سمعنا عن السرقات الإلكترونية ,, فأنسرقنا الكترونياً < ياشيخ طير بس

[¶ بــآريــس ¶™]

السلام عليكم ورحمة الله وبركاته


كيفكم ؟!


يالربع مدري وش اقول والله إني مير مستحين منكم وهو كذالك مير مدري وش اسوي " فيس مخبوص مندبلتن تسبدة من بعض حركات الشعب اللي مالها سنع .. مثلي يعني " ..


سمعنا عن واحدن يسرق موضوعك لمنتدى ثاني وينسبة لنفسة ,, وانت من القهر تقول في نفسك لوني موب مميز كان ما سرق موضوعي " تحاول ترفع لنفسك شوي وتنسى السالفة "

سمعنا عن واحد يسرق يوزرك في منتدى ثاني ويحوس ويدوس ويمكنه حاقدن عليك ويشوهـ سمعت اليوزر وانتم تعرفون النت كل شي حولك يمكن واحد من اللي في المنتدى عندهـ يدخل الزين ويشوف نفس اليوزر وياخذ فكرة غلط يمكن .. " مير بالطقاق "


سمعنا عن واحد يسرق اسلوبك ,, ويكون معك في المنتدى ,, قبل يومين يكتب تقول يكتب في حصة تعبير بداية الجملة ماشي على السطر ونهايتها نازل ثلاث سطور عن المسار الصحيح

وفجأة تشوفة يكتب زيك ويستخدم حركاتك مثل " ,, أو ـــــــــــ أو !i! " يعني بالعربي الشعب يعرفك فيها .. اكيد ما اكتشفت الحروف انت ولكن أنت اللي سويتها في البداية بتميز نفسك شوي الشعب كلهم مثلك ,, عادي نتقبل الوضع من زين اسلوبنا الحين في الكتابة


خلونا نخش بالغويط وأقولكم اللي صار معي في أحد المنتديات اللي مسجل فيها قبل الزين ,, " المشكلة فيه أعضاء هنا موجودين هناك " .. المهم ,, دخلت المنتدى أمس كنت ناوي اشارك ,, اللي اعرفة إن اسمي كان قبل لا اطلع منه في أول الإحصائيات ,, ولازال كذالك .. لكن وين المشكلة ؟! ..

إن المدير غير رقمي السري واليوزر وعطاهـ لواحدن ثاني ,, وصار يشارك " أو بمعنى اصح يكمل المسيرة من بعدي " !! .. انا ادور اسمي ما لقيت ,, دخلت وبحث عن مواضيعي لقيتها في نفس اليوزر اللي كان اسمي !! .. يا اللهي ما هذا الكلام ؟!

يعني بالله وش يحس بوهـ ابو الشباب ؟

مسوي الحين انه هو انا بس مغير اليوزر ويكمل عادي جداً ؟ بالله ما يستحي على وجهه !! .. لأنه يا طويلين العمر معروف هناك اكتب كذا " ,, " .. فاصلتين يعني أو نقطتين ,, دخلت الملف حقة لقيته يسولف مع الأعضاء بنفس الطريقة يعني مسوي بيقلدني الحين ولا وش السالفة ؟!!! im22


تدرون شلون ؟

أنا برب اروح اشيك على السيارة لا تنسرق بس

[أم صقر]

وجوالك بعد شيك عليه

[أم الغالي]

أهلآ باريس

بخير يامال الخير ..

إنت وش أخبارك

كل اللي تكلمت عنه من السرقات .. مايهم .. لانه شي عادي ويتعوض ..

لكن المشكله لا إنسرق منك شيء غالي .. وتشوفه بعيونك ولا تقدر ترده ..

سواء شخصي أو شبه شخصي ..

عمومآ مافيه أمل أحد يسرق مني أي شيْ

علشان كذا بترك الصفحه وأغادر ..

ولك من أعذب التحايا $222

[شموخ أنثى]

اقتباس:
إن المدير غير رقمي السري واليوزر وعطاهـ لواحدن ثاني ,, وصار يشارك " أو بمعنى اصح يكمل المسيرة من بعدي " !! .. انا ادور اسمي ما لقيت ,, دخلت وبحث عن مواضيعي لقيتها في نفس اليوزر اللي كان اسمي !! .. يا اللهي ما هذا الكلام ؟!


هذا الكلام يعني انه حايمتن تسبده منك
لا عاد امزح هذا يعني تكملة مسيرة العظماء

[merci]

وش يسوون شخصية عظيمة بـ عدم تواجدها يروحون الأعضاء