوب .. < ياعمي حط على غنوة ولا يكثر
بس مرات افكر واحس الزواج سماجة الحين .. ياخي المواقع والقنوات سمجت ابو الدعوة .. من اول الواحد يتزوج وكل اللي يمر فيه مفاجئات .. الحين المواقع مثل عالم حواء يصلحون يألفون قصص من كثر الأفكار اللي مألفينها .. images11
أجل إذا دخل زوجك سوي نفسك نايمة ؟ الا متى يعني نايمة وش ذا السماجة .. وإذا قرب يبي ينام قومي وقولي : اووهـ حبيبي توني كنت حالمة فيك وانك سويت كذا وكذا وكذا " وقولي اللي ودتس فيه .. بوس ما بوس لا توفرين" .. يعني وش ذا الوقت الغبي كانت نايمة والرجال جاء على اساس متهيئ للنوم وذي تبيه يتروش بالوقت الضايع
نجي القنوات رقص ومقاطع في افلام وكل شي طالع حافظينها من ايام المراهقه < ما يقصد شي.. كل ما شفنا لقطة رومانسية قلنا إذا تزوجنا بنسوي كذا .. سمج الفلم ومرت عليه سنوات لدرجة اننا نطالعه ونقول وش ذا الفلم المغبر .. والمشكلة اننا للحين ما تزوجنا !! .. الواحد يصبر يصبر يصبر لين يتقطع .. وأخر شي يتزوج والمهر سلفية من البنك ما يسددها الا بعد 5 سنوات من الزواج .. وش ذا المزاج الغبي ديون وحالته حالة
ابوك رومانسية نسمع فيها ولا نشوفها
بس ولو بتزوج لو اتسلف .. لو اتزوج يومين بس أهم شي اتزوج ..
بس تهقون بيصير كذا ؟
رد: اتزوج ما اتزوج ( فيس ماسكن وردة وينتف فيها )
مواقع النشر (المفضلة)