السعودية vs البحرين (يانروح لجنوب افريقيا يا نجلس في الرياض احسن لنا)

[باك..]

بسم الله الرحمن الرحيم







كاس العالم حلم اغلب المنتخبات و من ظمن هالمنتخبات منتخبنا .. قدر الله علينا واخذنا المركز الثالث في مجموعتنا بعد الكوريتين .. على شان كذا لازم نلعب الملحق و ندخل في معمعت الملحق كأول تجربة لنا في الملحق .. البحرين بعد يقولون انه يحلم زينا و هذا حق مشرووع له .. و بعد البحرين اخذ المركز الثالث في مجموعة بعد استراليا و اليابان .. و حظة الي حذفة يمنا و صار الملحق بيننا .. وكلنا حبايب و الجسر يشهد .. البحرين تعتبر المرة الثانية له عن طريق الملحق .. و طلع المرة الاولى على يد (نسيت منهم )






مثل مانعرف اننا لعبنا مباراة ذهاب في المنامة و بغض النظر عن المستوى اللي طلع به منتخبنا اللي لعيبة الحواري اطلق منهم .. طلعنا بتعادل انا اعتبرة بطعم الفوز من حيث ان البحرين بغت تاكلنا الا شين بسييط لولا فاغة مهاجمينها و استبسال وليد عبد الله (صورة قلب ينبض بحب و حنان) .. اتفقوا المنتخبين على تأجيل الحسم في الرياض و ما ادراك ما الرياض .. الرياض رياضنا و معصي يتأهلون من عندنا .. اجل يجون من البحرين و يقصون تذكرتهم مع نيوزلندا من الرياض لا بالله يبطون عظم (والله يا انا اهايط بلعيبتنا مع انهم ماينشد بهم الظهر) .. مباراة الليله حيات او موت يانذبحهم يا يذبحونا .








منتخبنا و اه من منتخبنا .. منتخبنا من اخر خمس مباريات و المستوى مدحدر كل ماقلنا هالمباراة مباراتهم و تحمسنا معهم جلطونا و لا كأنهم يدرون عنا

انا اتمنى من بيسيرو يفك اومنا من سالفة الاوفرات ياخي خلاص هزازي اصيب (الله يقومة بالسلامة) من عندك ضارب راس غير هزازي .. و بعدين صح فكنا و ليرحم والديك من سالفة 3 محاور من متى المنتخب يدافع يابيسيرو و لا بعد قدام البحرين

يعني يابيسيرو نبي التشكيلة بالدفاع مايتغير احد و بالوسط حط المحور كريري و جنبة احمد عطيف و عط عطيف مساحة يتقدم فيها و قدامهم الشلهوب ضروري وجود صانع اللعب و جنبة الدينمو محمد نور و قدامهم ياسر و ناصر الشمراني او السعران .. نبي لاعب جاهز مانبي واحد توه راجع من اصابة و ينزل اساسي

ادري يابيسيرو انك منت بحولي ولا قاعد تسمعني على شان كذا ماني متعب نفسي على الفاضي

تشكيلة المنتخب المتوقعة







اية صح يابيسيرو نبي الاعب الجاهز و نبي بعد الاعب الشاب النشيط مانبي عواده (مايقصد احد ابد )








مدربنا مدرب الغفلة


















البحرين و حلم الوصول لكأس العالم لأول مرة مابينها و بين تحقيق حلمها الا السعودية (ماتلاحظون اني ساحب على نيوزلندا ماكن احد بيقابلها) ... البحرين تلعب بفرصتين بفرصة الفوز و بفرصة التعادل الايجابي .. يعني طريقة البحرين اللي ممكن يلعبوا بها الليله انهم يقفلوا مناطقهم الخلفية و يحاولوا يخطفون هدف من هجمة مرتدة

تشكيلة البحرين المتوقعة





تخووف تشكيلتهم عندهم سلمان عيسى علية انطلاقات صاررروخ ولا احد يوقفة







مدرب البحرين




ماتشالا









بطاقة المباراة






حكام المباراة

حكم ساحة :- ايرماتوف رافشان (اوزبكي)
مساعد حكم أول :- راسولوف عبدوخاميدولو (اوزبكي)
مساعد حكم ثاني :- كوتشكاروف بهايدر (اوزبكي)





