الشاعرة / العنود العبدالله .. و ندى عذوبة الإبداع في قصيدها ..}

[ذكريآت الأمس]

صباح / مساء الزهـر ..}~




الشاعرة// العنود العبد الله


شاعرة استثنائية يجتمع معها جمال الحرف مع توازن الكلمة
عذبة الالفــآظ ..وقادرة على التقاط مواطن الجمال واحترافية عالية في التصوير
وقد حصلت بالرغم من صغر سنهـا 18 عامـاً .على إشادات من كبار الشعراء






......اترككم مع حروفها .....


حيث الجمال مع احاسيسها..
ولتسقينا شهدآ من رحيق ابداعهــآإآ

شفت البحر لاضاق صدره .. على الفُلْك
...نفسه شعوري لاجتك "لحظة الضعْف"..!!

لاضاق صدرك ..اعتبرني مْـن آهَلْك
...تعااال فضفضلي عن همومك .. وشف

اصير لَك مثل )السحابه(..وابلّلْك
...مع ان جوفي من)مطر ضيقتك(..جف..!!

ماكان قصدي إني.. بهمي اشغلْك
...بس حولنا اشياء ..في (قمممة السُخف)..!!

المجتمع ..والظلم ..واني ماأ وصلْك
.....تجبرني اخنق مُعظم .. انفاسي بـ :أُفّ!!

من كثر ماعَرْفِك..آحس اني آجهلْك
...ياللي سكـوتك حد ذاته ... تِفلسفّ!!

تدري وش آحسك ..وآنا آتأملْك
..طفلٍ مُهذّب جالس فـ "أول الصف"

تعاال نغفى في وسط " دفتر السلك"
....تعاال نسمع ..همسة الرف ..للـرفّ..!!

تعال ننـ(ففف) ـخ "شمعة الهم" ...داخلْك
.....تعال نعطي "وجه الاحزان" ....كم كَف..!!

تعااال نرسمنا على .."جْدار منْزِلْك"..!!
.....تعااال نشطبنا من ..."جروووح تنزفّ"..!!

وان كان جيتك ..ذات ليله ..ابسألْك
......عن حبل بُعدك : ليه في عِنْقِي إلتّـف ..؟!

اضحك عليّ..وقلّي معقووله( اقتلْك)..!!
....وآنا ابضحك لك..واقول (ايييه صرّف).!!

يا(حلم عمري) وانت ..اقبَحْك اجمَلْك
......عن عرقلة ركض الأحاسيس بي ..خُف..!!

وان كان جيت مْن الوله ...)ودي آكلْك(
......اصرخ عليّ ..وقلّي : )آحبك بعنف (....!!

:::::
:::::

واطرق على باب حظي واجلس آنادي :
(ياحظي وش فيك/كم لي عام وآنا اطرق؟.


شفني شَعَلْت التفاؤل ....وَسْط منطادي
وشف كيف سكين يآسي/يضحك .. ويخْرق!!


يسرقني الدمع../من بسمات أعيادي
وانا ولاربعِ بسمه../ قادره ... اسرق ..!.


عادي لو آموت ../دام الموت شي عادي
ودام المواجع/مراسي ... :بنتبه و../ اغررررق!

::::::


::::::

ياصاحبي .. خلك معي ..لو تكرّمت
.....والله عشانك إنت ../ ماهو عشاني..!!
اسمع كلامي زين .. دامي تكلّمــت
....وماراح آخـذ منْـك ../ الا ثـواني
"الحين لو صابتني شوكه.. تأزمت
....وشلون لاصبّوا رصاص..فـ أذاني !!"
عرفت.. ليه بوضعي هذا تأقلمت!!
....وليه ..آتكدّر .. لاسمعت الأغاااني!!

::::::
::::::

الصبح .. والجرح .. وانا .. وانتظارك
...... على كفوف الغيم ،، ننتظرك هناك


يمر فينا .. فوق شباك دارك
ياليت تفتح .. لهفة الغيم ، شباك


هذاك داخل درفتينه ، نهارك
... وبرا ظلام .. وخوف . واحزان .. وارباَك


على الاقل .. القى بقايا غبارك
...... ارحم من أني اجلس سنين ، مَ القاك


داخل..صورك اللي حضنها جدارك
....... لوحاتك .. عطورك .. دفاترك .. فوضاكْ


يا أخي كفايه بُعد .. ارحم صغارك
عصفورتينك.. "طفلتك" باقي اشياك


كل شيَ في" حفل انتظارك" يشارك
....... وكل شي يحمل شي منك ,, لذكراك


طريقك وازهار بيتك ،، وجارك
جامعتك.. اهلَك .. ذكرياتك ومقْهاك


الكل مُحبط .. من قساوة قرارك
....... والكل فاقد كل حاجه .. بلياك


سافرت والحْزن ارتمى في مطارك .
......... شوفَه ايلين اليوم يلثم بقاياك


كل ماخنَقك الهم .. إفتح زرارك
وكل مالمست الحلم .. قم حب يمناك


مرجحت غصَنك وارتمت لي ثمارك
......... قَلي متى ؟ يمرجح الغصن؟؟ والقاك؟


مو مشكله: يتبع دمارك.. عمارك
........ المشكله:؟ تتبع عمارك .. خطاياك


الصبح طاح .. وامتلى صبح دارك
...... وناديت: ياشباك ,, مارد,, شباك

[ذكريآت الأمس]

اهنا برد .. ولبس صدر السما /..هالليل
هنا الأشياء .. تتعاتب .. مع الاشياء

هنا ضوضاء .. محتاجه.. هدوئي حيل
هدوئي ..لازم يشتت .. بعض ضوضاء

هنا..(عتمه)..وانا في داخلي../. قنديل
انا..(عتمه)..ومن حولي كثير اضواء

هنا ..كذب علي "إبريل"../ وراح إبريل
وخلاني "لبيبه".. خانها .. الايماء

ربع ساعه../ وتجيني "النادله".. بتشيل
بقايا قهوتي../: عفواً.. ابي لي ماء

نشف (ريق الشعور).. وحاجته.. تبليل
هلك (جسم القصيد).. وصابه الاعيــاء!

تعبت "افضفض" دموعي.. (لصدر) منديل
تعبت اقول للفرحه :.. ابي أصـــــداء!!

تعبت اشـــــد من حيلي... وطــاح الحيــل
تبعثر لين صار .اشلاء .. فوق اشلاء!!

انا ماميل.. لاقام.. (الشعور).. يميل
انا..مابوح لاشفت.(الصدور) اعداء!!

آصب (النور). في كف (الفجر). ويسيل
آصير ارجاء.. لاضاقت بهم.. ارجــاء

انا.. جيل بأحاسيسي.. ياأغرب جيل!!
انا (الاإيه) الوحيده.في زمان (اللاء)!

انا اكرم (حلم).. و(الواقع) معاي..ابخيل
انا (اوعى) عقل واحتاج لبعض./ اغماء!

::::::
:::::::

رح صافح الغيم..خل الشمس تفخر به
.....واضحك / يسيل (المطر) ولهان من فمه..!!
قدامك الطفله.. اللي... تقهر الغربه
ولو البشر ضدها ..ماهي بمهتمه...!!
لاشافت ان الحمام يطير في سربه
... [ تفرد يديها ]عشان تطييير وتضمه.!!

:::::::
::::::

للصدفه ..وقعٍ ..بعض الاحيان ..يآلم
............ تعض منْه شفاك .. وتصيح بك : يوووه!!
واللي بعد مثلي للاحـزان .. والــم
........... اللي مـسح دمعتـهم .. اليوم بـكّوووه!!
ماهو قهر يترك || لجل حُب || ..عالم
...........اكبر قهرر ..لا حَب|| عااالم || .. وخـلّووه!!

:::::::::::
::::::::::

يمه ضحكاتك صباح لْطفلة آلارجوحه
... اضحكي .. خلّيها تبدا ... يومها مرتاحه ...!

مادريتي ليه انام...وغرفتي مفتوحه
.... لنّ طلاتك ..... (سمآ) .... لاحلامي الصدّاحه

::::::::
::::::::::

خبّي مع فتات الحلم .. يدّي .. داخل جيوبي /\\/
واروح انقل لها بَردْي .. بدَل .. ماهي تدفااا بي !!
على حد الصباح اشرب صباح الجرح .. ياكوبي /\\/
وعلى جرح الصباح اصرخ : عشاااني رجّع احبابي !!