في الاخير نتمى مشاركة افكاركم معنا

1) تحليلك للمباراة

2)افضل تشكيلة

3) توقع النتيجة

وان شاء الله سوية نرجع نبارك لكم سوا كنتم سعودين و الا بحرينيين

و شكرا لكم

[جـــآرح]

أنا من رايي يجلسون في الرياض ونكمل الدوري احسن

الدوري عندي اهم من تجمع هاالزلايب وتسميته منتخب
اجل منتخب يرقع من كوريا الشماليه ومن عمان يتهزاء
الله يرحم ايام منتخب 94 بس
يالبى ذيك العناصر

خلونا نعطي الفرصه حق البحرين والله يستاهلون

"


المشكله ان بيسيرو مدرب جبان اجل يلعب قدام البحرين بثلاث محاور و وسط واحد

المهاجمين ماتو قدام مايوصل لهم ولاكوره

ليه الخوف هذا كله ... يلعب مع البرازيل اهو او كيف
تبي الفوز يابيسيرو << والله لاتبطي ياشيخ
العب من بداية المباراة بمحمد الشلهوب مع محمد نور
وياسر ومالك قدام
والشوط الثاني نزل ريان ضامه ليه عطه فرصه
اجل الشمراني هالاناني من جد ماضيعنا الا الشمراني
الزوري << ياصبر الارض
لعب حسين منطقة الظهير الايسر والمحاور كريري وعطيف
حسن معاذ ظهير ايمن والسناتر المنتشري وهوساوي
وشوف كيف بيلعب المنتخب

بصوت واحد كلنا ياسلطان بن فهد جبن لنا المدرب الهولندي هدينك
وخله يبني لك منتخب

"

عموماً أخيراً اقول باالتوفيق لمنتخب البحرين الشقيق

لاهنت باك على التقديم

[جـــآرح]

نسيت اتوقع النتيجه

3/1 البحرين

[!MaRkO!]

يالله حي باك ..

ايه دا كله ..

بتخطف مني القوائز الرمضانيه ..لبيه وش ذالحكي <<فيس حليمه ...

صرآحه تقديم أوكيه ..

خمسه وخميسه عليك ..

نجي للتحليل .. يابسيروو والله لو تلعب مع البرازيل ماسويت زي تسذا ..

أجل تلعب بثلاث محاور نعنبوا بليسك .. كان لعبت بمهاجم واحد أفضل ...

أنا أؤيد تشكيلة جارح لكن أقول إن بدل مالك معاذ ريان .. كرأي يعني أدري محد مؤيده لكن مالك موبجاهز أبد ..

ياسر حبيبي ياخي إذا أنت تقدر تشوت الكوره في الباب شت ماعليك لو إن شاءالله يعفطون رجلك ..

اخي شووت وريح مخك ثم فكر بالبلنتي قصمن أدناة واحد يلمسه على طول إنسدح

عالعموم توقعي أن المنتخب يضيع وكل شي والدقيقه 80 يجيبون البحرين هدف ثم يقفلون تسني أشووفها تسذا ..

وألف شكر لك بآآآآآآآآآآآآك ..

[! .. مـشـعــل .. !]

اتوقعها فوز سعودي 2 / 0 او 1 / 0 ..
بشرط مايلعب بحسين بخط المحور ويرجعه لمكانه الأساسي ظهير ايسر ..
مدرب يغير خانات اللاعبين , ويلعب بمحاور هجوميه وش تترجى منه ..؟ !
وليد ..
حسين .. المنتشري .. هوساوي .. حسن معاذ ..
كريري .. الغنام ..
نور .. تيسير الجاسم ..
ياسر .. الشمراني ..
هذي التشكيله المناسبه .. ألي بصف رابع " ب " , يعرف يرسمها على خط الملعب ..
بالتوفيق للأخضر .. وان خسروا .. بالتوفيق للأحمر وفالهم المونديال ..
لاهنت يا باك ..