::::::
::::

نأتي إلى القصيدة الأهم في حياة الع ــنود الع ــبد الله ..وهي
القصيدة التي فازت بها في مسابقة
الشاعر سعد علوش لمجاراة البيت ..
محتاج لك والحاجة أم الإختراع ..
وكانت الجائزة .. 20000 ريال ..
ومن وجهة نظري حرفها يستحق

محتاج(هـ) لك .. والحاجة أم الاختراع
ياللي تسافر كل ما .. إحتجت لك

ماقلت لك إني مـ أتحمل وداع

وداع ما أتحمله .. ما قلت لك ؟

الطير بين الغيم واطراف الشراع

والموج . والورد الندي اللي جبت لك

كل حاجة تردد وراي بـ إنصياع

اشتقت لك .. اشتقت لك .. اشتقت لك

ياللي حضورك قوت .. وعيوني جياع

تبي الصراحه ؟ .. كل أبوني جعتِ لك

ضي .. وعليها ..آع ... تعطينا ضياع

وانا انطفى ضيّي كذا .. من ضعتِ لكـ

اشعلت لك قلبي من اللهفه .. وماع

ليته مَ ماع ..وليتني ..مَـ اشعلتِ لكـ

في وقت صار الكل .. لبّيسة قناع

مع إني جدًا واضحة .. وضّحتِ لكـ

ان المطر ينزل عشان .. الإرتفآع

واني على شان ارتفع .. نزلتِ لكـ

وان ضيقتي لابد معها .. اتساع

وان اتساعي يْزيد .. كلْ ماضقتِ لكـ

كلْ ما افوق ..يموت في عيني .. شجاع

وكلْ ما اموت شوي قمت .. و فقتِ لكـ

امتع خطايا حبي ..لك .. الاندفاع

واخطى مُتَع حبك .. ليا فضفتِ لكـ

رددت لك .. سافر وضيعني وضاع

وانا اختنق بشويش .. لا رددتِ لكـ

ياللي ذبل تشرين .. من قلت : الوداع

لا تْقول بعـــدين : انْ انا ما قلتِ لكـ

إما لجِل اوصَلْك .. بَعْمَل اختراع

والا لا عاد تسافر.. اذا احتجتِ لكـ

روعة استقيتها من نبع قصيدها .. فـ أحببت أن تشاركوني تلك العذوبة
و لكم من دمع زهري أعطره :
~ دمـع الزهـر ~

[bandar al-dakhil]

روعة روعة روعة

تسلم يدينكـ دمع الزهـر على الإختيار المتميز

وهذا يدل على ذائقتك الرآئــعة ,,$222

الشاعرة العنود العبدالله
شاعره

مبدعه

عذبه

تمتلك كل جماليات الشعر والأبداع والإحساس والتصويـر

وبالنسبة لمجاراتها ولا أبالغ بأن قصيدتها كانت رآئعة جداً وتستحق الجائزة

وقد اثيرت إشاعة بأنها هي (سعد علــوش) ,,ولكـن تم نفيها بعد فترة ,,

لكن للأمانة حتى سعد علوش ما أظن انه يقدر يكتب مثلها

لأن حرفها مميــز ومنفرد وانتقائها للكلمات بشكـل عجيــب

يجبرك على الدخـول في جو القصيدة وهذا نادر في وجود هذا الكم من الشعراء والشاعرات ,,




ومن قصائد العنود التي أعجبــتني

اعطّر انفاسي ..بــ (شانيل) لافاح
.......وابلل بدمعي ....../ جفاف المحابر.....!!

طب انت قلّي : انك بخير ../ برتاااح
...... موّتني فراقك ..وصمتك ../مقابر..!!

ماطحت بس القلب من غيبتك طااااح
.......عجزت اخبّي هالمشاعر .. واكاااابر..!!



كـل الشكـر لك أختي

(( دمع الزهــر ))

$222

..::: إحــترآمــي :::...

[Alameer’’..]

صح الله لسآن الشاعرهـ

وبيض الله وجهك على النقل الجميل

الله يعطيك العافيه دمع

مع التحيه

[حيران في عالم النسيان]

صح لسان الشاعره والمستقبل قدامها بخيره وشره

وتسلمين يا دمع على هذا النقل


تحيتي لتس